|
السّلام البدايه والسّلام الختام=حقّ واجب من المسلم على المسلمين وانتم اللي لكم واجب رفيع المقام=الله أنّه يقدّرني لوفاء الغاليين سبق ان قلت واقول ولن اتوقّف ؛ بأنّي فخور بكم والواقع في أقسام المنتدى يشهد بذالك وفي مجال المجهودات بالمنتدى مأنا إلاّ عود من حزمه على مايقولون يشهد الله يالقاصدين الخير للمستفيدين=بالمنتدى ياخواني وياخواتي ياحبايبي الواقع كما عرفناه بهذا المنتدى يثبت حسن النوايا والاخلاق الحميده ؛ منكم رجال ونساء وانا ان صار بي طيب فهو منكم جميعاً انتم زملاي منذ عرفتكم في مجالس حرب وكذالك في منتدى حرب الادبي وموقع حرب الرسمي بالنّسبه لأيوب ومعيض احمد اصايل سعد ترانيم الله يعين هههه رجاوي القصيـ100 ناصر الشميلاني عرفته في الادبي صالح؛ ابن العم الشقيق فارس الامواج ان سلم من القرش هههههه ابن حران من اهل سيناء يسكن الجيزه بمصر ابومالك الدّاعم الفنّي وترى قبله ابو زياد سلطان ؛ ماهو ابو زياد الرّاقي المهم هذولا اللي بهذا المنتدى والله انّي فخورٍ بالعقول الجزال=في عيال الرّجال وفي بنات الحريم منتداهم وجادوا فيه في كل حال=كل واحد ووحده كل منهم فهيم يا الله انّك تساعدهم يا ذا الجلال=ياعزيز الجلال وبالنوايا عليم ياحبايبي والله مهما كتبت مايافي بحقكم ومابذلتوه تجاهي والله فوق حجمي لكنكم حبايبي ومنّي وفي وتبون تمدحون شايبكم والله يثيبكم من فضله واشهدكم ان ودّي ان مزعم الكمي يكملنا الله يذكره وياكم بالخير والسبب انّي عرفت بالرّجل مثل ماعرفت فيكم من طيبة قلب وثقةٍ بالنفس والمعذره بالتّعبير انتم تعرفون شايبكم بدوي وأكيد ماني صابر عن هواشكم لكن صبركم علي ويكون خير ياااااااااا وإلاّ اسكت احسن لبعدين واجمل التحايا والتقدير عشانكم تستاهلون اكثر |
اهلابالجميع اشكر الاخت اصايل على هذه البادره الطيبه التي كانت تراودنا جميعا ولكنا غير قادرين على التعبير عن ماتكنه صدورنا ل ابوسلطان من تقدير وحترام هذالرجل الذي استفدنا منه الكثير وكان قدوة حسنه في اسلوبه وتعامله مع الأخرين نسأل الله أن يمتعه بالصحه والعافية ويطيل عمره على طاعته. |
تسلم يابو فهد القلوب شواهد كما يقولون ويعلم الله
انّي مديون لكم بالعرفان جميعكم الله يجزاكم خير الجزاء وخاصتاً الاقسام الاسلاميّه |
السلام عليكم ورحمة الله وبركاته
ودمتم جميعاَ بخير وصحة وعافية قرأت جميع ما كتبته أيديكم من كلمات ممزوجة بماء الورد وبرائحة الفل والياسمين ومن خلال هذه الكلمات وجدت عبارات تحمل الشكر والتقدير والإحترام لشخص هو بكل صراحة ( أب وأخ وصديق : للجميع ) وخاصة لي أنا : فهو رفيق الدرب ومهما كتبت هنا من كلمات أو عبارات لن أفيه حقه فقط أكتفي بالقول : إنه اللحالي ( أبوسلطان ) علم على رأس جبل دعواتي له ولكم جميعاَ بالتوفيق . تحياتي وتقديري لكم جميعاَ أخوكم / أبوخالــــد فــارس الأمــــــواج |
كلّك حلا يابو خالد مثل اخوانك وخواتك الله يجزاء الجميع
كلّ خير لكن تراي مبطي وانا اقول جبلي من صيد الامواج وكلّ حين وأخر تقول لي رح لحقل ههههه عرعر ظهري من ركب الدّقاسي الله يجزاء الجميع كل خير |
عذرا عن التاخير ولاكن يعلم الله اني لم يلفت انتباهي وقراءة هذا الموضوع الا صباح هذا اليوم
لعلي الحق الركبان بمايستحقه مني ابو سلطان بالقلم او بماينطقه السان ولا اصل الى مايكن القلب له داخل الشريان وهذه بصمات ولمساتي المتواضعه اضعها بين يديكم على والدي اللحالي الغالي في منتداه الغالي يعجز السان عن الكلام والقلم عن الكتابه عن هذا الانسان التي لا اعتبره الا بمثابة والدي يرحمه الله هذا الانسان الذي لا اوفيه حق مهما كتبت او تكلمت ابو سلطان هو من زارني في بيتي هو من له حق الزياره كيف اجازئه هو كبير في السن وبعد المسافه بين الحفر وعنيزه لم ترده عن زيارتي ولم يعمل قريبا ولابعيد عمله ولايمكن ان يعمل عمله من كان في بطن امه ولذلك وبعد ماحصل منه هذا الموقف لايمكن ان اعتبره الا والدي جزاع حمدان اللحالي الغيداني امد الله بعمره على طاعته وارضاه وان يعينني على التواصل به وزيارته حتى ان يقضي الله امره
الشايب اللي طيبته زود في زود = مهما نقول من الجزل ما نوفيه من غير ابو سلطان لنا الوالد العود = ومن هو يقس لغالي(ن) عند مغليه والله يمد العود بالبيض والسود = وبطاعته يمد له في لياليه وعساه دايم بخير وايامه اسعود = والله يزيده خير ويكثر حسانيه من طيب قلبه الناس على فعله اشهود = الله يثيبه ويثبته في خطاويه =معيض الضعيني |
اقتباس:
يابو سلطان أنا صدت من صيد الأمواج وجيت أدور عليك مالقيتك . لي شهر ونصف وأنــا أطردك عجزت أحـدد موقعك . ماشاء الله عليك . كل يوم لك بديرة . وش السالفة ( الظاهر إنك تشتغل مع هيئة السياحة والآثار ) |
اقتباس:
ايه احسن الظّن ماهو مثل بعض ناس يتهددونني بالمطارده على الشّواص والتنكّر بالشّخصيات ههههههههه خوفوني صرت ماعلّم لابغيت اروح واسري بليل واتلفّت احد المرّات تعشيت بمطعم وقرشع الافغاني بمواعينه وتناولت باب المغسله احسبه الباب الخارجي |
| الساعة الآن 12:52 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
