|
ديوان سعد تركي السمين الحربي
|
يالله يلـي بإسمـك الخلـق تدعـيـك
مرثية يالله يلـي بإسمـك الخلـق تدعـيـك يـابـو سـعـد غـادرتـنـا يـــم بـاريــك=يوم إنتهى عمرك ونادتـك ساعتـك قبل أمس أنا وياك جالس أقهويـك=واليوم تبكي العيـن لاشفـت دلتـك ليتك محلي الحين يوم إني أرثيـك=وأنا محلـك ِفيًـه النـاس عـزتـك ولا جلست أكتب لي أبيات وأنعيك=وعيني على ثوبك وبشتك وغترتك كل ما دخلت البيت أنسى وأناديك=وأحيان أروح بـدون مـدري لغرفتـك وليـا دخلـت العيـن قامـت تراعـيـك=وأقول ليتـه حلـم وأفـرح بشوفتـك يابو سعد تدري بالأرواح نفديك=ولا فيه شي إلا لك نقول فدوتك لكنها الأقدار من روحت فيك=ودون القدر مافاد قولة سلامتك لو غاب جسمك طيب الذكر يحييك=وأنته ملكت الطيب والطيب عادتك وحنا على دربك ونمشي مماشيك=ونحقق أمالك ونتبع وصيتك وصيتنا بالوصل ناصل غواليك=ونهيتنا عن قطع باقي صداقتك الله يقدرنا نحقق أمانيك=ونجمع رضى ربي وبرك ورغبتك يالله يلـي بإسمك الخلـق تدعيـك=أنـت الوحيـد وكلنـا تـحـت رحمـتـك أنتـه خلقـت الكـل والـكـل يرجـيـك=والعبد مهمـا صـار ترضيـه حكمتـك والروح أمانـه والعمـر شـي بيديـك=ونحيـا بفضلـك ليـن تـاخـذ أمانـتـك يالله عـبـدك يـرفـع يـديــه يـدعـيـك=أنـت الكريـم ونطلبـك مـن محبـتـك أبـــوى عـنــا راح يـمــك ونـاصـيــك=إستقبلـه وإفتـح لـه أبـواب جنـتـك سعد تركي السمين |
أمس الضحى
أمس الضحى أمس الضحى كن الصدر مركز الحزن=والـقـلب كـنـه لـلـحزن فـاتـحٍ بـاب وقـامن ضـلوعي وسط صدري يهزن=مـاكـني إلا ضـاربـه بـمشط شـباب والـعـين هـلت دمـعها كـنها الـمزن=وحـول عـلى خدي كما المزن صباب سـألـتها وشـفـيه قـالت لـي بـحزن=أبـو سـعد مـن دنـيتك يـاسعد غـاب مـن بـعدها والـعين مـا عـاد تـخزن=ومـا عـاد تـحسب لـلدمع أية حساب أثـر الـدموع الـلي نـزلن لـي يـعزن=صـحيح دمـع الـعين دايـم له أسباب لـعـلكن بـالـخير يـادمـوع تـجـزن=ويجبر عزاء قلب غدى اليوم منصاب الشاعر/ ســــــعـــــد الـــســـمــيــن |
يــابـدر وأنـــا أبـــوك
يــابـدر وأنـــا أبـــوك قصيده كتبها أحد الجيران وهو جارنا منذ ثلاثين سنة بعد وفاة والدي بيومين وأرسلها لي أخوه وجاريتها : يــابـدر وأنـــا أبـــوك مــات الـفـقيده=الـلـي عـلـى الـطالات مـتعب ركـابه لاتـلـومـني لامــن كـتـبت الـقـصيده=أســلــي الـخـاطـر بـنـظـم الـكـتـابه تـركـي سـعد راع الـصفات الـحميده=راع الـــكــرم راع الــوفــاء والـمـهـابـه عــزيـز نـفـسً كــل أمــوره سـديـده=الــجــار عـــز الــجـار مــابـه غــرابـه إخـصـالـه الـجـزلـه خــصـالً فــريـده=ومـالـه مــع الـعربان شـبه ومـشابه أبـــو ســعـد انـشـهـد إنـــه ولــيـده=عــسـاه فـالـجـنه بــرحـب ورحــابـه مــرحـوم يـانـسـل الـرجـال الـعـنيده=مــرحـوم يــارمـز الـشـيـم والـذرابـه -------------- سـعـد صـالـح الـمـرشدي الـعـتيبي وهذه مجاراتي له : ســر يـاقـلم واكـتـب بـيـوت جـديـده=وعبر عن اللي وسط قلبي سطابه أبـــو بـــدر لـــولا الـمـحـبه الأكـيـده=مـاكـان يـشـكي مـثل جـاره مـصابه عـبر عـن الـلي بـخاطره في قصيده=وقـريـتـها ومـــا شــوف فـيـها غـرابـه راعــي جـزالـه والـوفـاء فــي وريـده=مـــن لابــةٍ فـيـها إجـمـعتنا شـبـابه الـمـرجـله والـطـيـب عـنـده عـقـيده=يــمـشـي عـلـيـها مـاتـغـير إنـصـابـه مـثـلـه مـــع الأيـــام يـكـبـر رصـيـده=ومــن كــان مـثـله مـانقفل حـسابه يــابـو بـــدر طــبـع الـلـيـالي عـنـيده=مـاهي سـوا لـو كان فيها تشابه والـنـفس مـهـما كـان تـرجع وحـيده=وعــن الـقـدر مـافـاد مـن صـك بـابه وأبــو سـعـد لــو الـبـكاء لــي يـعيده=والله لـبـكـي لــيـن أحــصـل إجـابـه لــكـن عــرفـت إن الـبـكـاء مـايـفيده=لـو كـان دمـع الـعين مـثل الـسحابه يالله عـسـى فــي بـرنـا لــه نـزيـده=ونـقـدم ونـدعـي ونـلـقى إسـتجابه والله كــريـم ويـفـعـل الــلـي يــريـده=ونـرضـى بـكـل الـلـي عـلـينا رضـابه -------------- سعد تركي السمين الحربي |
مرثية جازي السمين في والدي
مرثية جازي السمين في والدي
واعـيـني الـلـي كـنـها دارج الـسيل=قــامـت تــهـل الــدمـع قـامـت تـهـله قـامـت تـهـل الـدمـع مـثـل الـهماليل=مــــن مــزنــة قــامــت عـلـيـنا تـهـلـه جـتنا الـفجيعة يـاسعد بـآخر الـليل=وإهـتـز عــرش الـقـلب مـمـا حـصله وصـفـقـت بـالـكـفين وأقـــول يـاويـل=وحـــل الــقـدر مـابـيـن حـــل وحــلـه يالله دخـيـلك عــن جـمـيع الـغـرابيل=ورحـمـتـك يـالـمـعبود عـــن كــل زلــه تغفر لمن هـو لـلـنـشاما مـداهـيل=الـلـي عـلـى الـجـزلات نـفـسه تـدلـه عايش على الجزلات يا نايف الجيل=غــيـر الــكـرم يــانـاس يـازيـن دلــه إحـتـار فـكـري فـيـه بـيـن الـرياجيل=مـيـر الـكـرم والـديـن هــو مـيـزة لـه تـعجز وصـوفي عـنه جـيل بعد جيل=مــثــل الـقـمـر دايم وهو في مـحـلـه يـوم الـفقر يـذبح من الـكوم والحيل=وغــيـر الـشـجـاعة مـايـعـرف الـمـذله والله لـــو إن الـمـوت جـانـي بـتـبديل=لا أعـطـيه روحــي ثــم لأقــول خـلـه لاوالـــذي نـــزل تــبـارك مــع الـفـيل=لأقـــول روحـــي يـاسـعـد فــدوةٍ لــه قـالوا تـعلل قـلت مـا أبـغى التعاليل=عــــزاه مــــن هــــم بــروحـي يـتـلـه الــهـم عــقـب بـالـضـماير مـداهـيـل=وعـقـب جـروحٍ بـالضماير مـطله والـوقـت هــذا شـفـت فـيه الـبهاذيل=هــــم لــجــأ بـالـقـلب مــحـدن يـحـلـه والــصــبـر زيـــــن وفـــيــه نفعه وتـهـلـيـل=والـصـبر زيــن ولــو بــدى فـيه خـله وصــلاة ربــي عــد مـايـطلع سـهيل=وعــــداد مــاخـط الـقـلـم بـالـسـجله عـلـى نـبـيٍ وضــح الـديـن بـالـحيل=مــحـمـد الـمـبـعـوث عـــن كـــل زلـــه --------------------------- جازي لافي السمين ورديت عليه بهذه الأبيات :
حي البيوت اللي جلبوها المراسيل=من عند ابو سطام فيها رثىً له فيها وصف لي حالته بالتفاصيل=وصور لي اللي فيه دقه وجله له حق لو طاحت دموعه هماليل=يرثي ولد عمه ودمعه يهله ما أنته لحالك كلنا دموعنا تسيل=ويستاهل اللي دمعنا له نهله وأدري بما تخفيه بالقلب وتشيل=وعن حزن في قلبك سكن وإستحله أقولها ودموع عيني مقابيل=والحال يعجز دونه الوصف كله لكن كذا حتى الحزن لازم يخيل=الفرق فيه العين تمطر محله ياليت عندي للحزن شيٍ يزيل=وأقدر أداوي من جروحه تعله لأنك يابو سطام نغليك بالحيل=وبعض الغلا ماكل واحد يصله وأبو سعد لو دمعنا كنه النيل=صعبه علينا نرد شيٍ حصله نشكي على الله مالنا بالقدر حيل=لكن عسى ربي يظله بظله وعساه بالجنه له أشجارها تميل=ويشرب من الكوثر وبيدخ يبله ---------------------------- سعد تركي السمين |
أبيات لوالدي رحمه الله
أبيات لوالدي رحمه الله
الصدر ضايق يا سعد ولم الجيب=وجميع مايحتاج له يالسنافي هاجوس في قلبي يجي مر ويغيب=أفز تالي الليل وأرمي اللحافي عجل علي إن كان تبغاني أطيب=قدام لا أروح على الرجل حافي نبي نشب النار وسط العراقيب=حمر الطعوس الشامخات النظافي نبعد عن اللي يشذبون العراقيب=هراجتن بالناس بين وخافي ثم سو لي فنجال يا منقع الطيب=فنجال ما بين الفناجيل كافي يجلى عن النفس العليلة لواهيب=لاهوب في كبدي عن الناس خافي تركي سعد السمين ورديت عليه بهذه الأبيات :
يابو سعد مع ضيقتك فرحتي تغيب=والجو ماهو جو لو كان صافي يفداك منهو ما يعرف المواجيب=ويفداك منهم بالمواقف ضعافي ويفداك منهو بالقفاء دايم يعيب=ناس لها قلبي وعقلي يعافي ليا بغيت الدرب قل جهز الجيب=والجيب لك يجهز بشكل احترافي وتلقى التوانك راكبه والمراكيب=ومن فوقها العزبه وعفش اضافي نمشي على كيفك الين انك تطيب=ويروح شي بالصدر ما يشافي ومادام لي ما قلت نبغى المعازيب=أنا على الطاره نويت إعتكافي سعد تركي السمين |
سبحان منهو بالبحر حط برزخ
سبحان منهو بالبحر حط برزخ سبـحـان منـهـو بالبـحـر حــط بــرزخ=معزول عن باقي البحر ماأختلط ماه الـواحـد الـلـي لإسـمـه الـكـل يـرضـخ=بإسمـه يزيـن الـقـاف والـقـاف نـبـداه سر ياقلـم وإكتـب لـي أبيـات وإبـذخ=في وسط صدري شي ومغير أجـواه والله يــالــولا فــــوق الأوراق نــصــرخ=وأطش من فوق الصدر بعض ماجـاه ماكـان لـي قلـب إلـى الحـيـن ينـضـخ=ولاوزع الشريـان دمــه عـلـى أعـضـاه لـكـن تـخـف اوجـاعـنـا يـــوم نـنـسـخ=ونلصق على وجه الـورق مـا كتمنـاه لـعــل عـيـنـن تـنـكـر الــحــق تـفـضــخ=مدامـهـا عــن شـوفــة الـحــق مـعـمـاه ولـعـل مــن قلـبـه مــن الحـقـد يـطـبـخ=يـرجـع علـيـه الـلـي بقلـبـه ويـصــلاه سعد السمين وهذه مجاراة الأخ والشاعر القدير ابو عبدالعزيز المحمدي : مطنـوخ قافـك ياسعـد وانــت اطـنـخ=سبحـان مـن لاضــاق عـبـده تنـصـاه ياشاعـراً عـلـى القـوافـي تـمـخ مــخ=سقت الدرر والحص جبته من اخباه قـصـيـدةٍ فـيــه الادب حـيــل يـشـمــخ=وش خـانـة الدنـيـا بـــلا خـضــوع لله الـنـفــس بـالايــمــان لابـــــد تــطـــرخ=بالصـدق مـع حسـن النـويـا مـحـلاه والـوقـت لــه هـبـات صـلـفـاً تلـخـلـخ=لـولا الصبـر مانمـسـك العـقـل بـلـزاه اسـجـد بـتـال اللـيـل هـمـي تـرخـرخ=والله كـــريــــمٍ مــاتــعـــدد عــطــايـــاه وإلـى سمعـت الـلـي بهـرجـه تـلـوخ=لانـلـتـفـت يــمــه ولا نـعـبّــر احــكـــاه الــزمــل لـحـمــول الـلـيـالـي مــنــوخ=والـلــي عـطــاه الله لايـفـقـد ارضــــاه أبو عبدالعزيز المحمدي |
لـيا ضـاق صـدري وإمتلا بالهواجيس
لـيا ضـاق صـدري وإمتلا بالهواجيس لـيا ضـاق صـدري وإمتلا بالهواجيس=وجـوي تـغير شـلت عـفشي وروحت وأبـعدت عـن بعض الوجيه المعابيس=وعن وجهتي لغير أقرب الناس مابحت وأقـفـيت لـديـار كـثـيرة تـضـاريس=غـير الـصدى محدن يجاوبك لو صحت لـيـا جـيـتها عـنـي تـروح الـكوابيس=كـن الـصدر لاجـيتها يـقولي أرتـحت وأطـلقت فيها هموم قلبي المحابيس=ومـا جـمعه قـلبي عـلى طـول ينحت فـيـها مـواعـد لــي رجـال نـواميس=رجـال لـهم وقـفه ومـوقف إذا طحت فـي شـوفهم عـني تـروح التعاميس=ســلاح بـعـد الله لـيـامن تـسـلحت مـعهم شـعوري فـوق كل المقاييس=وأحـزن لـيا مـني عـن أمـثالهم رحت ســــــعــــــد الـــســـمـــيــن |
أحيــــان
أحيــــان الله من وقتٍ مضالي وعشته=كني وحيد ولا لقى من يراعيه حـتــى الـصـديـق الـلــي لـلأيــام شـلـتـه=أصـبــح ســـراب وخـوتــي مــــا تـسـلـيـه ِتـصـرفـه مــــن فــــوق مــافــي شـفـتــه=أكــبــر مــــن الــلــي فــيــه الله يـعـمـيــه عــزيــز عــنــدي لــكــن الــيـــوم عـفــتــه=وأعـيــف كـــل الـلــي الـمـواقـف تـعـريــه مــــادام مــابـــه خــيـــر مـثــلــه تـركــتــه=وجــرحٍ تسـبـب بـه عـســى الـوقــت يـبـريـه لــو هــو قـريـبـي مـــن حـيـاتـي حـذفـتـه=أحـيــان بـعــض الــقــرب تــكــره إطــريــه وأحــيـــان تـلــقــى واحــــــدٍ مـاعـرفــتــه=يغـنـيـك عـــن كــــل الـمـعــارف وتـغـنـيـه مـثـلـه غــــلاه بــوســط قـلـبــي زرعــتــه=ومـديــت لـــه شــريــان قـلـبــي يـغـذيــه ســـــــعــــــــد الــــســــمــــيــــن |
ياهيـه يـاهـيه يـلي منفش مـثل طـاؤؤس=وتـشوف نفسك فوق الاجواد عالي الـنفس ماتقبل من أشكالك نفوس=حـتـى ولـو حـاولت مـالك مـجالي لـبست لـك مـلبس وأنا لي ملبوس=ولا هـمني لـبسك ولـو كـان غالي خـلك بـعيد ولا تـجي حولنا تحوس=ولا تحسب لساني على طول حالي مـن راح للحلاق يصبر على الموس=عـاد أنـت حـاول لاتـصير إنـفعالي ولاتحسب إنك تعطي العالم دروس=أنـا بـصراحه فـيك مـااشغلت بالي مـثلك بـعيني مجرد إنسان منفوس=مـريـض لـكن مـالقى أيـات والـي مسكين منهو يقضي العمر محبوس=في وسط سجن من الكبر والتعالي سعد السمين |
الجروح
الجروح
تـدري وش اللـي يذبـح الحـر بالـهـم=ويهـد حيلـه عـقـب مــا كــان طـايـر سعد السمينمطيح ريشه دايـم أقـوى مـن السـم=عقب الفضاء عود على الرجل ساير ومثلـك يابـو يوسـف مجـرب ويعـلـم=إن الـزمـن قـاســي علـيـنـا وجـايــر وإن البـشـر أنــواع كـافــر ومـسـلـم=وفي بعض هالعالـم أنـا صـرت حايـر لـعـل منـهـو يظـلـم الـنـاس يظـلـم=والجرح في قلبـه علـى طـول غايـر ويـرتـاح منـهـو داخـلـه بــس يـكـتـم=الشـكـل هــادي لـكــن الـــدم فـايــر مـاهـو بــرود بداخـلـه ولاهــو بحـلـم=ولا هو حسب بعد الفعل ويش صايـر لكـن لأنـه فـي رضــى الــرب مـلـزم=ومن شان عين اللي لهم ألف خاطر كـذا الجـروح أنـواع لـو تـنـزف الــدم=شيٍ يطيب وشـي مثـل المقابـر ليت الجروح اللي لها صدورنـا تضـم=لـيـا جلـسـت فـتــره تـمــل وتـغــادر جــرح يــزم وجـــرح مـاهــو بـيـنـزم=الله يعيـن اللـي علـى الجـرح صـابـر |
ماباس ياللي من هوى الزين مذبوح
ماباس ياللي مًنَ هوى الزين مذبوح ماباس ياللي مًنَ هوى الزين مذبـوح=من قال لك جرح الهـوى لـه مـداوي جرح الهوى يبقى على طول مفتوح=ومـا فـيـه حــل إلا لجـرحـك تـخـاوي كل الجروح اللـي تجـئ يمكـن تـروح=لآصـار لـك قلـب مًـنَ الـحـب خــاوي ونصيحتي لأهل الهـوى تتـرك البـوح=البـوح لأهـل العشـق سـاس البـلاوي لبيـه ياللـي صوتـهـا تـقـول مبـحـوح=وأنفاسهـا كنـه مًــنَ العـطـر جــاوي لبيـه لـو حـتـى يسـبـب لــي جــروح=مسمـوح لـو إنـه علـى الجـرح نـاوي سعد السمين |
لاعــاد تسئلـنـي
لاعــاد تسئلـنـي لاعــاد تـسـئلني أنــا لـيه ونـيت=وعـن سـبة غـنايه وكـثرة مزوحي مـاهو عـلى كـيفي تـرا يوم غنيت=وجريت صوتي وأنت للصوت توحي الـروح من غـنت وأنـا مثلك أصغيت=ويـشيل معها الصوت باقي جروحي من شي في قلبي عن الناس خفيت=ويـاكثر مـا تخفي عن الناس روحي من خـلقتي لـغير الـولي ماتشكيت=والـنـفس مـا تـقبل لغيره تـبوحي يـدري عن اللي بـداخلي لو ما أبديت=ويدري عن اللي منه صدري يفوحي سـبـحانه الـمعبود هو خالق الـبيت=إليا دعيته كل هـمي يـروحي ســعـــد الـسـمـيـن |
عندي خبر
عندي خبر
يعني كذا يطري على بالك أنساك=ويـمـر يــوم ولا تـمـر بخــيـالي ولا ليـا غبتي تبي تغيب طـرياك=طيـفك معـي يسـهـر بكـل الليـالي باقي على حبـك وعايـش بذكـراك=ومشتـاق لك بالـحيـل ياكـل غـالي وعندي خبر عن قصـة الحزن وبكاك=وعن دمعك اللي زايـدٍ بإنهمالي ياليـت لي قـدره وأجي وأترضاك=وأمسـح بعـض دمع على الخـد سـالي وأقولك هات الحزن والفرح هـاك=افـرح وخـل الحـزن لـيـه لـحـالي ما للفرح طـاري بحياتي بليـاك=ولا أبيه مـن دونـك ولو هـو جـالي حاولت ثم حاولت لأجل أكسب رضاك=وصبـرت مـن شـانك على كـل صــالي وأتعبت رجلي يــم هـذا وهـذاك=ومـافيهـم اللي بفـزعته رد حـالي كله علشـانك عسى القلب يفـداك=وعـشـان لـي قلـبٍ بـحـبـك يبـالي الله يسـامح من على العـز ربــاك=جيتـه على وعــده ولا ســر حــالي لكن عسـى ربي على طــول يرعاك=وتنسـى حــزن قلبـك وتلقى بـدالي ياقلب ليه الوقت والحظ عـاداك=والـلي تحبـه يصـيـر حبـه خيـالي وليه الموده تنقلب بعد وإرباك=وينهــد برجٍ للمحبيـن عــالي وليه القلوب اللي تبيهاوتبغاك=بليـا سبـب مـالك عليهـا مجــالي لكـن كذا الدنيا طبيعي تحـداك=وتضحك بوجـه اللي من الحـس خـالي سعد السمين |
الريم
الـريم
ريـم رمى سهمه عليه ولا أخطاه=شق الضلوع وصاب قلبي وتله فـي ديرةٍ ماجاء على بالي ألقـاه=لـو قـيل لـي ماكنت أصدق محـله سبحان من حـط الحـلا في محيـاه=مـهـما تـطـالع بـالـوجه مـاتمـله ولـيا تكلم بس عينـك على شفـاه=وصـوته عـلاج وبـلسم لـكـل عـله لــو الـبـحر خـالـط ثـناياه حـلاه=سـكـر نـبات ومـاتبي مـنه حـله وليا ضحك كـل الـحلا في ثناياه=في ضحكته يضحك له الكون كله ولـيـا زعــل ودك بـجنبه تـرضاه=وتـقـوله خـل الـزعل عـنك خـله صـادق بـتعبيره وصـادق بمعنـاه=إحساس صادق صعب غيره يصله أخـذت أنـا ويـاه لي وقت منساه=درب الـهوى قـلبي وقـلبه يـدله صـور لي اللي صابه بفعل دنياه=وعـاف الـحياه الـلي تهين وتذله يـقول لـيه؟ الـلي نـبي ونتمناه=صـعـبه عـلـينا لــو بـغينا نـصله وإلـى مـتى وقـلوبنا في معاناه=والـخل مـايقدر عـلى شوف خله ثـم أطـرق بـعينه ودمـعه تـبـلاه=وسـالت عـلى خـده دمـوعه تبله تـسمع تـنهاده وتـبكي من بكاه=كن الحزن وسطه سكن وإستحله ياليتني من دونه ودون ماجاه=حــرام مـثـله دمــع عـينه يـهله سعد السمين |
رساله وصلتني من الأخ / جازي السمين وفيها هذه الأبيات : قم ياسعــــد واكتب لنا عدة أبيات=حيث ان قلبــــك للمثــــايل فطيني جازي لافي السمين الصبر باح وماضي العمر قد فات=وطــــالت علي شهـورها والسنيني ما يرجع الماضي على كل الأوقات =خذ الجــــواب اللي بصبر ويقيني أعطيك قافي وافهم القـاف بالذات=يلي على الجــــزلات دايــم مكيني متمكن بالطيب في كـــل حـــــزات=وأقــــولها بالصــــدق يالسامعيني البــــارحة حسيت بالصدر حسات=مًنَ هاجــــس بالليــل دايم يجيني ليا نامت العـــالم تسراني أشتات=هــــذا يسنــــد بي وهــــذا يبيني مخفيــــه ما نبـــديه عن كل شمات=أخـــاف مًنَ هـرجة رفيقن بطيني ورديت عليه بهذه الأبيات : دق الجــــرس يوم الرســـاله لنا جات=وذي عـــادته يـوم الرســــايل تجينــي سعد السمينمن عنـــد ابو سطـــــام فيها تنهـــات=وأبيـــــات ركبهــــــا على قــاف إيني وقــريت مافيهــا مًنَ بيـــوت جـــزلات=يالله علــى تفسيـــــرهـــا انك تعينـي يامــرحبـــاباللي له الــطيب عـــادات=وماهـــو غــــــريب الطيب للطيبينــــي أقـــولهـــا صــــــادق ولا لي غــايات=مثلك ليـــــاجـــــات المـــــواقف يبيني العمــــــر يمشي والليـــالي طـويلات=وكـــل مع الأيــــــام طبـــعـــه يلينيـي تقـــــول صــاير لك مع الوقت وقفات=وتسري مع الهاجــوس في كل حيني من فيه منــــا مامشى في متاهـــات=ومـن فيـــــه منـــــا ماغـــــداله ونيني كذا الحياة ظروف وصدوف صعبات=ومهــمــــا تزيــن بيـــوم لازم تشينـي ياكثــــر ماناخذ مع الوقت سجـــات=ولا يرجـــع المـــاضي بكثــر الحنيني تبــــي العـــــلاج أنا لقيته بالآيــــات=وخشـــوع تالي الليـــــل مع ركعتيني وأهل الشمــاتة والحكي والدعــايات=مـاهــم رفــاقه ودينهـــم غيــــر دينــي وختامهـــا يلي تبـــــون الشفـــاعات=صلو على خيـــر البشـــر كــل حيني |
قـالــت تبــي تبطــي تهـــز الـمشـــاعــر قـالــت تبــي تبطــي تهـــز الـمشـــاعــر=وتحــــرك إحســـاسي بكـلمـه وتغــويــه ولـو كنـت متعـلــم.. وبالهــرج شـــاطــر=أبعـد مواصيـلك معي الســوق تطــويـه كـلـه على شــــاني لجهــتـهـــا أناظــر=وأنـا بصـــراحـه هـاجـسـي فيـه مـافيـه لـكـن َضحكت وقـلـت ليــه المقــاشــر=حنــــي على قـلـب كثيـــره طــــواريــه وقـلـت إرحـمــي يـابنت مـاني بغــادر=قاســي يـدور شـي من شـــان تــوذيـه أنــا وحيـــد وفـي رحـــى وقـت غـــابـر=عجــزت ليــالي الـعـمــر تقــدر تــداويه ذقــت الهــوى فتــره على يـديـن سـاحـر=عيــونه بحــر والــرمش يرسـم مــوانيه صــوته عـليـــل ومنـه الصــدق ظـاهــر=وفيه الحــــزن والهــم بـانـت مـــواريـه قـالـت صحـيــح ! وقــلــت بالله نـاظـــر=الحــزن في وجهـي مـاهــو بـايـنن فيــه وأنـا بصــراحه أشــوف كـلك مشــاعر=وصعبـه تشـوف إنســان مثـلي وتخليـه قالت أقـــــول.. قـلـت إيه..قـالـت تكـابـر=ودك عـلـى ممن كـــان مـــثلي تخـــاويــه وأنـا بصــــراحه ِحلمـي إنســــان قـــادر=يمـشـي عـلـى كيـفـي وكـيـفـي يـمشــيـه قلـت اطلبــي واللــــي تـبـيـنــه أوامــــر=واللـي على بـــالك..لـعـيـنــــك نســــويــه قالـت كـذا ! قلـت إيـه .. بـس أنت تـآمـر=وهـــــذا الـــرقـم واللـــي تبـيـنـه نـلـبــيـه وأقفيت من عنـده وأنـا أقــول حاضـــر=حطيـنـــيّ بـقـلـبـــك وقـلـبـي يـراعـيــه ومـا فــات نــــص الليــــل إلا ياســـاتــر=جتنــي الرســـايـل منـه يشكـي ليــالـيــه قـالـت الـوووه وقـلـت هـاتــوا الدكـــاتر=جـاني بـلا وتـرى السبب منهو أحاكيـه مـاهـي الـوووه اللـي على البـال خــابـر=ولاهي الوووه معيـض وعبيد وطميـه ألـووووهـا شــي عـلـى الـقـلـب خـــــادر=ودك تنــــام ويضيـع النـــوم راعـيــه وقـالـت أحبـــك.. وإضحكت.. قلت خـابر=لـكـن ســؤال الحـب وش هي مــواريـه قـالـت يـاعـمـــــري الحـب كلـه مظــاهر=خــذ منـه مـا يعجـبـــك وإتـرك بـواقيـه مـا تـــدري إن الـحـب كـلــه مخـــاطــــر=دربـه طـــويـل وشايكــــات مســــاريـه قـلت إسـكتـي بعـض الهـوى شـي نـــادر=بلســـم حيــاة وكــل عـطشــان يــرويـه مـا جـيـتـك اقـــــرأ من كـلام الـدفـــــاتـر=أنا مشيت الـــدرب وأعـــرف غـداريـه قــالت عـلامـك ؟! قـلـت كـنـت أتـظـاهـر=قلبــــــك تحـدانـي .. وقبلـت بـتـحـــديـه وأنـتـي عـلـى فـكـــره عـديـمــة مشـــاعر=والــحـب مثـلك صعـب تفهــم مـعــانيـه ولـو كـــان شفـتـي العيـن يمـك تـنــــاظـر=قـلـبــي يســـج بــواحـــدٍ مــا تـســـاويـه والقـلـب في غيـــــره حـلــف مـا ينــاظـر=لا أنـتــي ولا مثــلك تحــــرك ســوانـيـه الحـب صــدق إحســاس معنـى وظـــاهـر=وجــروح تنـزف في خفـوقك وتكـويــه الله يـعـيـن الحـب وشــــلــون صـــابـر=والنـــاس هـذي تشــوهـه وتِـــدعـي فيـه سعد السمين |
يانفسي اللي كل ماقلت هدت
يانفسي اللي كل ماقلت هدت يانفسي اللي كل ماقلت هدت=والحزن فيها خف ماخف للحين أربع سنين وقبلها عشر عدت=يالله على بعض الحزن انك تعين بأسباب منهو فيه الأيام صدت=وحنا على ماقدر الحي راضين ليا حل له طاري دموعي استجدت=لو كان ماودي على العالم تبين وليا ذكرته دمعة العين ندت=من يمنعك يا دمعتي لا تسيلين لكن عسى منهو له الخلق مدت=يدينها تدعيه بالعسر واللين يلطف بروحٍ يمه أقفت وشدت=ويجعل مكانه عنده بوسط علين سعد السمين |
عبـر الأثيـــر
عبـر الأثيـــر
عبـر الأثيـــر أبعث تحيـات وأشــواق=تعبيـــر عـــن حبـي وزود إشتيـــاقي سعد السمينودي أشوفــــك لكـن الجــــو مـــاراق=يلي ملكتــــي القــلب بإسلــوب راقي حبــــك تعــــدى بداخلي كل اﻻفــاق=حتـى لحــب النفـس للنفــس فــــاقي ماحد لعيني غيرك من البشر لاق=والقـــلب مــاهمــه لـــــو الكـــل لاقـي وقلب يحبـك مايبي لغيـرك عنـاق=لـــو كـل قـلب له نــوى بالعنـاقي وأنتي قريبه ما أذكر إن الصدر ضاق=لـكن إذا أبعـدتي على طول ضــاقي الله ﻻيكـــتب على قلـــــوبنا فــــــراق=ويجمع شمل منهم شكو من الفراقي |
جـتني رسـالة كـلها حب وإعجاب
جـتني رسـالة كـلها حب وإعجاب
جـتني رسـالة كـلها حب وإعجاب=مـدري مـن المرسل ولكن جميله فـيها غـلا وفيها حلا ونصها عتاب=وسـؤال وش ذنب القلوب العليله إنسان عنده وصف وأسلوب جذاب=يشكي من اللي وسط قلبه يشيله قـلت تعرفني قال من بيت بكتاب=وبـيتك ذبحني بكل شكل ووسيله غصت به عيوني وغرقت به أهداب=وأنا أول أحسب دمعتي مستحيله يـاليت دايـم تحسب لغيرك حساب=وش ذنب قلبي تسهره كل ليله قلت العذر منك ومن كل الأحباب=قـلـبـي إذا عـبـر يـضـيع دلـيـله ومثلك يعرف القلب لاصار منصاب=لــو يـنصحه راعـيه مـافيه حـيله وشـكلك ضحية حب صادق لكذاب=ومـثلي مـن أسـباب المحبه قتيله ســـــعـــــد الـــســمــيــن |
الشـام
الشـام يالله يا المعبود يا خالق الكـون=يا عالمٍ بأسرار قلبي الدفينـه يا واحدٍ ما غيره الناس يدعون=تلطـف بحال اللـي رفـع لك يدينـه يا الله لك بالشــام نـاس يصـلـون=شعـبٍ علـى مـافيـه يا الله تعـيـنـه أحوالهـم من دون في دون في دون=وما فيه منهـم من سلـم من ونينـه الطفل والشايب على طـول يبكـون=وما فيهـم اللي ما مسـح دمع عينـه وما فيه بيت إلا من الحزن مسكون=وقلـوب مـا ذاقـت طعـم للسكيـنـه بشـار وكـلابـه عليـهـم يـدورون=وكـلٍ يخيــر بيـن عـرضـه وديـنـه كم واحـدٍ من فعلهـم مات مغبـون=وكـم واحـد يعـذب وغيــره رهينـه مالوم عاقلهم ولو صـار مجنـون=يـالله لا تــرحـم ثــرى لا يمـيـنـه والمجتمع كله عن العنـف ينهـون=وكلٍ يقـول العنـف حنــا نـدينـه واليوم كن المجتمـع ماله عيـون=يشـوف كيـف الشــام صارت حـزينـه يا الله من غيرك لهم عنـده العـون=سلــط علـى بشـار و منـاصــرينـه سعد السمين |
مرثية جازي الحربي في والدي
مرثية جازي الحربي في والدي الله من قلب فيه الفضاء ضاق=وضاقت بي الدنيا ولو هي وسيعة وضاقت بي الدنيا بسن الارياق=وحلت علي المشكلة والفجيعة ودمعي على الخدين ياناس دفاق=وإحتار فكري بالدموع الطبيعة وقامت تهل الدمع في وقت الإشراق=والليل تسهر في دموع سريعة وصفقت بالكفين والقلب مافاق=ونفسي من النكبات دايم وجيعة الحزن خيم بالضماير والأعناق=وإحتل صدري والضلوع الوسيعة ليت الليالي أمهلن له على ساق=ويعيش بالدنيا وزهرة ربيعه وأنا أشهد إن الوقت ياالقرم بواق=وحاطت بنا الدنيا وجتنا القطيعة وين الرفيق اللي له الروح تشتاق=غلاه في قلبي حصونه منيعة في جنة الفردوس تكتب له أرزاق=وفي زمرة محمد وجعله شفيعه وجروح قلبي ياسعد تحرق إحراق=الليل مانامه ونفسي شنيعه وشي دخل روحي تقل سم زراق=سم الحنش بالجسم يدفع دفيعه وحاطت بنا الدنيا وحلت بالافراق=ولا تنفع الونه وشي نذيعه وصلاة ربي عد مالاح براق=وعدة قصور المملكة والبديعة على نبين فضله الله بالأخلاق=اللي خلق للخلق سنه جميعه جازي لافي الحربي ورديت عليه بهذه الأبيات : حي الـبيوت اللي شكت حزن وفراق=مـن عند ابو سطام تشكي الفجيعه قـريـتها والـدمـع بـالـعين بــراق=وعـيني لـها مـده تـحدى الـطبيعه فـيها نـثر حـزنه على وجه الأوراق=وصـور لـي اللي منه نفسه جريعه من شي في قلبه ويسكن بالاعماق=واضــح عـلى وجـهه ولـو مـايذيعه مـثلك يـابوسطام حاصل لي إرهاق=والـحـزن يـثـر بـالـقلوب الـوجيعه وأنا أدري بحزنك وصل حد الآفاق=وحزنك على من راح ماهو خديعه لأنك وفي وأهل الوفاء فيهم أخلاق=وهــذى عـوايدهم وفـيهم طـبيعه وهذا الـحزن لاجـاك مـايطلب عناق=يـعـانقك فـي صـمت لـو مـاتطيعه بأسباب من بعده مسبب لنا إحراق=الـغـالي الـلي عـمـرنا لـه نـبيعه عنا رحل فـجأه وجاء الحزن منساق=ونفسى عن الاحزان ماهي منيعة مـن يوم ودعنا لـي الـجو مـا راق=وعـيني عـلى الـدمعه تـدور ذريعه مـثل الـعلم ذكره مع الناس خفاق=وبـالطيب ذكـره عـندهم بـالطليعه يـلـيتني مــن دون مـاصـابه رواق=ولا ضـاقت بـعيني بـعده الوسيعه لكن طريق وكلنا فيه ننساق=والروح عند العبد مثل الوديعه والـموت حـق وكـاس لابـد يـنذاق=مـن خـلقة الـدنيا وهـذي شـريعه لــعـل مـنـهو لـلـمخاليق خــلاق=الـواحـد الـلـي كـلـنا مـن صـنيعه يلطف بروح اللي له اليوم نشتاق=ويـنزله عـنده فـي مكانه رفيعه وخـتـامها مـادام بـالقلب خـفاق=صـلوا على محمد وصحبه جميعه ســـــعــــد تركي الحربي |
جـتـني وفــي عـيـونها بـروقـن لـهمالي
جـتـني وفــي عـيـونها بـروقـن لـهمالي
جـتـني وفــي عـيـونها بـروقـن لـهمالي=ومن يوم شفت البروق إهتزت غصوني تــبـي تـكـلـم ولــكـن صـمـتـها طـالـي=وأنا أدعي الله عسى ماتسبب حزوني ولـحظة لـمحت الكحل من عينها سالي=طـاحـت مـزونه ومـعها طـاحت مـزوني وأنــــا عــذابــي دمــوعــه أول وتــالـي=وأبـيـه يـفـرح ولــو هـي فـرحته بـدوني لـبـيـه يــلـي بــدونـك يـخـتـلف حــالـي=لــبــيـه.. لــبـيـه..لـو الــكــل لامــونــي أنـتي الـفرح في حياتي وأنتي آمالي=وشـلون حـتى عـلى الفرحه يحسدوني حــاولـت بـالـحظ وأتـعـبني ولا جـالـي=وحـاولت بـالوقت لأجـلك وأسهر عيوني لـكـن أبـطـلبك تـكفى شـي يـا الـغالي=أبـيـك تـفـرح اذا وصـلـت لــك لـحـوني ســـــــــــعــــــــــد الــــــســــمــــيــــن |
بـإسم الإلـه مـصـور الكون تصـوير
مشاركتي في زواج البناخي موسى جازي السمين
بـإسم الإلـه مـصـور الكون تصـوير=الـواحد الـمعبود هـو صـاحب الجاه بـإسمه بـديت الـقاف من غير تأخير=وقـاف بـدون إسـمه فقد كل معناه والـشعر يـبغى لـه عـناية وتحضير=لـكن على اللي بإسمه القاف نبداه وأنــا كـتـبته زود فـرحـه وتـعـبير=لـلي دعـى لـلحفل ولـكل مـن جاه يـامـرحبا تـرحـيب حـشمه وتـقدير=فــي كـل مـنهو جـاه كـرته ولـباه ويامرحبا باللي لفونا مسايير=رغم المسافة والبعد والمعاناه فـيـكم وفـاء ومـا لـلوفاء أي تـبرير=طـبع الـوفي لـو عـاق ظرفه تحداه عـنـده لـفعل الـطيب دايـم مـعـايير=ويمشي على المعيار ماتقصر خطاه وحـنـا إجـتـمعنا الـليله ولـيلنا غـير=نـبـي نـهـني مــن دعانا وجـينـاه مـبروك يـاموسى وتـستاهل الخيـر=راعـي وفـاء ولـك مـوقف مانسيناه ومـوقـفك مـايـحتاج وقـفه وتـقرير=واضـح وضـوح الشمس لو ماذكرناه ومـاهو غـريب ولا يجي منك تقصير=وأبــوك أبـو سـطام طـيبه عـرفناه ومـنه الـوفاء فيك الوفاء لازم يصير=وكـل يـبي يطلع على حسب منشاه وعـمـك أبـو لافـي زبـون الـمناعير=وقـت الـمواقف إلـتفت وأنـت تلقاه وبإخوانه الباقين ماأحتاج تفكير=الطيب فيهم مالكينه مًنَ أقصاه وسـماك بإسمك من خذته المقـادير=جـدك عـسى فـي جـنة الخلد نلقاه مـاهو مـن اللي يحسبون المخاسير=ولا صـد عـن ضيفه على شان دنياه دايم على ناره يصف المباهير=وطيبه مثل دله على النار مركاه ومن السمان موسمين البواكير=حروب والحربي على العز مرقاه يـعني ربـيت بـروض مـزروع نـوير=ومـن عـانق الـنوير عـطره بـمخباه وفي نظرتي هذى حياة المشاهير=مافيه منهم مًنَ تعرفه وتنساه وخـتامها نـدعي عـسى رازق الطير=اللي سقى العطشان من مزنته ماه إنــه يـسـهل لــك دروب الـتياسير=وتـمشي لـك الـدنيا عـلى مـاتمناه وصـلوا على المحبوب من باب تذكير=الــلـي دعـانـا لـلـهدى واتـبـعناه ســــــعـــــد الـــســـمــيــن |
لـعـل هـمـال الـمـطر كــل مــادار
لـعـل هـمـال الـمـطر كــل مــادار لـعـل هـمـال الـمـطر كــل مــادار=وأسـقى الـثرى وأعـلن بـداية ربيعه يسقي ثرى اللي كل ماشاف الأمطار=نـفـسه عـلـى جــو الـبـلد مـاتطيعه مـتـولعن بـالـبر ومـصـاحب أحــرار=أقـلـهـم عــمـره عـشـانـه يـبـيـعه ضـحكاتهم تـطلع مـع طـلوع الأزهـار=بـيض الـقلوب أهل الصدور الوسيعه الـلـي ونـاسـتهم عـلـى شـبة الـنار=وبـعـلومهم يـكـمل جـمـال الـطبيعه طلعـاتـهم نـطـرب لـها كـبار وصـغار=ودايــم عــن عـلـوم الـنـمايم مـنيعه نــاس تـحـب الـضيف وتـقدر الـجار=تـهـوى الـتـواصل مـاتـحب الـقطيعة الله يـنـزلـهـم مــنـازيـل الأخــيــار=ويـجـعل لـهـم عـنـده مـكانه رفـيعه سعد تركي السمين |
ياقلبـي إتـرك عنـك كثـر المشـاريـه
ياقلبـي إتـرك عنـك كثـر المشـاريـه يـاقلبـي إتـرك عنـك كثـر المشاريه=لـو كـان مـالـك بـالـمشـاريه لايـم لاجـتك مـن بعض العرب وأنت تغليه=وش عـاد خـلى لـلوجيـه الـهـلايـم ومن لايراعي خاطـري ويش لي فيه =يبـقي على دربـه على طـول هايـم لـعـل ضـلع مـا حمى صــدر راعيـه=يـبقى عـلى حـاله وحـاله هشـايـم للطيب درب وصـاحبـه صعـب يخطيه=ويـخطيـه رجـالٍ عـن الطيب صـايـم أحـدن تسـوقه لسكة الطيب رجليـه=وأحـدن يعيـش العمـر مثـل البهـايم وأنـا مـع الـلي بالـمـواقـف نلاقيـه=وعـنـده عـلى خـدمة رفيقـه عـزايم يجـيـك لا أعـتـزتـه قبــل لا تنـاديـه=لو طحت فـي وسـط البحر جاك عايم مـثله قـليـل ويـستحـق أعتنـي فيه=وشــرواه يسـتـاهـل نراعيـه دايــم وإن حـــدتـه دنيـاه مـانـي مخـليـه=لــو كـان يلحقني معـه كــل ضـايـم لأن الـوفاء لـو غـاب لـه نـاس تحييه=ويـمـوت مـع مـوت الـرجال الـصتايم راعـي الـوفاء لو غاب مـاغاب طـاريه=ودايــم عـلـى ذكــره تـهـب الـنـسايم ســـــعـــــد تـــــركــــي الـــســمــيــن |
لاتحسبين القلب غيرك يراعيه لا تـحـسبين الـقـلب غـيـرك يـراعيه=ما فـيـه غـيرك من يـساوي غـلاتك أنا الـحنان ألـقاه وأعـرف معانيه=في نظرة عيونك وضـحكة شـفاتك وحـبي لـك أكبر من جميع المشاريه=ويـمـكن تـجـاوز حـب ذاتـك لـذاتك أنتي لقلبي النبض وأصدق امانيه=ومـشاعري لأجـلك عصتني وجاتك وأنـتـي نـغم قـلبي وفـرحه وأغـانيه=وتتعب عيــوني مالـقت في حــلاتك ترضين كيف البعد إني أعانيه=مدري متى صار الجفاء من صفاتك واليوم قـلـبـي خــاويـات مـبـانـيه=مـافـيه غـيـر أشـباح من ذكـرياتك سعد السمين |
العيٌــه
العيٌــه والله يـالولا قطـع الأرحام واللوم =وأخـاف مـنهو بـفضله الـناس حيه لا أكتب على بعض العلاقات للسوم=ولا تــراهـا لـمـن بـغـاها هـديـه لــنـٌا تـربـينا لـنـا طـبـع وسـلـوم=ومــن طـبـعنا دايــم وفـينا حـميه نـشوش لـلصاحب وبالموقف نقوم=لـكـن يـجـيلك نــوب بـالناس عـيه والآدمـي لـو كـان بالجهل موسوم=ولـيـا خـطـا تـسهل عـليه الـخطيه لـكن كـذا الـدنيا صـواديف وقسوم=ولايـعترض مـسلم ولـو هـي رديه والـحر حـر ولا يـشابه مـع الـبوم=كــل عـلـى طـبعه ويـعرف خـويه وإن عــودت ضـلعانها كـلها حـزوم=الــحـر دور ديـــرة غــيـر ذيـــه سـعد تـركي السمين |
العرب
العرب الله يـرحـم حـالـكم يـا هل الـشام=ولا الـعرب مـا مـن وراهـا مـعزه هـذي ثـلاث أعوام من غير هالعام=مـدري مـتى الـعالم ظروفك تهزه مـاعـاد بـاقي بـالبلد غـير الأيـتام=وقـلوب تشكي الظلم في كل حزه مـاكـنهم مـنا عـلى ديـن الإسـلام=والـمـسلم الـمـفروض حـنا نـعزه لـكن كـذا حـنا عـلى طول الأعوام=وتـاريـخـنا يـشـهد عـلـينا بـغـزه أحسن لنا نعلق على صدورنا وسام=ونـكتب عـليه الـمجد مـاضي نرزه سعد تركي السمين |
يالله يامنشي كبار الأعاصير
يالله يامنشي كبار الأعاصير=يامرسل رياحك على قوم عادي وعلى ثمود أرسلت صيحه وتدمير=صيحة غضب للي عن الحق غادي سلط على من يكتبون المناشير=ولأمة محمد ودينك تعادي اليوم كبرت روس بعض الخنازير=وزاد الغرور بروسهم والعنادي وقامت تبث الكذب من غير تبرير=وعلى النبي وسب الصحابه تنادي وكلامهم كله دعاية وتزوير = تبي تشوه صورته للعبادي عليه أصلي كل ماغرد الطير = وفي كل ساعة ينذكر بإجتهادي |
صوره للأيام
لا دقـنـي هـاجـوس الأفـكار عـبرت=وسـجـلت مـايـطري عـلى الـبال لـيه ورسمت لي صوره عن الوضع ماحترت=صــــوره أوثــقـهـا لــلأيـام حــيـه لاشـفـتها لــو كـنـت نـاسي تـذكرت=وش ســـوت الـدنـيـا والأيــام فـيـه وعــن كـل مـنهو لـخدمته مـاتعذرت=وعــن خـدمتي قـدم مـن الـعذر مـيه وعـن صـد مـنهو لـصدته مـا تـصورت=وأنـا أحـسبه لـيه ّعـن الـشمس فـيّه وعـن نـاس غـابت مـن بـعدها تكدرت=وعـن نـاس مـاتت عندي وهي حيّه وعـن كـل لـحظة حـزن فـيها تسمرت=وعـن كـل فـرحه عـشتها بـحسن نـيه وعـن كـل مــره فـي حـياتي تعثـرت=وحـسـيت مـنـها بـداخـل الـقلب كـيه وعــن كـل مـاجاني وأنـا مـاتحضرت=وقـضـيت لـيـلى مـنـه روحــه وجـيه نــاس مـعك مـثل الـعطر لاتـعطرت=ونــاس تـلـوى وسـمـها ســم حـيه ســــــعــــــد الـــســـمـــيـــن |
الونــٌه الونــٌه الـلي تـسكن بـوسط صدري=لا راضـيـه تـطلع ولا راضـيه تـروح بـأسبابها مـا كنت أبي الناس تدري=أخـاف جـرح الـروح يـثر عـلى روح وتـقـدير لـلـي يـرتفع فـيه قـدري=الـلي عـلى فـرقاه لـلحين مـجروح أنــا عـلى صـبره تـصاغرت صـبري=وعرفت معنى العيش والجرح مفتوح كنت أحسب إن الجرح ينشال جبري= ولقيت منهو قال للجرح مسموح ماصد عن غالي على حسب خبري =ويقول مالي بقطع الأرحام مصلوح الآدمي بنهاية الأمر عِبري =ومافيه عِبري غير له يوم ويروح ونصيحتي حتى وأنا وسط قبري=قطع الوصل لاتذكره لو هو مزوح لو هو غلط حاول يجي الوضع سري=وأترك كلام اللي يشجع على البوح البوح بعضه لو غدالك إمضري=وصعبه يجي من بعده الصدر مشروح والكلمه اللي للرجل ماتذري=لاتقولها لو كان لك صدرن يفوح جرب على نفسك كلامك وتدري=وش خانته بعيون من يبعد الشوح كم واحد من كلمته في تعري =عِقب الستر من كلمته صار مفضوح الكلمه الشينه مع الناس تسري=وتحسب على من قالها وين مايروح ماكان له داعي بها الناس تدري=وتبقى تَردد بين صاحي ومشفوح الرأي زين وخل عنك التطري=بالراي والشورى يجي الشيء مملوح شارك برأيك واطرحه لاتصري=من عرض ماشفته من الرأي مطروح وإن شفت بالموضوع بعض التزري = مالك وماله مايبي منك منصوح لاتطاوعه بالرأي تراه يَضرى=وليا ضَرى راي العقل صار ممسوح وإذهن كبير القوم لايصير كبري=عنده صواب الرأي واضح ومشروح لو كان شفته من عنا الوقت مبري=التجربه عنده وفي عينه تلوح عنده دواء وعلاج للجرح يبري=وماينقزه بالرأي عاقل وطحطوح لعل قبره عن هواء النار مذري=وفي جنة الفردوس تبناء له صروح سعد تركي السمين |
مصدر إلهام
كتبت والمعنى على روس الأقلام = وعما تشوف النفس صعب نحديها تدري من اللي بنظرتي مصدر إلهام=رجــالٍ تـقـول الـكـلمة وتـحـتميها لـيا قـالوا الـكلمة مـثل بصمة إبهام=ولا مــثـل حِـجـه مـصـادق عـلـيها أفـعالهم دايـم مـثل ضـرب الألـغام=تـشـوفـها مــحـدن يـعـلمك فـيـها مـاهي كـلام ويـندفن تـحت الأقدام=إلا حـقـايق واضـحـه لـمـن يـبـيها ولاهـي مـراجل كـلها كذب وأوهام=يـدفـع عـلـيها مــن يـبي يـشتريها نـشوفها مـرات فـي بـعض الإعلام=مــن دونـنـا مـاتِقنع الـلي يـحكيها الـمـرجله تـحتاج مـن عـنده إقـدام=رجــالٍ تـحـب الـمـرجله وتـهـتويها سعد تركي السمين |
لا ياحسافه
هـمي نـسجته خـيوط قـصه وقـفيت=ودربي عسى من بعدهم يمتلي ورود عـطيته هوى صادق وله قلبي أهديت=وهـديـته كـانت لـي أعـذار وصـدود ومـن صـد عـني عـنه صديت وأقفيت=خــلاص مـاشوفه ولـو كـان مـوجود أرخـصت لـه عـمري ولـه يدي مديت=ويـدي أرجعت لي وحيلها صار مهدود يـالـيـت يـاقـلـبي لــنـا مـاتـنقيت=مـا كـان وسـطي جرح ماينقص يزود لا يـاحـسافه إنــي عـشـانـه تـعنيت=ويـاليت فـي قـلبي مشى قبله الـدود بـعض الـبشر مخلوق من داخله ميت=وقـلـبه طـريق نـهايته درب مـسدود سعد تركي السمين |
الصراحة
الصراحة
يـاصاحبي لـلصدق والكذب ساحه=وأنـا بـساحة راعـي الكذب مانمت ومـادام مـعطيني لـرأيي مـساحه=جـوك وش الـلي ِمخلفه يوم كتمت أنـا صـريح إن كان تبغى الصراحه=وإن كان تبغى غيرها ردي الصمت أخـذت عـن بعض الكلام إستراحه=وغير الصراحه لصاحبي مـاتعلمت مـاني مـن الـلي بـاللوازم بـراحه=ويصد عنك بموقفك لا تحيزمت صـحـبتك عـنده مـعتبرها سـياحه=ولـيا تغير جوكم قال لك دمـت ماينفعك لو يعجبك في مـزاحه=مـثل الـحلم لـو زان تنساه لاقمت والناس مثل الماء هماج وقراحه=مـاتـٓفرقه مــادام لــه ماتطعمت ولـيّه مع وجـيه الـمطاليق راحه=ولا الرخوم أنا أشكالها شمت سعد السمين |
بعض العلوم
بعض العلوم
مـنهو يلوم اللي سرى تالي الليل=وخـلى الـبلد وأقفى على غير يمه مـن ضيقة قامت على صدره تميل=لـيـن الـهواء مـا عاد صـدره يـلمه بـعـض الـعلوم يـشيبن الـرياجيل=ومـن ثـقلها تـقطع عن القلب دمه مـاله دواء غـير الفياض المساييل=أرض خــلا يـقـدر هـواها يـشمه فـيها عـلى ناره تشوف المعاميل=ويشيل بأعلى الصوت ماحدن يهمه فيها يخفف من عنا النفس ويشيل=ويـلقى الـعلاج لـكل ماهو يسمه بـعـيد عـن نـقالة الـقال والـقيل=الـلي تـبلاء الـخلق مـن غـير ذمـه سعد السمين |
العزوة
العزوة
عـيـال عــم الآدمــي هــم حـصيلة=وهــم عـزوته لاعـودت دنـيته كـرب ومـنـهو بــلا عــزوه حـيـاته عـليله=لـو هـو مدحها مدح من يمدح الجرب كلٍ يـبـيـله لابــتن تـرتـكـيله=وقت المواقف خاطره بشوفهم طرب ولـي لابـتن فـيها أفـتخر كـل لـيله=الـلابـه الـلـي أدعـيلها دايـم الـرب عـندي غـلاهم وسـط قـلبي أشـيله=مـايقبل الـقسمه ولـو يقبل الضرب ربـعـي الـسمان مـعدلة كـل مـيله=هـم مـحزمي لا صار كلٍ وله سرب سـمان الـفعول وكـاسبين الـجميله=حـروب والـحربي بـه أمـثال تضرب تـاريـخـنا واضـــح ولا فـيـه حـيـله=ومـوثق ومـكتوب بـالشرق والـغرب مـن غـير قـاصر بـأي فـخذ وقـبيلة=كــل الـقـبايل بـالمراجل لـها درب لـكـن مـحـبه لـحـرب مـاهي قـليله=حربي ولي حق أفتخر في بني حرب سعد تركي السمين |
الطيب سِلم
الطيب سِلم
سلـم على اللي بالمــواقف لهم دور=رجـالٍ تـشيـل الـحمل مـاتـدعي بـه رجالٍ تسجل بالمـواقف لها حضـور=كـل يـبـي مـن الطيب ياخـذ نصيبـه تقول واحدهم عـلى الـطيب مسحور=يـجـيـك قـبل إنـك تـجئ تـنتخـي بـه الله مــع الـِغيـره خـلق فـيهم شـعور=وفـزعـاتـهم مــاهـي عـلـيهم غـريـبـه يوم إن بعض الناس مخلوق ديكـور=ويـشـوف جـية صـاحبه لـه مـصيبـه مـثله حـرام إنـه يـقلط عـلى السـور=وحـرام حـتى انـك تـسمى صـحيبـه مــــادام لايــنـفـع ولا دمــــه يــفــور=الـمـرجـله لــو هـو بـغــاها صـعـيبـه وماني على مثله من الناس مجبـور=الــطِـيب سِـلـم ولا يـجئ بـالغصيبـه سعد تركي السمين |
العله
العله
إلـيا بـلاك الله لـك بـشخص عـله=شخص يخصك دون ذكر التفاصيل درب الـمراجل لـو بـغى مـايدله=الـمرجله عـنها حـدوه المشاكيل لـيا مـشى مـايـتبعه غـير ظـله=مـسكين مـايعرف علوم الرياجيل مـثله ولـو جـاك الأذى مـنه خله=وإصـبر عـليه ولـو حصلك بهاذيل حـبـل تـفله وحـبل صـعبه تـفله=ولا كـل عـقده حـلها بـالتساهيل ومـافيه شـي الا يـبي الله يحله=والـصبر تـاليته حـصاد ومحاصيل عـزي لـمنهو يـقضي العمر مثله=إن عـاش ولا مـات مـثل التماثيل سعد تركي السمين |
الأمل
الأمل
سـر يـاقلم والـبيت رتـب مـعانيه=مـا لـلبيوت بـدون مـعنى دواعـي وإبد البيـوت بـذكر مـنهو نراعيه=الـواحد الـمعبود هـو خـير راعي مـاضاع مـنهو لـه يـصلي ويـدعيه=وحـيـاتنا مـن دون ذكـره ضـياعي عـليه مـاكنيت فـي صـدري أبديه=والله عـليم بـدون قولي وسماعي لـكن نعبر عن خفاء الصدر وشفيه=لامـن ضاقت بي الدروب الوساعي والـقاف بـاب الـروح لـلي يـغنيه=والــروح لاغـنت تـجي بـإندفاعي تشرح عن اللي بين الأضلاع تخفيه=وتـعطيك صـوره للوضع وانطباعي أشـوف شـي وزايـد فـي تـناميه=والـناس عـنه تـصد من غير داعي حـق الـمريض الـيوم يـحتاج تنبيه=وزيـارتـه واجـب عـلينا إجـتماعي مـوضوع حـتى الـدين بـين نواحيه=والـمسلم المفروض بالدين واعي تـرى الأمـل بـزيارتك فـيه تـحييه=وأجـرك كـبير ولاتـضيع المساعي سعد تركي السمين |
| الساعة الآن 08:58 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
