|
وين اللحالــي ؟؟
ياللحالــي بعـــد جينا تعال=والحقايق تعال وعدها انت من وين ياسمح القبال=جيب الاخبار والا ودها |
ياسلامي على السيل الزلال=كلمةٍ مثبتٍ لك جدّها حرب ربعي مثل شمخ الجبال=لابةٍ ياهجـاد مـضـدّها |
مرحبابك عدد نو الخيال=النشاما عريبٍ جدها نعم فيكم ياوافين الخصال=مد يمناك عجل مدها |
البقى فيك ياسمح القبال=وخذيميني رفيعٍ قدها انت من وين ياكرم السبال=كلمـةٍ تستبينك بدّها |
الوفا طبعنا في كل حال=بين مزح العلوم وجدها الاجابه على قد السوال=من شبابه ونفسك هدها |
ايه اناجـارك بذيك التّلال=والـهـقـاوي تـشـابه فـدّها مرحبابك وياحي الجزال=وارسل رموز خافي سدّها |
انته بنجد والبارق شمال=وان كتبت الحروف تعدّها السوالف عريضاتٍ طوال=مايلشنا ترا في ردها |
كـل دار(ن) لـنـافـيـهـا أجـتـوال=والمسافات ممدي حدّها والسوالف على حسب المقال=عشّ كلمتك وإلاّغدّها |
منت ناقص ولله الكمال=مير نفسك وراك تحدّها الوسيمه على خدود الجمال=ياللحالي وسمنا خدها |
ماتحديت في نفس العذال=غيرمانيب عارف عدها والوسيمه لنا معها عقال=كلمه وانت جيت بسدّها |
| الساعة الآن 11:20 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
