![]() |
هذا الكلام وللفهايم نقوله
السلام عليكم ورحمة الله وبركاته
. . الموضوع مثل ما هو واضح للجميع .. مساحة حرّهـ لنبض قلوبكم أبيات راقت لكم .. قصائد تحكي واقعكم .. خواطركم .. بإختصار هنا تراجم لذوائقكم إنطلقوا على بركة الله |
لو إن الطريق إليا بديته ضمنت أقصاه
بديته مــعك لو سكته كـــلها وعـــره لكني جفولً من طريقً ماعرف أتلاه وأنا دوووم كبدي بالغرابيل مستعره |
طريق الولع يرغمني اشفق على ممشاه
لكن كيف اعرف نـهـاية الدرب بـشـفـوقــي وانا مأفهم المـقـصـود بالـظـرف قـبـل اقـراه لـكـن يـاهـل الـمــعــروف لاتـنـقـدو ذوقـي الاخت ترانيم مشكوره على هالموضوع الجزل بمعنالكلمه لكن لاتنقدو على البدوي اللي ودّه يخاويكم الله يجزاكم الخير ترى الرّبع نشاط وانتي كذالك : خلّو الشايب هههههههههههه غرّد معكم أقل شي لبعد العيد |
العفو يابوسلطان اسعدني مرورك وكلماتك الحلوه ربي يحلي ايامك بالعفو والعافيه
ماشاءالله عليك ماعليك منقود انت الخير والبركه ربي يطول بعمرك حنا نتعلم منك بس لو تخلي هالتواضع يالشايب قايله لك انت تعرف للي تحت الارض ماشاءالله |
اقتباس:
(هذا شايب غير شل) الله يجزاكم الخير وخوانكم المسلمين سيرو على بركة الله |
انا الشايب اللي تلعب يديه بالكيبورد=تعايش مع أيام الزّمان ولواعيبه
يقول الجهاز اللي رساله بعيدالسّرد=يبي يوصل المقصـود عبرتذابيبه وهو جالسٍ في مكتبه مامشابالجرد=ويحكي مع العالم بمقصوداساليبه |
هذاك الشايب اللي لا لعبها لعبته بالورد = تقدم فاكه يمنانه تترجم سر الاعيبه
يمر الخط ويعبر ولاكنه تقاعد عرد = نظام التهديه مافيه ويسلك كل ادعيبه قوافي الشعر لامرت وحالتها بحالة شرد = خطفها خطفت القرناس لاوثق مخاليبه |
سقى الله وقت جعل روح الوسم تسقيه
لـــيا من تذكـــرته ،، خفايا العـــلوم تبين تــرى الشخص لا منه تذكـــر حلا ماضيه يــردد بــري حالي و يا مــال فرقى العين" |
دمعي جرح خدي وقلبي نزف دم
وأنتم عن المشتـاق مـاتسئلـوني قالــوا لي إنك في هـوايـه تـعـلـم قلت اسكـتوا مافيـه خـلٍ يخـوني |
لاوالله إلاّ فـيه خـلنّ يـخـونــي=أمّابكيفه او بلى كيف يحكمّ
لكن لياكثرت عليك الشجوني=بصفوح غلقات الخفاياتوسّمّ |
ههههههههه لاتزعل علينا يابو سلطان
وهذي تكملتها كما قال صاحبها : أثره صحيح القول من غير لا أفهم خيبت ظني ياما ظنت ظنوني اللي شرى حبك وعلى ذلك أقسم خليت في قلبه وروحه طعوني |
الا ياوجودي حال دون العلوم .. علوم
بغت تستـــوي لي غير الأقدار ردتها وانا عادتي لاشفت درب الهوان اشوم اجنب واعـــزز النفس لاجــرح كرامتها |
يـاقلب راعـي الـصد مـرتاح بـالصد
ومـادام هـو مـرتاح يـاقلبي إرتـاح مـن كـان يـبغي البعد قدم له البعد وش لك مع الأشباح في عالم أشباح ســعـد الـسـمـين |
تحملت لجـــل رضــاك يالنادر المملـوح
ظــروفٍ تعسر الادمي عــسر وتحـده أحسب الهوى كله قصايد غزل ومزوح وأثاريــه شي يمــرض القلب ويهـــده |
الـقلب لـو تـدعيه مـايسمع دعـاك
يمشي ورى من صورته في خيالك خـله يـجرب والـتجارب لـه إنـهاك ولـيا قـنع مـن تـدون تـدعيه جالك ســعـــد الــحـربـي |
اكذب عليك إن قلت : طيبّ ومرتاح
وإني بـــخير وحـــالتي (ما عليهـا) ' لو ينبش عروق الغلآ شخص جراح يلقى العـــروق بداخلي لك عــليها' |
قـبل أمس في ديره واليوم في ديره
سـبحان مـنهو بـالسماء فـوقنا عالي بـعض الـبشر ماودنا يذكر لهم سيره وبعض البشر لو غبت ماغاب عن بالي ســعــد الـسـمين |
كانت ولا زالت بقلبي إلى الحين
ورغم الفراق القلب حافظ غلاها يـاقلب علمني طريقك على وين وإلـى متى ياقلب تركض وراها سـعــد الـسـمـيـن |
ابي اشهـر التّكبـيـر في عشر الايّام
للـواحـد الـمـعـبـود جـزل الـعـطـايا لو الا وادم فـيـهـم الـكـبـر مـهـيـام ويخـجلهم الـتّـكـبـيـر خـوف الـزّرايا |
يازين ذكـــر الله في كل الاوقات
وأستغفر الله تمسح الذنب كله على النبي صليت بعد التحيات وذكـــرت ربٍ كلنا تحــت ظــله |
وين انت ياللي لويضيق الوقت صدرك مايضيق
متوكّلٍ على الولي في نايباتك كلّها وليا مشيت بدربك المقصود شف وش بالطّريق قال الجنوبي كل حاجه في طريقك شلّها |
تــواريت عن عيني وقـــفت بك الايـــام
عــــزاي التمس لك عـــذر واقول يمكنّه إذا افلست من شوفك تجيبك لي الاحلام الاحـــلام مـــافــيها مـــجامـــل ولا مــــنّه |
رميت بعض الصبر في سلة الخيبه=وفي صدري إحباط مايكفيه حرماني ياوقت خذ ماتبي مني ولا تجيبه=إلا رضى والديني وضحكة إخواني |
كايده واتعب على شان المقام الكايد
واتــرك الهين مع صفق الهبوب يعدي بنت واحب الطناخه والشمـــوخ الزايد والطناخه والشموخ أسلوم أبوي وجدي |
اقتباس:
كفو كفو كايدٍ واكون بالكيود محايد لامع اللي بالوسوط ولالنابالصّدي وماني الرّديف ولانيب قايد ولاتأخرت المسير ولاني المتعدّي |
بغيت اضحي لاكن السعر غالي = وش فيه لاضحيت ضحيتي تيس
قالوا عليك بطيبات الجزالي = اللي تحصلها لحمها متاريس واخلص بها لله رب الجلالي = هي المطيه يوم فتح الكراريس |
سولفت للغيم بعض اللي تحملته
لجت بروقه بصدره.. ضيق من حالي قلت القليل وكثير اهملت ما قلته واشوفه ارخى جفونه يبكي قبالي |
كذا الجروح أنواع لو تنزف الـدم
جـرحٍ يطيب وجـرح مثل المقــابر ليت الجروح اللي لها صدورنا تضم ليا جلست فتـــره تمـل وتغـادر سعد السمين |
ماكل بسمه تعتبر لك محبه = يمكن تكون الموت في وسط قبله
احد(ن) تحبه لاكن انك تسبه = حب الوفا لاصرت تلبس لدبله باحد الاصابع ولاسم به تصبه = هذا هو اللي مرتبط فيك حبله |
صحصح وخل الضيق والحزن واللوم،
وأستقبل الصبح بـ رضا وابتسامه… وقرر تسافر لـ.. أمنياتك من اليوم، وبإذن الله بتوصل لها بالسلامـــه … |
من ودّه يسافر للجّات ونجوم=ومركوب سفراته متون الغمامه
ماهوب من ماتطلب النفس محروم=لوهولمكّه بس يلبس حرامه |
العيد قرّب ، وأنت بالبعد سجيــت
ويأللـي شغلت الفكر حبيت أبــارك ياليتننا جـــيرانــك الــبيت بالــبيت وأليا طلعت أقول ( عــيدك مبارك ) |
الـعـيـد مـالي فـيـه يامـعـيّدينه=لكن عـسى عـيـدالـعـرب كله افراح
العيد عيداهل الجسوم البدينه=ماهوب عيدمشلوط الجسم بأجراح هـذا كلامـي للـقـلوب الفطينه=لـو قـيـل هـذا يـمـزج الـجـدّ بـأمـزاح |
وشفيك يالشايب تزيــد الـــغبــينه
واتنقض اجـــروح قديمات بجـــراح وتكشف عــنا قلبي وتبحث كنينه وتزيـــد من هــم له اسنين ماراح بسبــاب شيخ مـــن زمن دافـنينه وعجزت لسلى عنه واسج وارتاح |
باسباب شيخٍ من زمن دافنينه ؟
يبدولي انّي من زمن بالغباوه؟ مسكين يالشايب يالشّايب اللي بين ناسك دلوشي ماكلّ هـقـواتـك بـفـكرك تـماشى خـلّ الولافي واحـتـذف للوحـوشي وابعد عن اللي عن فهومه تحاشى |
مافهمت قصدك يالشايب وش تعني يبدولي انّي من زمن بالغباوه؟ مسكين يالشايب
باسباب شيخٍ من زمن دافنينه ؟ انا هنا اقصد ابوي الله يرحمه لاني ماتهنا بالعيد من يوم مات وتركني |
اقتباس:
وبأمال رحمته بقبول الدّعاء له واخوانه المسلمين ولا أنتي الوحيده بفقد الوالدين : وان شاءالله انّك من الولد الصالح المقبول الدّعوه ـــــــــــــــــ أمّا انا من عرفتك وعندي شكوك انّك عرف قرابه بالنسبه ليّ واقصد بالغباوه ليه ماعرفت هل انتي قريبة عصبه املا ؟ كل معارفي قريبين منّي ولكن اقصد العصبه الله يسترك وخوانك المسلمين آمين لاتفهميني بالغلط يالعنيده=وانتي مقامك بالعلا عندشايب تبقين عالية المقام الفريده=وخواتك اللي عاليات النسايب وعيدك مبارك وخوانك وأخواتك وعموم المسلمين آمين |
جزاك الله خير ورحم والدينا ووالديك
ااااه الحين فهمت وانا اقول ياربي وش يقصد الشايب اللي دايم محيرني ههههههههه يالله لعل ايام عمرك مديدة = وعسى زمانك يابوسلطان طايب غلاك زايد ياللحالي رصيدة = ولي الفخر لــو كـــان حنا قرايب |
تالي العصير وف اول العيد ونيّت
وذي عادة فالـــعيد دايم تجيني العيد عامـــل ذكريات وتنااهيت ياعيد كنك توقـــد الشوق فيني |
تبي الحقيقه العيد ماعاد له لون
لا طـعم لا معنى ولا فيه فرحه لو قالوا العالم لي اللي يقولون مـايبتسم مـجروح ويطيب جرحه ســعــد الــسـمـيـن |
الساعة الآن 08:48 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.