يوم الخواجه صنع للموتر اديتر=ومراوح التبريد معه تهف وتبرد
حنا على برنامج الوتساب وتويتر=موالنا نوتسب الاصحاب ونغرد
=.
=ابو مناحي

الوفاء والطيب للشخص الحضيض=والحضيض اللي وصوفه ضابطه
والردا معروف للشخص المريض=والمريض اللي علومه هابطه
=.
=ناصر الشميلاني

شقر الجدايل ضافيه فوق الامتان=والخد براق الحيا بالسحابي
والخصر لاناحل ولاهو بريان=والجسم يزهابه جديد الثيابي
وصف الرموش وظلها فوق الاوجان=مثل الرماح محققات الصوابي
رعبوبةٍ زايد حلاها وفتان=يشقابها اللي من هوى البيض تابي
=.
=ابو مناحي

ياما مشيت بدربها وجيت خسران=وياما وقعت من اجلها بالنشابي
وياما وردت العد وامسيت ضميان=وياما تبعت البرق واثره سرابي
وياما قضيت الليل ياليل سهران=وياما شكيت وصار في انحطابي
وياما شربت المر والكاس مليان=وياما صبرت وصبري اول مصابي
=.
=ابو مناحي

غروٍ من افراقه محيّر وبلشان=وكبيت زادي لجلها والشرابي
ولاشفت رحمتها ولاشفت هجران=بين الرجاء والياس محدٍ درابي
=.
=ابو مناحي