|
بيت من قصيده تنتظر الكتابه وانا قول الصبر
ياهل المعرفه بالنّوايا الشّفيفه تراي جاهل في صنوف الشّفوفي حتّى الكلام ليابديت تحريفه اشوفني متلعثمٍ بالحروفي يرجّني فدفاد نفض السّفيفه او الخليع اللي رثع بالجروفي سمع وشيش الدّاب يعصف وحيفه ماعاد يسمع قولةٍ لا تخوفي ياعزّاله |
من الذّكريات و على وقت الملك سعود
شاعر يقول رخصت بضايعنا وغلينّ الاسعار وعقبان نجد أستادبت للسّفالي فماذا عن الوقت الحاضر والغريب انّه لازل بعض المهايطين يمتدح نفسه بالشجاعه ولايوجد لها اثر ؟ |
من الذّكرايات قلت
يابو مشاري لي صدوفن تصارعني والكل منّا بهزم الخصم طمّاعي حاولت لو واحدن منهن يطاوعني اقول ليا طاع هذا صاحبه طاعي لاشك مامنهن اللي قال يسمعني وانا بعد هرجهن مايدخل اسماعي وابي تدخّلك لعلّه يمنّعني ويصير آيضاء لشرّ الخصم منّاعي أمّا تقنّع أصدوفي اوتقنّعني وإلاّ على مايقال تصير فرّاعي ابو مشاري؛؛؛ هو الشاعر جضعان كريّم الغرابي الحربي ومردّه والله مايحضرني ألان ومبطي عن مصادفه المعذره من الشاعر ومن الجميع |
يامتّجه في مقصدك يمّة الشّرق
أعجبتني واطربتني بالشّروقي خلّ المهيمن بالجمرينحرق حرق وخلّ الجزيري بالجزيره يروقي يالقايد اللي فيك متميّز الفرق المتّضح لمخايلين البروقي يامحمد بتحميدةٍ مابها درق يالله عسى مسعاك فيه الاؤفوقي |
حبايبي ارسل ولد أحد الخوات رساله بالوتس قصيده لشاعر مفادها عن المقانيص وألابتعاد عن المدن وضجيجها و انا عارفن قصد ولد الاخت هههههههه
وقلت راح الشّباب وطرب وقته وريعانه ماباقي إلاّ قثيث أعصاب منهدّه في وقت فيه الدهورالعجف غشيانه منها نشوف الشقاوي صافقن خدّه على نفس قافيّة القصيده المرسله ؟هذا مبدى ههههههه اللهم اني صايم بعد العيد نشوف يقول البناخي (قثيث أعصاب) هذي لحاهاسالفه؟ فالبدايه قلت البيتين يكفن ؛ لكن لفهمي لقصد؛ ابو رغد؛ أقول الله يسهل وان شاءالله بعد العيد نواصل سالفتنا |
دعواتكم ياللي تصلّون وتصومـــــــون
لمن حامل سلاحه يجاهد وهو صايـم الله ينصر الاسلام بعزايم المسلمين يآلله ان تنصر جنودنا الشّجعان على العدوان في كلّ مكان وزمان |
تلوم الهواجس حالة الفكر بالشقوى
بعد نفضته للرّيش مع الفضاء يلوي من الموقف اللي فيك يامكثرالهقوى بتعزيل تصنيفه من المرّ والحلوي انا مؤمنن واقول حيل الله الاقوى عسى الله يهنينابتعجيلة الجلوي ياربّي تتمّم باقي العمر بالتّقوى وتخلف على الصّقار بوماية الشلوي |
ياكبر طغيان بعض الناس بالدنيا
ينسون من كوّن الدّنيا بتدبيره وينسون ان الخلايق كلّها فنيا رغم انّهم يعهدون الموت بالسّيره |
ياعا بدين الله بموجب كــــتابه
كونو مع المعبود في كلّ الاوقات حتّى توافق ساعة الاستجابه مع واجب المسلم بخمس الصّلاوات وصل(ن)مع اللي مايخيب الرّجابه جليل عرشه فوق سبع السّماوات |
|
| الساعة الآن 01:22 AM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
