هلا يامرحبا بالمزنه اللي جالها برّاق=تلوح بروقها والخير باولها وتاليها
بعد ماشفتها تبرق وانا لبروقها مشتاق=اخيّلها واناظرها واقول الله يحييها

اذا هب النسيم اللي تباشربه زهور الروض=وجوّه مع صباح الخير ممطر والسماء غايم
على الريضان ودّانه توالا والمزون عروض=يرد الروح والجو العليل لجوي ملايم
ومن صادف نسيمه بالرياض المزهره محضوض=وعاش اللحظه اللي مرّت وعدّت على النايم

ياللي بدربي رميت الشوك=من علّمك تَغْدر اصحابك
منته بسالم وفيك شكوك=وطعون قلبي من اسبابك
طعنت بيديك من حبوك=ياشين طبعك وهندابك
خلك ضحيه لمن غشّوك=خلاص ماني من احبابك
=ابو مناحي

ان كنت رايح لاتردى مع الناس=روح بطيبك لايقل احترامك
الناس مثلك عندها قلب واحساس=مانزلوا من قيمتك واهتمامك
الطيب للطيب دلاله ونبراس=ارفع مقام الناس ترفع مقامك
وبنك الغناه اخير من بنك الافلاس=يابنك وقتك لايغير نظامك
=ناصر الشميلاني

بعض الحبايب بدون اسباب=صاحي بتفكير مجنوني
أجيه عاني وادق الباب=ويقفل الباب من دوني
ماني منافق ولا كذاب=امشي بعرفي وقانوني
الله يسامح خطا الاصحاب=ما اسبهم لو يسبوني
=ناصر الشميلاني

المشاركة الأصلية كتبت بواسطة ابو مناحي (المشاركة 10231) ان كنت رايح لاتردى مع الناس=روح بطيبك لايقل احترامك الناس مثلك عندها قلب واحساس=مانزلوا من قيمتك واهتمامك الطيب للطيب دلاله ونبراس=ارفع مقام الناس ترفع مقامك وبنك الغناه اخير من بنك الافلاس=يابنك وقتك لايغير نظامك =ناصر الشميلاني

الله يبارك عيدكم يالحبايب=وعساه عيدٍ بالسعاده يعيدي
ان شفتكم في خير والبال طايب=هذا مناي وشف بالي وعيدي

العيد له فرحه وانا فرحتي غير=مير الليالي غيبها ما عرفناه
صحيح يادنيا المعنا مقادير=ماكل نفسٍ تدرك اللي تمناه

الله يديم الامن في كل الاوطان=والستر ربي للخلايق يديمه
حبيت اهني قايد الحزم سلمان=الحاكم اللي له مواقف عظيمه
بالمختصر سلمان في كل الازمان=من لانجبت مثله تراها عقيمه

يوم حل العيد وازداد الفرح=والتهاني في سراها ماشيه
لجل تزداد السعاده والمرح=جيت اهني للملك والحاشيه