![]() |
فال الله ولا فال ميلات السنين=اللي تكون لنزعة الواهس سبب كم واحدٍ من ميلة سنينه حزين=تحده ايامه على همه غصب =ابو مناحي |
برد الشتا اللي يستثير العواطف
ما حرّك إحساسك حنين و لفا بك لو أستر ضلوع الهوى بـ المعاطف واضح على رجفة يديني : غيابك |
|
دام انت بايعني توكل على الله
مابيني وبينك مشاريه وعتاب شف دربك اللي جيت منه تدله ماراح تغلبني لو الحب غلاب من حضرتك علشان قلبي تذله في ذمتي لجعلك عبره للاحباب |
|
نحلم واﻻحلام لا ودت ولا جابت
وانا اليا ضاع حلمي ماني بنادم يالله وان كانها في مامضى خابت انك تحقق رجاي بحلمي القادم |
ماكان احد يقدر يسيطر على اطباعي=كنت اتفنن وفني معلن وظاهر واليوم مدري وش اللي غير اوضاعي=والفن مني خذاه اللاعب الماهر |
رغم الملام اللي بصدري جمعته
لو ترجع وتسأل من تحب قلت أنت كل ما أرتفع صوت الأذان وسمعته دعيت ربي يحفظك وين ما كنت |
تعبت من طرد السراب المقفي
طردٍ ورى حلمٍ إليا أقبلت قفــا والـــوقت عيا لا يوقف بـ صفي والحــظ مــدري نام ولا توفــا |
الحر حر المفارق /خل حر الهجير
والضبط ضبط المشاعر وانفعالاتها والفوزوالله نجاتك من عذاب السعير لاتحسب الفوز في الدنيا ولذاتها |
اللي أسرني بين سودٍ مضاليل=قال الطلب روحك وانا قلت تفداك بالمختصر عن كثرة القال والقيل=من غير لا ادري لاطلب قلتله هاك =ابو مناحي |
كم شعــور نشعره لكن مانقدر نقـــوله
ينولد ويموت نبضه ماطرق باب الصراحه اكثر الاحساس يلقى حاجزٍ يمَنع وصوله لوبغى التعبير تبقى فرصته ماهي متاحه |
هل ياوبلٍ من المنشا مخيّل=هل لايحداك عن دربي هبايب غير اطالع للمخيله واتخيّل=وانتظر واقول ويش المزن جايب |
بحــاول اصارحك واجاوب اسالتك
حاولت بس اختنقت وعيت العبره مشكلتي اغليك واعزك ومشكلتك كسرت لك شي ماتقدر على جبره |
هذاك وقتٍ مضى واقفى على حاله=مافيه داعي بماضي وقتك تفكر خلك بحاظرك واعزف لحن مواله=لاعاد تعزف لحن والجو متعكر |
ﺭﺍﺳﻲ ﻋﻨﻴﺪه ﻭﻻ ﻛﻞ ﺷﻲ يـرﺿﻴﻨﻲ
ﻃﺒﻌﻲ ﻣﻜﺎﺑﺮ ﻭﻛﺎﻳﺪ ﻭﺍﻋـﺘﺮﻑ ﻗﺎﺳﻲ ﻣﻦ ﺻﺪ .. ﻣﺎﺍﻧﻲ ﺑﻘﺎﻳﻞ ﻻ ﺗﺨــﻠﻴﻨﻲ ﺣﺘﻰ ﻟﻮ ﺍﻧﻪ ﻳﺴﺎﻭﻱ ﻧﺴﻤﺔ ﺍﻧﻔﺎﺳﻲ |
يمكن حقيقه ويمكن غير ماندري=لكن الايام لازم تكشف اطباعك والا عنادك مأثّر فيك من بدري=وان جابك لموج البحر ياصعب مرجاعك |
كنت أعتبرك العمــر لكن تحسّفت
يا مـــعتبر مشاعـــــر الناس لــعبه سهله عليّ أسامـحك لو تأسفـت بس إني أرجّعــك لـ القلب صـــعبه |
هذاك وقتٍ مضى واقفى على حاله=مافيه داعي بماضي وقتك تفكر خلك بحاظرك واعزف لحن مواله=لاعاد تعزف لحن والجو متعكر لواحد من الناس ^^ |
روّحت يابيت القصيده بلاشي=من صاحبٍ غير رسومك وسرّاك قصدي ميانه ماعليها نقاشي=يالصاحب الماين ترى البيت يفداك :3 (12)::3 (12)::3 (12): |
ههههههههه
تسلم أخوي ناصر بس اكتب بكل الحروف عشان افوز بالتحدي لان اختك ماهي شاعره الله يسعدك يارب امزح معاك وانا اتعمد يكون البيت قريب حتى احفظ الحقوق للشاعر ناصر الشميلاني أحترامي |
كل مآقآلو تشآليت قلـت الله كريـم
يشفي آلنفس آلحزينة ويعرف طبّهآ آلجروح تموت وتطيب وآلجرح آلقديم سـلّ سيفـه فـ آلمحآني وقآم يجبّهـآ |
اكذب عليك ان قلت مالقيك اهتمام=واكذب عليك ان قلت مالك منزله قلبٍ تحلى بالأدب والاحترام=حقه اليا اقبل كل قلب يفزله |
هـــديتي يآ فـــرحة العــمر تآبوت
فيييه الغـــرآم اللي بديته خــتمته يبقى الغصن لومآبقى فالغصن توت تــحركّ إنسآم الذعــآذيع "صمـــته " |
هذا كلامك وانا حصلت معلومه=رددتها في ضميري خافظٍ صوتي تفسيرها بين علم الليل وحلومه=توي دريت انك بدنياك حانوتي هههههههههههههههههههههه :1 (16)::1 (16)::1 (16): |
يعني اجــل لازم تخــاف وتبتـعد == مـــحد يبي يعـــرف محفــرت القبور
وانا اوعدك خلاص يالغالي وعد == مااحاول افهم وش كتب بين السطور ههههههههههههههههههههههههه :2 (1)::2 (1)::2 (1): |
رايع ولكن حقيقه ماتروعني=مهما تحاول ترا ماني بمتروع كثر وقلل ترا منته بمقنعني=عندي سياسات والاسلوب متنوع هههههههههههههههه |
عادي بحاول ويمكن تسمع لشوري
وانصحك عن قسوتك وعنادي تهون انا عـــنيده ولاكـــن عـــارفـــه دوري بس انت وش فـــيك تتغيـــر وتتلـون ههههههههههههههههههههههههههه |
نويت اجرب واستمع في نصايحك=يمكن تصارحني بنصحك وشورك بطلت اعاند وامش باللي يريحك=خلك على ماكنت واعلن غرورك :1 (15)::1 (15)::1 (15): |
كان وقتك بالغرابيل امتعمد
وحملك من همه اللي ما تطيقه الزم كتاب الله وسنة محمد وكل شيٍ غيرها جعله حريقه |
همنا المرجله والطيب حظ و نصيب
ماهو بـ واحدٍ تنخاه و يقــــول تم كم ولد عم عند عيال عمه غـــريب وكم غـريبٍ تمنووه الرجال أبن عم ^^ ملاحظـــــه الابيات هذي حلفت اصايل اني غير اشارك فيها وقلت غاليه والطلب رخيص ومشكوره على الابيات :2 (13)::2 (13): ====================== ويش رايكم نوقف حرف الهاء :1 (15): ثلاث ارباع المشاركات كلها حرف الهاء ولازم نشوف له حل :3 (8): |
هههههههههههه
خطير بس غش هاذي فكرتي بس يالله نسامحك هالمره:2 (1): بس الابيات ترى منقوله ^^ |
محشوم يا حبٍ تعانق مع الروح
راعيك غالي وانت بالحيل غالي حبٍ عفيف وما ابي منه مصلوح طاهر وقدره داخل القلب عالي |
|
يشتاق لك بالحيل قلبٍ تمناك
قلبٍ تعشّق فيك كامل وصوفك قلبٍ يشع من الفرح لين لا قاك وليلٍ تلاقــت مع ظروفه ظروفك |
كل الجوارح فـي قدومـك تهلي
واستقبلتك بطيبها وانت ماجيت بيـن الحنـايا يالغـلا لك مـحـلـي وقلبٍ صفالك حطلك داخله بيت |
تــــــــعال وأسمع قصتي للنهــــــاايه
يمكن تروف بحال ضامي اليا أجيــتـ كـــــــلي جروح وفوق هذا ضمايـــه لامــــــارحمني الخلق وأنت تخليتـــ |
تبشر وكل اللي تمناه لك تم=عد الروا جمه على الورد راهي تامر على روحي وانا اقول لك سم=في لازمك مالي وحالي وجاهي |
يهب الهوى وعروق قلبي تقول غصون
تمايل على ذاري الهوى كل ما هبّي يحرّك شجون القلب و النّاس مايدرون مــزايا الصدور المغلقه ﻣن ﻓﺿل ربي |
يهب الهوى واللي جرالك جرى لغيرك=ولاكل واحد يشتكي لو بصدره شلف ويمكن تاصل اهدافك حسب عرفك وتفكيرك=لو ان الوقت ماطاعك حذاري لاتناظر خلف |
الساعة الآن 09:38 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.