|
الشايب اللي بتال العمر يتسجوج
ماكنّه...إلاّ..بخف..العقل...متهيّج بين الاوادم بضيق الصدر يتحجوج وهو مع قرينيسة..الاجنان وغنيج من شانها مع عديد.فجوج يتهجوج واللي يشوفه يقول الشايب مريّج |
من ما سمعته..من هذولا..وذولاك
زاد..القصيد و زاد..فيه..احترافي زاد..الرّصيدوزادت سكوك الاسباك ومن معدن القصيد صرف القوافي |
ياللي تقول أراسلك في سنبشات
انا أشهد انّا خاسرين البخوتي ماتجمع النّمله من بذور الأنبات يروح لقمه للبعير السّحوتي الجوّ صار لممتطينه مسارات العنكبوتيّه مع العنكبوتي |
انا أتلو كتاب الله مثل ناس يتلونه
ولكن تلاوة صمت ماني بجاهرها واشوف روحي كل ماتلوه ممنونه ليا أرسلت من عيني للأيات ناظرها يجم الوجل بالصّدروالحدب من دونه تجاره وفي حانوت و القلب تاجرها |
و لّ ياطيرٍ عناه معيّفه ملواحه
شايفه ولا يبيه و للنّدى مايوحي ماتقل يسمع من الصّقّار طول صياحه رغم طول الحنجره في صوتها المبحوحي هقوة انّه ماطمع ينفض بريش جناحه ويوم حصلت نفظت الجنحان قال سروحي |
ياربّي طلبتك يالعلي العظيم ارجيك
فبيتٍ من ابيوتك وللبيت متوجّه ياعالم بحال اللي بمطلوبه يناجيك توفقني المجهود في عشر ذالحجّه |
اللي يسوّي طيب يبي المدايح
لو شيّد الحفلات ماهو بمخلوف ومدح المجامل من كبار الفضايح لوكان في كل القناوات مشيوف |
يابراد الصّبح لا تخدع اللي بك سرح
كيف حاله يوم تلحق عليه القايله مامعه بدره وبالرّمضا بعيد انطرح وقابض الارواح بالمطيح قام يشايله |
يالسّتر لاتاقف بدرب الفضيحه
ترى الفضيحه وقتنا اليوم تاطاك ثم وين قبرك يالنّزيل بضريحه واللي تشبّث فيك وشلون ينعاك |
ياللي تبي من خالق الكون جزوى
تغانم السّاعات في غرس الابذار لادام روحك في حياتك تعزوى اجعل حياتك حقل موفور الاثمار |
القلب مثل الطير و الطير جزاع
لا ضاق وإلا جاع يبعد شلوعه والقلب مثل الطيرفي كل مشلاع ليا صار له من قايد الرّيم لوعه |
ليا صار ماندرك جزيلات الافعال
و ابن الصّويتيّه مساوي كديشه ماهو بلازم نلبس شماغ وعقال بدالهن ننسف على الرّاس خيشه |
بعض الاوادم يوم تسمع هياطه
تقول جاب القدس لك مع شواويه وهو في لقا الأفعال له انفراطه ماهو على ماقال و لا حراويه |
اقتباس:
ههههههههههههههههههههه هذي بحق يالشايب من بدينا بالمنتدى وانت تقول انا مطوع مااقول الغزل ووصاة الوالدة الله يرحمها اجل هذي وشي حديث البخاري ههههههههههه |
اقتباس:
لالا ماهو عن البخاري ممكن عن الترمذي اغيره آولّي وقعنا: الله يرحمك يايمّه واخوانك المسلمين ياوجيه الخير نسينا اللي يترصّدون خلاص مانعودها وحقّكم علينا هآه يالقـايده يوم جـبن بس لك طاري صـاروا لنا بالمراصـد ناس هوّاشه ماهقوتي من طرفهم تنفع اعذاري وأنتي لوّ أدوّرك آلـقـاك مـنـحـاشـه لكن ابي أقـول ياللي ودّك اخـباري ترى العقل من حلومه صابه رعاشه |
هههههههههههههههههه
مهي المسئلة بالنسيان المسئله باللي يقولوا انهم تاركين الغزل من سنين ومالهم فيه ويوم مسكناهم متلبسين قالوحلم ههههههههههه يــالشــايـب المشكلة مهــيب بالجـاري المشكله كـذبت الشايب على الشاشه يـقـول انـا شايب محـافـظ على اذكـاري واحب مـدح المطـر والسيـل ورشـاشـه والا الغــزل حالــف مــااجيب له طــاري وصيــة امــي وخــوف الله ومطـــراشـه واليــوم بالقـــايــدة يــقــول ويــمــاري من زينها طــار قلبه من وسط جـــاشه ههههههههههههههههههههههه |
ههههههههههههههههههههههه
صح لسانك هههههههههههههههههههههههههه امي الله يرحمها واموات المسلمين قالت الغزل اللي من هالنوع وانا ماقلت النوع اللي هي تقصده الله يرحمها |
زيارتي لك من مودتك يالين
ودّك يودودني على والدينك حفيدة الشايب واخت السلاطين و منابع الاشراف متجاذبيك يالله صلاح النيه والذّرّيه ياكريم |
لياجيتم الخرج أقروا لي عليه السلام
من شان الاحفاد يستاهل نسلّم عليه الله يسقيه من ودّان وبل الغمام اللي به زياد ويّا لين من ساكنيه |
ياشيب عيني على ماقيل من همّي
من شوفتي موقعٍ ذكّرني الماضي يا بوي يا خوي يا خالي و يا عمّي رحتم وانا اصارع المشتاءومقياضي |
لا تغترب عملتي في شان جيراني
تراي من لابةٍ مأكثر جوايدها لو أقدر احصي جزايل كل غيداني عدّدتهم في تغاريدٍ أغردها |
يامحمد الله عالمٍ بالخفايا
نستودعك من نزّل العلم بكتاب يآلله سترك ياعليم النّوايا على ولي العهد ذهاب وأياب |
اللي يحبّك طامعن في عطاياك
متمصلحن من مايمدّن اياديك ترى ليا قلّ العطى صار يشناك وان ماعطيته حرّض اللي معاديك |
ياذاكرين الذّيب و الذّيب وينه
ماعادبه بأرض الجزيره ولاذيب يمكن طلع مستذيبين بعرينه وعلى الرّعايا بالمرا تع قوانيب |
ياللي سنح لك بالتسفنج علاقه
الله لايجبر لمجهودك عظام عطيت حللاقين شفرة حلاقه وتعلّموا فن الحلاقه بالأيتام |
يامن تعرف بيوم فيه الوعدي
كانك تبي تقبل من الوعضاوي عليك في ماقال فيه السعدي واحفظ كلام محمد الشعراوي |
يأسلام وش يضعفك فبلاد الاسلام
و انت بمقرّك من عصور النّبوّه قامت تحاذف منك أحروف وأرقام ليه الجبل قام إيتزعزع أرسوّه |
يقولون سيّر ودّنا نجتمع ويّاك
وانا أقول من ضيفاتكم كيف باسيّر ليا جيت ضيفتكم وجوّ ذولا وذولاك سمعت الكلام بمثلكم كامل الدّير |
ادفش مع الايام وادفع ركايبك
وعلى الله الارزاق مادمت حيّا دامك مع الاعوام تذري هبايبك امش الطّريق اللي لنفعك سويّا |
تدري بأن الله هو اللي يحاسبك
واهل الخطايا في جهنّم جثيّا يوم انت من دنياك تقضي نحايبك مابه و ساطاتن و لابه أحميّا |
ارض الجزيره بيتكم يالمسلمين
من العرب مواطنيها و الاعجام اخوان فيها مواطنين و مقيمين من بحرهاجنوب لياماوراالشام |
تمر الغرايس موميات العواسيب
جزل الفوايد مير صابه خمجّي يمكن زواريعه سواد الحواجيب او من كثر مايشرب من الهمجّي |
يالمؤمنين بكتاب الله وهدي الرّسول
نحتاج في بيننا ننبذ عداواتنا و آلله لو نتّفق بأفكارنا و العقلول مايقدرون العداء يثنون و قفاتنا |
لو ننصر الله بمعنا ننصرأكتابه
كان أشتفامن عدانافي مواجعنا ان تنصروا الله ينصركم بأثوابه يا أمّةٍ منك انّا في منافعنا |
اللي بفقد العقل قام إتفنّن
تراه قدّ خاض بنفاق السّياسه مايستريح البال غير المجنّن وإلاّترى اصحاب العقول بتعاسه |
بالنوم اشوف الحلم مسرح للاشباح
وباليقضه فكري حصانه جموحي و ياكثر من باقي و يكثر من راح و لا نعتبر من روحة اللي يروحي |
الناس في ماقيل شاقي ومرتاح
وفيهم من يغشّك وفيهم نصوحي ولاهو بخافيك الخساير والارباح و الطّايحين و عاليين الصروحي من قصيده لاتصلح للنشر لذالك منها تغريدتين فط |
ياحسن نصر الملالي لاتحرّق رزّك
مافلح لبنان بوجودك خربت بيوته و الله انّا كافلينن لك تحطّم عزّك كان جيت لمن بوصف لقنبله موقوته |
اطرق نظرعيني على الحرف واقراه
واقول ياحرف العرب وش علومك يأبن القلم ابوك تشكر مزاياه و الله عطانا عقل نفهم اسلومك |
يالله طلبتك وش سبب رفض القبول
مابه لنا مهروب منك إلاّ إليك و الطّغوته تصيطرت على العقول و انهان منها اللي بحاجه يرتجيك |
| الساعة الآن 12:28 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
