يا سعود دامك حيّ عدّك بمنصبك=في ما مضى لك بالليالي والأيّام

يا قايمْ بواجبك بالسبك والحبك=في كلّ ما يحتاجه العرب وأعجام


أفنيت عمرك ما تخلخل بك الرّبك=يا من جهودك في مرابيح الإسلام


يا سعود ابن فيصل على نهج شايبك=أشهد بصدق الهرج ما هو توهّام


وكلٍّ شهد لبوك وأبوك جاذبك=وفي ما تجاه الله بذلته بالأتمام


واللي جعل بك خير ما هو مخيّبك=جزاء جهود الخير تلقاه قدّام


يا سعود عصر أبوك مبدا هبايبك=واليوم وينه عن تحاقيق الأحلام


أقفت ركابه واستمرّت ركايبك=يا من لسكّان الوطن درع وحزام


واليوم يوم استروضن بك نجايبك=والله لتبقى في معزّتك مقدام


شعبك من اشعوب الوفاء هم حبايبك=وعلى صدور أهل الوفاء قدرك وسام

المشاركة الأصلية كتبت بواسطة ترانيم حربيه (المشاركة 7166) تسلم ياابو سلطان وسبقتني على هالموضوع فعلا سعود الفيصل يستحق منا كل شكر على ماقام فيه في خدمة هالبلد ربي يعطيه الصحه والعافيه وغلاه راح يبقى بقلوب شعبه الوفي مستحيل ينساااه ليت العمر يشرى ونشريه ياسعود ونعطيك عــمر في بداية شـــبابه حمــلت هم المملكه اربع اعقــود واصعب سؤال يكون عندك جوابه ورثت طبع ابوك بالحــلم والجـوود وعلم السياسه والدهـا والنجابه الله يمــد بعــمـــرك ايام ويــزوود ويبعدك عن جـو المرض والكئابه ومهما حصل تراك بالقلب موجود والشعب يدعي لك بوقت الاجابه

المشاركة الأصلية كتبت بواسطة الراقي (المشاركة 7167) صح لسانك يا ابو سلطان و لامير سعود الفيصل يستاهل الله يحفظه ويطول عمره الذي كنت اعرفه عنه أن تخصصه اقتصاد وعمل في وزارة البترول و ارامكو قبل توليه منصب وزير الخارجيه . وبالنسبه للمعلومه التي مفادها أنه كان طيار أول مره اسمعها . ولا اجزم بصحتها. مع ترجيح أستنتاجها من خلال الصوره . إلا ان الصوره واللباس لا يعطي دلاله على شيء معين . فكل انسان يستطيع أن يمارس الطيران كهوايه إذا توفرت شروط وضوابط معينه . وهذا متوفر حتى في الوقت الحاضر . فائق التقدير والإحترام ..

المشاركة الأصلية كتبت بواسطة دحمان-الحاج (المشاركة 7169) صح لسانك يا شاعرنا يا ابوسلطان وسعود سعود يستاهل ما قيل فيه

المشاركة الأصلية كتبت بواسطة اللحالي الغيداني (المشاركة 7170) صح لسانك يابنت اخوي ؛؛ اشوفك غلبتيني ببعض المفردات ماشاءالله عليك تراي صادق يابنتي انا تعرفينني ويعفونني جميع اصحاب المنتدى احب الاختصار لك اجمل تحياتي يشهد الله

المشاركة الأصلية كتبت بواسطة دحمان-الحاج (المشاركة 7180) نعم اخوك ابو ابراهيم وانا اللي تشرفت فيكم الله يشرف مقدارك يا ابوسلطان يا غالي