ياقلبي اسدل شراعك عل جرحك يطيب

يــمكن تسوقــك رياح الخير يم أجــودي

لاصــار من يــدعي بالحب مـاهـو حبيب

وشهوله اصفق بعــد روح يدي في يدي

جيتك وانــا مـاني بتايه عن الراي

جيتك وانا مدري وش اللي بغيته

وان كان تنشد يالغلا ليه انا جاي

ابــشــر بـــرد يقنعــك لا قـــريته

ان مــر يـــوم بالعمـــر منت ويــاي

اشتاق لك شــوق الـمسافر لبيته

لاتلو مني لاجيت كلي من اقصاي

مــافيــه غــيرك لاتضايــقت جيـته

يقـولون كيف الحال وأقول هاه و هاه

مكاسير كمبودي على واهج الفحمة
⠀
قطــار الحــزن لا مــرني شالني وياه

وقطــار الفرح دايـــم كراسيه مزدحمة

تعــال خذلك داخل الجــوف حيـز

خــلف الحنايا وين مــاجيت حياك

وان كــان ودك في خـفـوقي تميز

خـذ المساحه كلها جعلني افداك

‏مانسيت جروحك العام والحب القديم

‏وأنت تدري وش فـ قلبي وخابر ما وراه
‏
‏أنت رحت تحب بعدي و أنا كني يتيم

‏بين لوعات المفــارق وصدمات الحياه

الليله الجــو بــارد والمشاعــر تفوح

مدري وش اللي جمع لثنين بردودفا

وين أنت ياللي كلامك فيه للروح روح

الشـوق بـيني وبينـك واهـجه ماطفا