منتدى اللحالي - قصيدة اعجبتني

يا بوش يا وافي الأشبار
لو منت بالخير مذكوري

أسلم وسلّم سلام ٍ حار
على الولايه ومشكوري

وعلّم أوباما يشبّ النار
وأرتاح يا الحاكم الثوري

أسمر عبر لا أستلمنا ثار
والأمر مستعجل وفوري

قــلّه يركب لنا الــرادار
وأن مــرّنا يضرب البوري

وعطه ما عندك من الأسرار
عن سالفة عزت الدوري

وتاريخ ميلاد ابو عمار
وهواية المالكي نوري

والنفط ومؤشر الأسعار
وسياسة الزيف والزوري

وإيران والأمن والأخطار
ومطامع الريّس السوري

ولبنان والكبش والجزار
وعنتر وشيبوب والثوري

تفصيل شامل عن اللي صار
لو وضع الإسلام مخبوري

ولا تشغله باقي الأقطار
مــاهوب بالغير مجبوري

خلّه ليا كمّل المشوار
يعيش ويعايش الدوري

ويفرض علينا ثياب العار
ونقول مخطي ومعذوري

قــامت تلاعب بنا الكفّار
من ديمقراطي لجمهوري

لــكنّ يا القــاهـر الجبّار
أرفع عن عبادك الجوري

مدري من القائل بس عجبتني بقوووة