قالت سلام وقلت ياشجرة التوت=قبل السلام ابغا من التوت حاجه
قالت علامك قلت انا جاني الموت=وقلبي مريض وفي يدينك علاجه
قالت صعيب وقلت في عالي الصوت=هاتي علاجي دون هرج وصجاجه
قالت مريض وقلت ماداني القوت=ولا احب كثر البربره والجاجه
قالت كذا ? قلت ايه ماينفع سكوت=خليكي مع اللي تعكر مزاجه
قالت دلع ? قلت الدلع ماله بخوت=وانتي بلا قلبي وكل انزعاجه
قالت تمن وقلت كيكه وبسكوت=ورشفه من التوته بحين انتواجه
قالت انا ? قلت ايه يامنيتي نوت=ترا اللعانه يا حياتي سماجه
قالت بعد ? قلت ايه مافايتاً فوت=حنا عرب ما ابغا علاج الخواجه
قالت حسافه قلت وشفيك يانوت=قالت وداع ومالنا فيك حااجه
قلت ارحلي قدام لاشوتكي شوت=الحر الاشقر وش يبا با الدجاجه
=.
=ناصر الشميلاني

المشاركة الأصلية كتبت بواسطة اللحالي الغيداني (المشاركة 2494) الحر ألاشقر وش يبي بالدجاجه إيوالله مامثل عزّة النّفس صح لسانك والعذر من الله ثم منك ان بيني وبين الغزل على مايقولون حربٍ ضروس وإلاّ كان جاريتك مير واناخوك قد حصل يمين على الغزل؟

المشاركة الأصلية كتبت بواسطة سعد السمين (المشاركة 2495) صح لسانك مليون يابو مناحي قصيده رائعة بروعة صاحبها جزلة من جزل كما عهدناك دائماً لك مني كل التقدير

المشاركة الأصلية كتبت بواسطة ترانيم حربيه (المشاركة 2498) هههههههههههههههههههههه ابو مناحي ياسلام يوم رفضت صارت دجاجه واول كنت ميت ومريض وهي علاجك انتم كذا يالرجال اذا ماصارت الوحده على كيفكم شتوها ياشيب عيني منكم شيباااااااااه ههههههههههههه صح لسانك واعتلا شانك قصيده حلوه بجد وضحكت منها من قلب ربي يسعدك

المشاركة الأصلية كتبت بواسطة اصايل (المشاركة 2503) صـح لسانكـ ^^