|
ثنتين عنهن ماتجوز المعاذير
سترك لهل بيتك ومكسب يمينك وثنتين لو طال الزّمن مابهن خير هرج القفا ومجاملة من يهينك انا اشهد انّه الصّحيح |
ياهاتفي من قبل لا تصوم باليام
ارسل على من يستحق الرّسايل قبل مراسيلك تخصص فألارقام ارقام تكفى حطها في الاوايل اصحابها عندي عزيزين وحشام اهل الكرم والجود واهل الجمايل علّه يعود الصّوم عامن وراعام وانتم وحنّا في نعيم وفضايل مع شاعرها نقول كلّ عام والجميع بخير |
يقولون ان سعد بن جدلان راجع المستشفى
وقالوله ان فيك فقر دمّ وناظرهم وضحك وقال يافقر قل لي وش تبي من ورانا زودن على فقر الدراهم فقر دمّ ماحاشت إيدانا غدابه عطانا نبذل ولانحسب يدانا عطت كمّ ولابه رصيدن عندنا من يدانا إلاّ الفعول الطّيبه خشية الذّمّ لو أنتسلّف للغدا من عشانا نصبر ولو احوالنا كلّها همّ هههههههههههههههههه ردّت عليه الممرضه الفلبّينيّه وبيدها ابره وكبسوله قائله (سأد) خود إلاج؟ مافيه قرقر كتير هههههههه كما وصلني ع الوتس |
روووووعه
شابة متزوجة أحست باعراض الموت فقامت بإرسال رسالتين.. رسالة إلى زوجها وأخرى إلى أخيها ى والمكتوب في الرسالتين: (( أنا رايحه بتجي معي؟ )) بعد دقيقتين وصلتها رِسالة من زوجها ومكتوب فيها: وين رايحه؟ أنا مشغول، ما يمديني أجي معك روحي بروحك. فبدأ قلبهآ يؤلمهآ أكثر وبعد ثانيتين.. وصلتهآ رسالة من أخيهآ ومكتوب فيها: وين بتروحين لحالك يا الخبلا؟؟ اصبري أنا جاي معاكِ . اِبتسمت ابتسامة حب وحنان، واغمضت عينآها ثم توقف قلبُهآ عنِ النبض مهمآ كان حب الزوج، لن يصبح كالأخ الأخوه علآقه، بل رابطه وحب فطري بعيد عن كل المصالح. - تحيه لكل اخ بالعالم |
ماكل من يشفق على الصّيدقنّاص
ولا كل من قال القصايد وزنها لو كل من طبّ البحر صارغوّاص الجوهره لابدّ يرخص ثمنها ابلغ حكمه في نظري البيت الاخير |
الكلمه اللي تضايقنا نعديها
وإن جاتنا من سفيه العقل طنشنا مدام نقدر نمشيها نمشيها من خوف نبلش مع الجاهل وبلشنا لوكل عوجاء تجينا نلتفت فيها ماكان سرنا مع العالم ولا عشنا صح لسان شاعرها كلام واقعي من عاقل |
نصوم ونصلّي وندعي ونرجيك
رضاك مكسبنا وعفوك رجانا موحّدين وكلّنا منك وإليك عساك ياغفّار تغفر خطانا طلبة المخلوق من الخالق الله يتقبّل |
ترى السفر يفضح لك الخبل والعي
ويظهرلك اللي مختفي عقب سجّه مثل المواتر بعضها سكبته شـــــي لكن مع الطّرقه يجي فيه رجّــــــــه توصيف جميل |
أحدٍ صغير ويسبق العمر والشّيب
وأحدٍ يشيب ويمحق العمرطيشه وأحدٍ ينادي بالجمر يشعل الطّيب وأحدٍ ينادي بالجمر لأجل شيشه والله فرق لاشك فيه |
ياما وقفت بوجه الايام ماطحت
وياما وثقت بناس والنّاس طاحوا ومشيت بالدّنيا وتعلّمت وارتحت وأهل المصالح لاخذواشيء راحوا أمجاد شموخ |
| الساعة الآن 12:12 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
