|
لو صرت ياهتلر تنادي برتويت
مالك مع الاسلام لو رتوتولك ياشاهت الأفارسه والأباشيت رسولنا محمد ومنهو رسولك |
لاتصافق مع الامواج يالشّامي
لو يناليلك الاقصى بصيحاته كان جرح الصّويب مع البطى دامي وين يلقى الطّبيب ووين شاشاته |
يقولون العواصف مقتفيها رعود الصّيف
لكن ماقالت الأرصادعن تدفيق ماطرها عسى مالك على صلع الجماهي يالبرد تحذيف وعسى ماهي من اللي بكاف ونون وامرها |
ثارت غبرة النّطق من تجريمه
والجرم متشيّد بحلم النّايم من يفهم اللي مابلغ تفهيمه في ساعةٍ فيها سحور الصّايم |
وين الهواش اللي مع النّاس ودّي به
لكن مع الناس عيّت تسلك اخلاقي والهاجس اللي تدغدغني هباهيبه ودّي فراقه وهو ودّه على فراقي لكن مع البرد تسري بي قوانيبه في ليلةٍ . مابها. للفكر. مخفاقي ويطري عليّ ابن داوود ومحاريبه وخريف تال المصيف وحتّ الأوراقي |
أحساس آمّك بالمهمّات يتبعك
على أحتياجات الصّغير متناوب لويسئله طبيب عن ويش يوجعك نظر على أمّه وأمّه اللي تجاوب |
يالنظره اللي خذيتي بالتّأمّل سروح
ياكثر مأنتي بدرب الفكر متماديه لكن ترى واسع الدنيا تعيب الصروح والنّاس متصاحبه فيها وتعاديه |
اقتباس:
صح لسانك وبيض الله وجهك ابيات رااااقيه بس ياعمي الابيات المقتبسه ^^ http://www.traidnt.net/vb/attachment...016204-500.png كل التقدير والاحترام |
أميره ي اصايل صدقيني يابنتي
ان فيه ابيات ابقيها حبيسة الفكر خوف من تعثّري منها الله يجزاك الخير ياحربيّه |
يالله دخيلك عن غرابيل الصّدوف
لياصار تطلب عكس مايطلب هواك والناس يالمصدوف من منهم يروف أطيبهم اللي يشجب بحال العراك |
| الساعة الآن 06:24 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
