مـاهو غـريب الـحزم مـن عند سلمان=سـلمان جـاه الـحزم مـن طيب راسه
يمشي على درب المؤسس والإخوان=وجـمـيعهم يـشـهد لــهم بـالفراسه
الله خـلق فـيهم مـن الـحكمه ألـوان=والـوانـهـا مـفـتاح بــاب الـسـياسه
وتـاريـخهم كـلـه لــه الـعـز عـنـوان=والـدين كـان أول حـجر فـي أساسه
والـديـن عــز وصـاحـبه كـله إيـمان=والـقـلب مـايعرف مـع الـدين يـاسه
وحـنا مـعه ونـموت من دون الأوطان=والـموت مـن دون الـوطن حلو كاسه
وحـنـا مـعـه دايـم عـلى كـل مـيدان=ونـدوس مـن يـبغى يـدوس بمداسه
مـاهـمنا الـحـوثي ولا هـمـنا إيـران=إثـنـيـنـهم مـامـنـهـم إلا الـنـجـاسه
وعـدونـا فــي كـل الأحـوال مـنهان=ولـه عـندنا مـن الـذل ثـوبٍ مـقاسه
دون الـوطـن مـاهـمنا كـثر الأحـزان=الـمـوت حــق .. وكـلنا تـحت فـاسه

سـلام مـثل الكيف في وسط فنجال=ريـحـة بـهـاره كـيـف لـلـي نـصـبه
مــن دلــةٍ تـطبخ ومـن حـولها دلال=يـحـوفها مــن شـوف شـرواه طـبه
لـو مـات مـاصبه عـلى شان الأنذال=مــده عـلـى الأنــذال عـنده مـسبه
أقــدمـه لـلـي يـشـيلون الأحـمـال=ربـعـي الـسمان بـكل حـب ومـحبه
قبل أمس معهم ما أعرف ضيقة البال=والـيـوم صــار الـبعد لـلضيق سـبه
إلـين صـار الـضيق عـندي بـالأميال=والـلي يـبي يـدري بـضيقي يحسبه
لعل يفداهم خبيثين الاعمال=ناسٍ على الفرقى حطبها تشبه

تطيب الجروح إليا لقت طب وعلاج=مـثل الـمريض إليا لقى له إعنايه
وأنا جروحي تخلج بصدري إخلاج=والـلي يداويني السبب في عنايه
أقـول لـه لـدواك مـاني بـمحتاج=ويـقول لـك غـايه وأنـا لـي غايه
كـني سـجين وينتظر يوم الإفراج=يـبي الـعفو والـعفو كـله دعـايه
مـايدري إنـه مـاله الـيوم مخراج=ويـدعـي لـربـه لا تـخيب رجـايه
لـلهم فـي قـلبه دوالـيب وأدراج=وإرشـيف قـلبه صار ماله نهايه
حـده زمـانه لـين سبب له إحراج=وخـلاه عـلك لـمن يـحب الوشايه

أنـا إلــيــا مــنّـه تــعـكـر مــزاجـي=لقيت في صـدي عن الضيق مخراج
جــوي وأعـرفه لـكن أعـرف خـراجي=وأخاف من كلمه يجي بعدها إحراج
يـفرح بـها مـنهو عـن الـطـيب لاجي=وعنده عـلى شـذب الـعراقيب منهاج
نســاج لـلـكـلـمـه لـلأقـــراب هـاجي =ماهو على مايـجـمع النـاس مهـيـاج
وأروح أدوّر عــن سـبـب لإبـتهــاجي=فــي ديــرةٍ مـاطـبها إرسـال وأبـراج
لا جـيـتـها عــنـي يــروح إنـزعـاجي=وأرتــاح مــن جـوٍ غـدى كلـه إزعــاج
أرضٍ خـــــلا فـيـهـا يـزيـن إدراجي =لا لاج في صـدري من الـوقت مالاج
ألقابها عـن ضـيق صـدري مـلاجي=وعـن كـل عـله تسكن بصدري عـلاج
هــي مـنـوة الـلـي وده إنــه يـنـاجي=ويـرفـع يـديـنـه لـلسماء وقـت الأدلاج
يـطـلـب عـفـو مـنـهو لـه الـكل راجي=الـواحد الـلـي بـذكـره الـقـلب لـهـاج