|
ديوان الشاعر ممدوح الغيداني
الاخوان والخوات حبايبنا الجميع
السلام عليكم ورحمة الله وبركاته نقدّم لكم هذا المتصفّح لتجدوا فيه قصايد الشاعر الجزل في معانيه واساليبه المنفرده عن غيره شاعر من الشّباب ولكن يعتبر على حد كبار السّنّ بسنّه و بتعابير الشّيّاب حين ماتقراء قصائده تجد فيها مفردات من على عصور الاجداد وفيها مايبيّن للقاريء انّه اكيد شاب بمايعني حاضره ومتطلّبات وقته / شاعر , مافيه حيله (الشاعر : ممدوح محمد الغيداني) إليكم من قصائده ههههه(تراه اكبر من جدّي)؟لاتصدقون ههههه يالله يـالـرّحـمن وال الـمـقـاديـر=يالواحـد الـبـاقـي ولأنته بفـاني انت الّذي بيديـك كـل الـتّـدابـيـر=لاقـلـت كنّ للشّـي يـاربّ كانـي يالله برصـيـدٍ مـثـل عبدالله خضير=او مـثـل بن مـبروك وإلاّ العـمـانـي ابـي اشـتري لي فـيه ذودٍ مـغـاتـيـر=و ضحٍ مـثـل مـنـقـيّـة الـكـيـرعـاني و ضـاحـهـا يـشـبـه لبـعـض النواوير=لاشـفـتـهـا روّحـت في جـوّ ثـانـي يـامـاحـلا لاروّحـت,, حـزّة,, عـصـيـر=وبـالـجـيـب مـعـهـا عـامـلٍ لي يماني ولي عـندهـا مـجـلس لو يقاس تمتير=مـقـاس طـوله فــوق عــشـر وثماني مـلفى ومدهـال الرّحـال المـناعـيـر=ومركى كبير القوم يجـلـس وزاني واتدار به صـفـر الدّلال المـبــاهـير=فيهـا دوا اللي من عـمـاسـه يعاني وبـعـد صـيـانـا بس من دون تبذير=كل يوم اقـلّـط فيه حـيـلٍ سمـاني و قـولت هـلا يـامـرحـبـا بالمـسايير=في كـل حـزّه مـاتـفـارق لـسـاني وينصاني اللي حـاديـتـه الـعـواثير=اللي عليه اجحـف ومـال الزّمـاني عـزيـز نفسن ماشكا القلّ للغـيـر=يكتم بهمّه وسط عـوج المـحـاني مـانـشّـده و لا أطـلـبـه بالتّـقـارير=حيث ان مـاحدّه قـبل كد حـداني مـن دون مـايشـرح ويـظهـر فواتير=اعـطـيه قـسمه يوم ربّي عـطـاني وبـعـده يجـي دور البني الغـنـادير=ابـي اتـونـّس دام هالعـمـر فـاني وحده من عتيبه ووحده من مـطـير=ووحده من العجمان وإلاّ قـحـطاني وفي حرب ربعي مأذكر ايّات تقصير=تسدني من حرب بنت الحـصـاني وباقي القبايل والنّعم مير مايصـير=الشرع عن باقي طموحي حـداني _____________________________________ قم,, سـوّ فـالـبـرّاد من شاي كبّوس=اللي مـعـلّـق فـيـه زرقـا الـعـلامــه عجّل تراي اونس لي بصـدري ونوس=اغـديـنـي أبـرّد و احـذف الـعـمـامـه واحس مجبرني على الشعر هاجوس=قـام يـتـزايـد بـالـضّـمـيـر انـدحـامـه من وقـتٍ مـلخـبط وبالحـيل معكوس=مـدري علام الـوقـت مـدري عـلامـه وقـتـن مـضى لـلـبدو قـانون ودروس=والـعـرف كـلّـن مـجـبـرن بـآلـتـزامـه والقدر للـرّجّـال بـالطّـيـب مـقـيـوس=كلن حـسب طـيـبـه يقاس احترامه الطّـيّـب يقـدّر ويـرفـع عـلى الـرّوس=وكلّ مـايـسـوّي طـيب يرفـع مقامه ويقـال للدّنـفـوس بالـوجـه دنـفـوس=حـتّـى يتعدّل عـن دروب الـرّخـامـه والـيـوم مـنـحـاسـه تـقـاليدنا حوس=يـالله سـألـتـك يـلإلـه الـسّـلامـه لوتفـعل النّامـوس مـاقـيـل نـامـوس=وأحـيـان تـلـقـى ليا فـعـلـتـه ملامه والقدر اخذه اللي تقل حفرة فلوس=مايظـهـر فـلـوسـن بـهـا لـلـقـيـامـه واحدّه من وصفه مثل وصف قابوس=مـافـيـه مـايـقـنـيـه غـيـر ابتسـامـه واحدّه من هو لاهرج يعطي بقوس=بالناس يـضـحـك كـنّـه ابـود دولامـه احسن لي الصّدّه دام الوضع مينوس=فكري على الوحده تبرمج نـظـامـه مـاصـيـر لا ريّـس ولاني بـمـريـوس=ماني زعـيـم ولاعـتـرف بالزّعـامـه مع ذودي أغنّي هجيني ومنكوس=واوده لـطـيـاحـه وبـنـت النـعـامـه دام البلد محروس والدّين محروس=و آل الســعـود مـجـوّدينن زمـامـه لهم ولاي وحـبّهـم فيّ مـغـروس=حكامنا اهل الدّين والاسـتـقـامـه |
يا بدير سو الكيف بالحال يابدير=بحدا الدلال اللي بجنبك مهاديف ولاني بـقايل لك ياشوق الغنادير=ولاانته بعشق لراعيات الغطاريف لكن انّك الياحفت هدف الدناقير=في صنعتك للكيف ياشبير حريف عـجّـل عـلـيـنا زايمتنا التـّفاكير =لـعـل راسي تـقـعـده دلّة الكيف نويت انا للقاف بـدعـن و تـحـرير=بـولـفـه عـلى مـعـانـيـه تـولـيـف ودّي اعـبـر عن خفا الروح تعبير=عن ماتكن الروح من غير تطفيف بـعـض الخـطـايـا تنرقع بالمعاذير=وبعض الخطايا مالها ايّات تصريف والصـدّ و الاقـفـاي من غير تبرير=اصعب على الرّجّال من ضربة السيف و الا عـلـى الـرّديـان امـره تياسـيـر=يـبـا يـطـلـع عـذر لو كان تـزيـيـف مااقول غيران شاء الله انه لناخير =مـانـي بـقـايـل افا مايصير ياحيف من صد مالحق العرب منه زغرير=دنياً تنقّـص بالـعـلاقـات وتـضـيـف اثر الطبايع مـاهي بـفـيـد تضـيـيـر=مـاهي طـبايعـنا لـطـبـعـه مواليف اللي لازاد الـمـال يـزود تـقـتـيـر=ومن القصا همه على ناظره شيف وحـنـا يـزود الـمـال ونـزود تـبـذيـر=ولالـحـقـنـا لـو بـذلـنـا تـحـاسـيـف لو جـاتـنـا كثر حـصا ( أبان والنير)=راحت على المحتاج والجاروالضيف ولاقـدّرونـا الطّـيـبـيـن الـمـغـاويـر=ماهمنا لو انـكـرونـا الـخـفـاخـيـف عسى الذي قفى يسوق المظاهير =اقـفـايـة اللي طاوي ارشاه ومعيف مـايـوقـف الا مـن ورا حـدّ خـرخـيـر=وان كانه اشمل جعله ابعد من طريف |
على رغم قسوة طبعي ومستحيل اونّ=لكن الـقـصـيـد اللي بالاطلال يـبـكيـني اسجم اليا اوحيته واغيب ولاادري عنّ =دمـوعـن بلا استأذان تصخيبها عـيني هوبس منهو اللي يلومني علموني منّ =ابـعـطـي ابـو قـلـبـن كمـا الثور بيتيني عـسـا واحـدن يـذكر له اطلال ولايـحـنّ=يـجـيـه التـجـلـط يـمـسـكـه بالشراييني وجودي على الماضي وجودن يخل الجنّ =من الارض تظهر لي وتـقـعـد تواسيني اليا اوحوا نحيبي جوا يقولون لي هوّنّ=ويمكن بـعـضـهـم يذرف الدمـع ويليني وجودي وجودن ماعرفوه البشر لبدنّ=على وسع صدري في زمنا هاكالحيني وجودي على صدق المحبه و ضحك السنّ=مـاهو وقتنا هـالحين تقل مـغـصـوبيني وجـودي على كم غـالـين بالتراب ادفنّ=الا ليتهم عـنـدي لـهـا الحـيـن حـيـيـني |
اخواني الجميع لازلت اقوم بأضافة قصايد ممدوح على اسمه
ولكن استوقفتني هالابيات وحبيت اقدمها لمتابعينه لكن انا ماني منهم اكون صادق مع الجميع؛؛؛ لوقلت ان ابو محمد بن عمّي واعرفه مثل روحي لكن لياسمعت ابياته يطري علي اللي عيونهم طووو هههههه والله يستر قال الاجرب وهو كل الناس يعرفون الاجرب ياممدوح الله يجزاك خير واخوانك المسلمين المهم مع هالابيات / والخير مقبل الخيال مسدّ على ماقالوا الاجرب اليوم غادن له تلولاحه =يهوي على راس من نبّوه في رقمه انا أشهد إنه جلب في حدّه الرّاحه =من شلةٍ اخلّقوا باسلامنا نقمه يا زين قصّة رقبة النمر بالساحه =اللي قبل فيه طيش ورافعن زقمه ياكم مجوسي تفاجا و عطّها صاحه=و من الحزن ماهو قادر يبلع اللقمه ومن عقب كم راس غداله تدرداحه =ياقل عرف الّذي يرهب و ياسقمه اليوم مابه سياسة نصح نصّاحه =تبشر شوارب راع الارهاب بالدقمه صح لسانك ياممدوح شاعر مافيك حيله |
|
ويّاك يالاميره وان شاءالله
نضيف الباقي يستاهل ابو محمد |
كل مافتحت الواتس روّحت لسعود=والياضغطت اسمه لقيت (اون لاين) و لا وصــلني لارســــايل و لاردود=الظـاهـر إنه بــس يـدخل يـعـــاين ياسعود قلبك وين ماهو بـمـوجـود=ابـســألك و أنـا بنــاخـي و مـٰـاين كانك هـواوي مـانته مـحـصلن فود=الحب مالك وسط سـوقـه زبــايـن الـحـب مـاعـاد انت وياه يـالـعـود=وانته وابويه يـبـو سـامـر سـنـاين زملا دراسه... لو بتنكر ! به شهود =عـنـــدي أدلّــه لـلـكــلام وقــرايـن |
الشعر اعشق كتابته عشق واهواه=نظمه يونّسني و يبعد همومي نديمي اللي كل مأحتجته ألقاه=لاطار من كثر الهواجيس نومي وان صنّف سلاحٍ فأنا اعد مرماه=دفاع مأعتبره سلاحن هجومي أليا عـترض مـقرودٍ ابليسه اغواه=شغله يدوّر بالرّجال الثّلومي من ماعطانا الله بنجزل عطاياه=من هاجسن مالعثموه الخصومي متسلحٍ بالصّدق و الصّدق منجاه=لوقلت مهما قلت ماني ظلومي ياللي تنشّد عن قصيدي ومنحاه=هذا أتجاهي بالقصيد ويمومي ولاني بمهتمٍّ ولو مـاحـد أوحـاه=لو ان قسمي من اخيار القسومي ان مادعت حاجه فأنا حاول اخفاه=يبقى بصدري غالين وامـحـشومي والسّـاحـه مـعـبّاه بالشّعر تعباه=يصدر من اصحاب الهواجيس يومي كلن يغـنّي طـول حـسّـه اليلاه=وكلن يحاول فيه يرقا الرّجومي دخـلت لتويتر وقـمـت اتمللاه=به شي مايهظم وشي مهضومي لقـيت من يتقن لحـونه ومـعـناه=تـعـجـبك كل افكاره اللي يرومي وهواجسه على الجزايل مضرّاه=وعن الهزال ان عارضنّه يشومي شعره ولو مايكتب اسمه عرفناه=ختمه تميز عن جميع الختومي في سـبّ وإلا مـدح وإلا مـعـاناه=معروفةٍ شواهده و الوسومي ان كان عـانا كنّك اتعـيش بأجواه=يجـعـل بشعره كل قاسي رحومي وأليا قعديمدح هل الفعل والجـاه=ابيات شعره تستثير العزومي وأليا هجا سيفٍ يسلط على عداه=ضـربه كمـا الفسقان سيف الفرومي هـذا ليأوعـد فـي جـديـد انـتـحـرّاه=مـثـل تحـرّينا بيانن حـكومي ولـقـيـت شـعّـارٍ وكـلّـن وفـحـواه=والكل مـبدع مـانقول مـحـرومي من ضمنهم من نكّلت فيه دنياه=الحظ ماخللاه ضمن النجومي ولقـيت بالخـليان من لجّ بغـناه=عرضه كثير ولابه احدن يسومي يـاكـثـر مـاغـنّـا و لالا مـلالاه=ولحـدن بصـوبه لو يصـايح ويومي يادبل كبدي من هل الخوض دبلاه=كبدي من اصحاب التّصنّع تزومي صـحـيـحٍ انّـه فـيـه اوادم مـشـقـاه=وصحيح بعض الهرج ماله لزومي نـاسٍ تـبـا مـركـز و لاهـي بـويّـاه=ترثع وترثع والمصير محتومي الثّوم ريـحـه شـيـن لافـاح عـفـناه=عن ريحته لازم نسدّ الخشومي اسنين ماش ابداع يذكر وشفناه=وإلاّ جهدهم فاسرين الكمومي كلّن يمهّد قدم الاخـر و ينـخـاه=وكلّن لجل يظهر يطيح ويقومي لوا عـذابـك يـاتـويـتـر عـذابـاه=ضميت من حورني الشعر كومي لو ضمّ ماضمّيته انسان يمداه=من مايعاني طش كل الهدومي واخــتامها عندي على ماذكرناه=مــلاحـضــه يبصـم لها يالبهومي الشّعر حكمه تنطقه بعض الافواه=ولاهو بمقياس الرجال القرومي كم واحدٍ تقصر عن الطّيب يمناه=لو كان بلسانه يدربي العلومي وكم واحدٍ معرض عن الشعر ماجاه=ولايلحقونه بالمواجيب لومي وسلّم على اللي كلهن وسط مخباه=طيب وقصيد محطمٍ للرّقومي |
انا صرت في جنب( الرضيمه) بلا جيران=مـضـى كم سنه وانا بهـالجرف وحداني جميع الرّبع شدوا بـاهلهم عن الشعبان=و كـلـن بـنـا بـيـتٍ يـضـمّـه و مـسـكاني ولا يـمـرّني يـاكـود مـانع وهـو عـجـلان=يطش السلام ان شـافـني ويـتـعـداني وانا يوم اشوفه حـط مـدهل وانا فرحان =واعـدّي اغـنـي له بـعـذبـات الالحـاني لو اني من اهجوسٍ تجيني ماني طربان=عـلى وقتٍ مولّي يهيـضـن الاشـجـانـي يوم ان البيوت اللي بـجـنبي بـها سـكان=و بـالـحـي عـنـدي كل ربـعـي وعـمّـاني جـمـيـع الّذي شـدّوا طـروا كلـهـم الان =وكلن ولـه وحـشـه يـضـاهي بها الثاني وطرالي تجمّـعـنا لاجا مـفـاطـر رمـضان=وفـرحـة لــقـانـا نـنـتـظـر وقـت الآذاني قلوبن نظيفه ماحملت كـبـريـا واظـغـان=احيي جميع اللي نــطـحـتـه وحـيـاني و آلا يامـحـمـد خـلـنـي وغـادر الـمـكان =مـاأدانـي احـد و انا بـهـالـحـال مـاداني لاتتعب معي بيطول ليلي وانا سهـران =ابا ابـطـي انا يـابـوك و الـنـوم مـاجـاني ولا ابـيـك تـنـظـرني وانا ضـايـق وحزنان=مـغـيـّب ولا ادري وين هـالـفـكـر ودّاني اثرها الشـجـون اليا طـرا مـاضي الازمان=لـو انّـهـا تـحـل بـداخـليّ الـصـخـر لانـي حـسـيـبـي عـلى دنيا تـقـلّـب بلاميزان =بها البدو قبلي كدّ شكوا فرقا الاضعاني ولافيه حل لها المشاعر سوى النسيان =وترديد ( زين الوضـع ) و الـوضـع مـازاني صح لسانك ابو محمد /شاعر تجسيد المعنا؟ ماشاءالله عليك يابن العم |
عندي نصيحه يامــربين الاغنام =ترا الغنم ماعاد فيها غنيمه لاتزبرون من العلف عندها اكوام =ولع بكم سعر العلف في جحيمه لاصار مايجيكم بالاسواق سوام =الا الذي يسوم باخس قيمه بعض البــشر تقل يتحلم تحلاّم =يبغى الطلي في سعر بسكوت ديمه نزول سعر الماشيه عارضن هام. =ولاالوم من وصف نزوله جريمه ومحللين المشكله راحو أقســام =بين النوايا السيئه والسليمه من قال ذاعرض وطلب)عبرالاعلام =نقول دور غيرها .... ذي قديمه اليوم كلن بالــوضع عنــده المــام =كل الاوادم في زمنا فهيمه اللي عثواباسواق الاسهم من شمام =من نوعهم طبوا بسوق البهيمه قامو عليكم في ضغوطات واحكام =لين احرموكم جعلهم للحريمه بس اشتكوا لله ولـ أحفاد الامام =ترا اومراكم يكرهون الظليمه تحـت عــدالتهم تحــطم تحــطام =كل الامور اللي ماهي مستقيمه قلته وانا مالي بهالسوق مسهام =ولالي بحبصيه ولا في نعيمه فزعه لمــن رزقه عليــها له اعوام =انسان يبغى يعيش عيشه كريمه كل المكاسب راحت بلبس وإطعام . =لعياله اللي. مابلغوا ولحريمه |
|
|
|
مانته مخلّي الصّيد يابن مبيريك=وانا أنتظرك تقرّ ويـصير لك سـور أحـسـبـتـك أليامـن تزوّجـت يـلـهـيـك=زواجك وتترك لنا بالقـنـص دور لكن انّك انت أبيت تترك ممـاشـيـك=وألله ياعـبـدالله أومـورك أومــور أمـسـلحن نفـسك بشوزن وبلجـيـك=حسب مقاس . الصّيد حديهن اتـثـور لولا الدّوام ان كان يتعب امـجـاريك=واتطـوف كلّ أرض الجزيره و ابالقـور وتبلّش السـودان وأرض المـماليـك=مـاهـو برّادك لامسـافه ولابـحـور خـابـرك صـمـول وبـعـيـده حــراويـك=مـانته بـلا هـافي ولا قـصــيّر شـبـور وأقـبـل تـحـيّـة من يـعـزّك ويـغـليك=يـبـي يـتـسـلّى مـعـك في عـدّة أسـطـور ممدوح محمد الغيداني يـاصـاحـبـي مـمـدوح صـحّـت قـوافــيـك=تجيب لك شيّن من احساس وشـعـور تذهـل مسامـع كلّ من يسـتمـع فـيـك=يـبـحل بـشـعــرك كلّ شــاعــر ونـاطـور وأمّـالـقـنـص ولـعـه عــسـى الله يـحــليـك=ولـعـه قــديـمــه مـاهـي أيّـام و شـهـور يـازيـنـهــا يـاصـاحـبـي كـان يــمــديـك=تـلـحـق عـلى آخــر عـمـرك وتـقـنـص طـيـور أتـجـهّــز الـعـزبـه وبــنــدق تـمــاتــيـك=وتـمــشــي مـع الجـهـمـه قـبـل شـقّـة النّـور هــذا مـطـبّ إيـشــيــلك وذا يــوطّــيــك=وتــرثــع مــع الخـلـيان كــنّك بـلا شــعــور هــذي حــلات الصّـــيــد زانـت مـســاعـيـك=وإلاّ تـرانـا بـخــيـر والـرّزق مــيــســور عبد الله مبيريك الغيداني |
|
على الربابه لعب مشعان
وأبدع بلعبه وتلحينه سرا علي صوتها الرنان هجيني وانا من محبينه يوم اللحن حرك الوجدان غنيت بأمرٍ معانينه عزالله اني وسيع ابطان على الدهر مع معاوينه والامر في دبرة الرحمن هو ينصر العبد و يعينه لو رزه الوقت للنيشان مثل الهدف قدم رامينه لا صار بالله قوي ايمان ثابت على اسلامه ودينه ماهو مخليه عال الشان لو الخلايق مخلينه وراي الملا لايده شيطان مالله بساعي بتمكينه والنور لاراد ربك. بان الناس ماهم مغطينه شاعر وقولي على برهان متذكره في مضامينه والصدق عندي هو الميزان والعرف ماأجهل قوانينه وأدري جهز فارس الفرسان صعبه تطبق قوانينه ياصعب فعله على الرديان يثني على اللي معادينه أثر الثقه ملح للانسان من دونها الرجل يا شينه |
قصيدة الجنوب
|
الشعر ماجا لاي شاعر بشفّه - وهبه من المولى هو اللي وهب هيه
وحفوف بقعا كان قامت تحفّه- تصقل مواهيبه وياتي بصافيه وأحيان يبدع به لو إنه مرفّه- لو قالوا أغلبهم يسومه ويشريه وأنا أمتلك من بين الانهار ضفّه- لي منهلٍ ماكل منهل يحاليه ولا اقول أنا اللي كفتي خير كفّه - والناس تقرا ما نظمنا وتوحيه ومنهو طمع فاللي وسمنا يضفّه - هو ليه لاشفناه مانقول. له ليه والعلم أعرف أستنتجه وأستشفّه - وداع السلام اليا دعا قلت لبيه والهزل عندي عنه شيمه وعفّه- الهزل ما أحبه ولا أحب راعيه واللي شياطينه تجاهي تدفّه - اليا وصلني عندي اللي يفاجيه ولاصار بعض الناس عقله مخفّه - تجيبه الكلمه والاخرى توديه عقله على قول العرب نص لفّه- ماكل شي ٍ ينتبه له و واعيه عنده ثقه على الأهاوي تزفّه- غطت على إدراكه وتاهت خطاويه ماني بضده بس ماني بصفّه- ولاني عدوٍ له ولاني مخاويه ومشروهنا من شان يسكت يطفّه - لو كنت أورد له علينا مشاريه فرقاه عيد ان كان ولى مهفّه- وان جا ماني قايل له الله يحييه ما جابو القيلون غير المسفّه - اللي بعضهم يمشي بعشرة وجيه ولاهو ولد عمٍ ليا اخطا تظفّه - العزوه .... ولا له حساني وتقنيه وما فات يا صدري جميعه توفّه - شيمه لمن واجب علينا نداريه |
| الساعة الآن 04:42 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
