=>
يازين عطني نظرة احباب لاحباب=طال انتظار المنتظر بانتظارك
يازين لك عندي مكانه وترحاب=هذا قراري وانت عطني قرارك
يسعد مساء البسمه وتلعات الارقاب=ويسعد مساء ليلك ويسعد نهارك
لو غبت يبقى لاهب الشوق ماغاب=الله من الهمّال يسقي ديارك
=>

=>
=>
تخنقني العبره ويقتلني الصمت=اصمت بطوع ونوب ماهو بطوعي
غير اتأمل فيك لو ماتكلمت=وقلبي من الاشواق فج الضلوعي
لجل اتحلم فيك ياكثر مانمّت=وان جيتني بالحلم قلبي يفوعي
=>
=>

=>
=>
طير ياطير السعد من يوم جيت=معك بجناحك رساله عاجله
عاود الكره وكنك مادريت=والسعد ياطير كم احتاجله
=>
=>

=>
=>
الله عطاك من الذكاء مايكفيك=والله عطاك من الحرافه حرافه
كنك تعرف اللي يخفيه مغليك=باسلوب سلس ولا يعرف الكلافه
يانور عيني هذي اللي تحليك=لو هي لقافه حيّها من لقافه
مدام حضي حطني بين اياديك=قلبٍ ملكته معك جود كتافه
=>
=>

=>
=>
=>
يانسيم الصبح بالجو العليل=كل ماهبّت نسانيسك ترا
ذكّرتي صاحب الطرف الكحيل=اللي بقلبي صوابه مابرا
عالي الاكتاف منقوض الجديل=زاهي الخدين والشعر اشقرا
مستحيل انسى وصوفه مستحيل=تل قلبي تل والحال انبرا
والله ان الترف مامثله مثيل=لو نزلت بسوق بيع ومشترا
=>
=>
=>

=.
حيا الله اللي مر غير يتبختر=الله عطاه الزين كله وحلاه
يمشي عليه الهون والناس يدرون=انه مع العربان ندره حلاياه
ان لد في الطرف ضيعت انا الحرف=وان ضاع حرفي حيلتي واحلالاه
كله كذا مجمول بالعرض والطول=وكل الصبايا حطهن وسط مخباه
=.