|
يا سعود ابن فيصل
يا سعود دامك حيّ عدّك بمنصبك=في ما مضى لك بالليالي والأيّام يا قايمْ بواجبك بالسبك والحبك=في كلّ ما يحتاجه العرب وأعجام أفنيت عمرك ما تخلخل بك الرّبك=يا من جهودك في مرابيح الإسلام يا سعود ابن فيصل على نهج شايبك=أشهد بصدق الهرج ما هو توهّام وكلٍّ شهد لبوك وأبوك جاذبك=وفي ما تجاه الله بذلته بالأتمام واللي جعل بك خير ما هو مخيّبك=جزاء جهود الخير تلقاه قدّام يا سعود عصر أبوك مبدا هبايبك=واليوم وينه عن تحاقيق الأحلام أقفت ركابه واستمرّت ركايبك=يا من لسكّان الوطن درع وحزام واليوم يوم استروضن بك نجايبك=والله لتبقى في معزّتك مقدام شعبك من اشعوب الوفاء هم حبايبك=وعلى صدور أهل الوفاء قدرك وسام ياخواني وياخواتي ؛ وزير الخارجيّه الامير سعود الفيصل ؟ غني عن التعريف ولو كل يوم نقول بذاته من التعبير عنه سوى بالقصائد او التّعابير المماثله لاتكفي بهذا الرّجل / وألتمس العذر من الجميع ؛ حيث من عادتي الاختصار ولسمو الامير سعود الفيصل واخوانه المسلمين حق علينا بماعلينا تجاه الله واجزل التحايا والتقدير للجميع |
تسلم ياابو سلطان وسبقتني على هالموضوع
فعلا سعود الفيصل يستحق منا كل شكر على ماقام فيه في خدمة هالبلد ربي يعطيه الصحه والعافيه وغلاه راح يبقى بقلوب شعبه الوفي مستحيل ينساااه ليت العمر يشرى ونشريه ياسعود ونعطيك عــمر في بداية شـــبابه حمــلت هم المملكه اربع اعقــود واصعب سؤال يكون عندك جوابه ورثت طبع ابوك بالحــلم والجـوود وعلم السياسه والدهـا والنجابه الله يمــد بعــمـــرك ايام ويــزوود ويبعدك عن جـو المرض والكئابه ومهما حصل تراك بالقلب موجود والشعب يدعي لك بوقت الاجابه |
صح لسانك يا شاعرنا يا ابوسلطان
وسعود سعود يستاهل ما قيل فيه |
اقتباس:
انا تعرفينني ويعفونني جميع اصحاب المنتدى احب الاختصار لك اجمل تحياتي يشهد الله |
اقتباس:
تسلم يابو زياد وصح بدنك يالغالي والمقصود بالصّور كارمز لبدايات شبابه و وقت مشيبه الله يرحمنا ويّاه تسلم على مازاد الموضوع جزاله |
اقتباس:
انّه ابو براهيم عشانه يعرف من البدايه ابو سلطان المهم صح بدنك وشرّفت ياهلابك بمنتداك |
اقتباس:
صح بدنك ياابوسلطان ومشكور على الاشادة والكلام الكبير اللي مااستحقه ومااظن فيه احد بيغلبك يالشايب ماشاءالله عليك كفيت ووفيت تسلم |
نعم اخوك ابو ابراهيم
وانا اللي تشرفت فيكم الله يشرف مقدارك يا ابوسلطان يا غالي |
صح لسانك وبيض الله وجهك
والامير يستاهل والله حز بخاطري لما جى خبر اعفاءه الله يشفيه ويطول بعمره ماقصر |
اقتباس:
تسلم يابو براهيم وحياك الله |
اقتباس:
صح بدنك يابنت اخوي وآيوالله ماقصر لعموم امّته عرب وعجم والخبر احزن العموم حتّى غير العرب لكن تعب المرض شين وان شاءالله دامه حي كلمةٍ يشيربها تسوّي مشروع والتّفيق من الله |
ياهلابكم جميعاَ وياهلا بأخوي / دحمان الحاج أبوإبراهيم وصح لسانك ياشاعرنا اللحالي وقصيدتك في / تاج روسنا / سعود الفيصل هي قصيدة جزلة من شاعر كبير لشخص يستاهل منا جميعاَ أن نقول له من القلب # شكرا _ سعود الفيصل * شكراَ لك يارجل المهمات الصعبة |
صح لسانك يابو سلطان
قلت وأبدعت قصيده جزله من جزل والحقيقة الأمير سعود رجل سياسة لن يكرره التاريخ تحياتي وتقديري لك |
اقتباس:
هلابك ابو خالد وصح بدنك ومثل ماتفضلت الطّيّب يستاهل اجزل |
اقتباس:
صح بدنك يابو تركي وماعليك زود يالغالي وعلى قولتك لن يكرر التاريخ نعم نعم تحياتي وتقديري لك |
صح السانك يابو سلطان
وصح السانك ياترانيم يستاهل الامير سعود منا الكثير |
صح لسانك يابوسلطان ولأمير سعود الفيصل يستاهل كل علمٍ غانم خدم الوطن والأمه الأسلاميه والعربيه نسأل الله ان يمتعه بالصحه والعافيه . |
اقتباس:
صح بدنك يابو عبد العزيز حصل لي تشريفك وماعليك زود يالطّيّب تحياتي وتقديري لك |
اقتباس:
صح بدنك يابو فهد ومرورك تشريف والأمير يستاهل اجزل خاصّتاً بمابين العبد ومعبوده |
صح السانك ابو سلطان قلت فاجزلت ويستاهل من فنا عمره وشباب لجل الدين والمليك والوطن
ووصح السانك ترانيم قلتي فاجزلتي وشهد لك والدنا الحالي يعني شهادتي مجروحه لاعدمناكم جميثعا |
صح بدنك اخوي معيض وتسلم على المرور العذب
وشهادة اعتز فيها منك ومن الشايب ربي يطول لنا بعمره |
تكفون لاتمدحونه واجد ترى الشايب من حينه
على جريف الله يعطيكم العافيه وخوانكم المسلمين |
| الساعة الآن 11:53 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
