![]() |
فـي كل يوم نقول الأوضاع بتزين
و اثر الليالي جابت العيد ، ، فينا ياما نثـرنا الدمـع من شـان غـالين و ياما علئ بيض الدفاتر .. شكينا |
اصبحت صبحي مصبح ٍفـي غراقـه
غالي غلاه اغلى على الارض مخلوق فزيـت فـزت فايـز ٍ فـي سباقـه فرحان فرحة فارح ٍ عجـل مطفـوق صدقت صدقـه صـادق ٍ بالصداقـه معاهده عهد ٍ عهد ..فيـه ماابـوق |
قوي العزايم مايهمه كـلام الناس
يـسـوق الطموح لغايته لين يدركها صحيح الهبوب تهب وتطير القرطاس لاشك الجبال الراسيه ما تحركها |
احب الطموح اللي مكانتها على القمه=طموحٍ يحققها قوي العزم لو يتعب سهله على ناطح الصعبات ما تهمه=مع الجهد والهمه بحول الله ماتصعب |
برد الشتا عذركـ ، .. والايّام عذري !
______ عذري وعذركـ ، .. غير عن كلـ الاعذار ماعاد بدري ، .. صدق ، .. ماعاد بدري " ______ بـ آعيدها [ أمرار , و أمرار , و أمرار ] ، ! |
ربي كريم ولا خسر من ترجاه=بامره يحل العقد لاصار معقود والوقت ماباقي معي غير ذكراه=عسى الليال البيض ماتنقلب سود |
دندن وغنّ وخلها فلّة حْجاج
وجهة نظر لا تعتبرها نصيحه مافيه ضيقه مالها طبّ وعلاج شفني اداوي ضيقتي بالقريحه |
هزي جذور ارواحنا يالاماكن
يمكن يطيح من التعب وجه الاحزان مو مشكلة لو نزعج الحزن .. لكن المشكلة لو يزعج الحزن الانسان |
ناخذ ونعطي بين مرٍ وحالي=ونفرح بطيفٍ للحبايب ليا مر والطيب فينا من قديم الليالي=يالله عسى الافراح دايم تكرر |
رحلت / وإحسـاس التعبْ ماتجرّد
باقي صدى ذكرى / وتلويح راجـع .. ! ماشفت بـ أغصان الغلا صوت غرّد لو كان / صوت البُعد بالصدر ساجع .. ! ضيعتني اخوي ابومناحي بين الموضوعين كلهم اخذت الحرف الاخير ^^ |
عمّرت لك بالقلب ياصاحبي بيت=رغم السنين الجايره مانسيتك ارحل على كيفك وبكره لياجيت=القلب قلبي لاكن البيت بيتك |
اقتباس:
هههههههههههههههه الخطا خطاك وش ذنبي :2 (11): يعني حتى خطاك اكون شريك فيه :3 (12)::3 (12): |
سلام
ابو مناحي الشطر الاول مكسور المفروض يكون عمرت لك بالقلب ياصاحبي بيت |
ايه خطاك :2 (2):
ليش تشارك هنا وهنا :3 (12): هههههه الله يسعدك وصح لسانك^^ احترامي |
اقتباس:
ياسلام عليك ياترانيم والله هو عمرت لك لكن نسيت من السرعه ومشكوره على التنبيه |
كـــل الجـــروح اللـي تمـرّ الأيـآدي
من فوقهآ ، تبرى مع الوقت وتطيب لكن جروح النفس .. مثل المبادي في قلب طيّب ذآت ، لآ يمكن تغيب |
بعض الكلام أحيان خنجر وسكين
ان ما طعن ..شق الصدر حيل وأدماه واللي سأل عن أبرة البنج مسكين للبنج وقت.. الى أنتهى صاح ويلااااه... |
هالصبح يالغالي مع ضحكتك غير
تنعش صباحي ضحكتك واهتنيها انت الصباح وضحكتك ي الغلا خير كلــمة صباح الخير : مقـصود فيها |
الله يديم السعاده والسعد يبقى=في كل ليله سعدها يكون متجدد ولعل منهو يحب الخير مايشقى=هذا كلامي وانا ماني بمتردد |
دامـــك تبيني ليه ساكت تكـــلم
وش فيك ماتفهم سلوب المحبين لمحت لك واجد ابي كـــود تفهم شكلك غشيم ومــاتعلمت للحين |
نعطيك صدق المشاعر وانت فسرها=لبى عيونك غلاك بخافقي مبطي اغلي عيوني واحطك في محاجرها=ولولا محبتك ماناخذ ولا نعطي =ابو مناحي |
يادكتور ماعندك دوا للقلوب البيض
تفانى وتخلص مالقت من يقدرها توزّع مــحبتها ولا تنتظــر تعـــويض وطال الزمان ولا لقت من يعبرهــا |
ابتركك وابعد عن عيون مغليك
يمكن الاقي فالفراق السعاده لو كان قلبي بالغلا مولع ٍ فيك يمكن دواه يحصله في بعااده وانت الله انه في حياتك يهنيك ويعين قلبك في جفاه وعناااده |
هدوء وركاده فديتك عسى ماباس=علامك ضايقٍ بالك وكنه ضايقٍ صدرك غريبه ليش متوتر وكنك تشكي الهوجاس=مدام انك مع احبابك بخير ومرتفع قدرك |
كان الارواح شاره فالمنايا سهوم
لاتضيق الصدور ولايضيق الفضاء علم اللي يطيح وعلم اللي يقوم زود حرص البنادم مايرد القضاء الحمد لله لقيتها من اليوم ادور^^تعبت |
الصدور الوسيعه طبعها ما تضيق
الله اللي عطاها بالحياه السعه لو يفيد التمني مايضيق الطريق ولاشكينا طعون ايامنا الموجعه |
هاء + ^^
اصحى وصح أفراح قلبك من النوم ! نجاح قلبك بالسعاده نجاحك .. وانسى هموم البارحه وإضحك اليوم ! عسا صباح اليوم يسعد صباحك |
كلن بهالدنيا يكافح ومشغول
لوكان بكفاحه يشوف الهوايل ياليت من عنده تفاكير وحلول يبدي حلوله في جميع الوسايل |
لا ضاقت الدنيا عليك وتشاويت
خلق الله اللي فالرخا كان واجد ومن العرب والصوت والثوب مليت وقامت عليك هموم بأقعا تراجد فارفع يديك لخالقك لا توضيت وادعو تراك أقرب إليا صرت ساجد ووقت من أوقاتك للأوقات توقيت وسجل لنفسك في المساجد تواجد وأبشر بفزعة حامي الدين والبيت إليا هجدك من الهواجيس هاجد اللي يميت الحي ثم يحيي الميت لرضاه شف كثر البشر بالمساجد |
دموعي على خدي وقلبي عناه يزيد
معي عبرة في داخل القلب مكتومة ألا ليتني طير لاضاقت عليه البيد كفخ بالجناح اوزاعها بالسما حومه” |
هلابك والعلوم الغانمه مادونها معذار=ليا صار الوفى طبعي فخر ماني بمتعذّر على وضح النقى ماني بثرثارٍ ولا هذّار=ومع ذالك عن اللي يشوّه بمبداي متحذّر ودنيانا تهدّدنا وفيها كل يوم إنذار=على العالم وانا ماني من التفصيل متمذّر =ابو مناحي |
شفولكم حل مع حرف الهاء ^^
|
رمح الغياب اللي رمته الـــمقادير
وقـــع ورى عـــوج الحنايا وتكـــا تصبح وتمسي ياحبيبي على خير وانا عيــوني من عناهـــا تشكــا |
الحزن في غيبتك له لون /داكن
مات [ قلبي ] ويحسبونه حي .. } كنت [ عايش ] إيه فـ غيابك / ولكن .. فاقد " إحساسي " بحياتي وكل شي |
ياناقـــد الحب لاتشـــره على مبلي
خل النفوس الجريحه وش تبي فيها قال المثل والمثل مقيــول من قبلي ماتحـــرق الجمـــره غير رجل وأطيها |
احوج حياة الآدمي للتّبنّاج=في ساعةٍ فيها عديدات الاسقام
والكل منهن فيه ياخذتمزياج=في عكس مابالادمي من تقيوام مال السّعاده فيه في ساحل العاج=إلاّمثل مابالجزيره لصدّام |
مبداك حاس البرمجه والمفاهيم=كم واحدٍ لخبط مضامين الاشواط لكن مايصدر لحلمك مراسيم=لو فيه عرافٍ منجم وخطاط يالادمي لابد تلقي المقاسيم=لو قلتلي فاهم وصاحي ومحتاط |
طـــرقني غــرامك يا جميل المزايا طرق
كما يطـــرق الحداد صيخنٍ على جمــره ترى الحب يسرق حال راع المحبه سرق خفايف خفايف لين يقضي على عمـــره |
هجوم المشاعر هجومٍ بدون انذار=مسيطر على كل الجوارح ومتمكن علاجه ماهو بالطب والا مع العطار=وغير العلاج المعتبر ماله مسكن |
نحلم واﻻحلام لا ودت ولا جابت
وانا اليا ضاع حلمي ماني بنادم يالله وان كانها في مامضى خابت انك تحقق رجاي بحلمي القادم |
الساعة الآن 05:58 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.