حروفي والبيوت اللي بدعت جداد=تعم الكل للغايب وللموجود
سلام الله سلامٍ حل بالميعاد=سلامٍ للجميع مخالطه كمبود
عدد وبل المزون اللي لها رعاد=على وضح النقاء والصادرات ورود
=.
=ناصر الشميلاني
‏

ياطول صبر ايوب مع ماجراله=يجازي السيه ليا جات بإحسان
وانا العتب مبطي مقفل مجاله=ما اغير طبوعي ولا ازعل انسان
مالي على ذرية ادم وكاله=ولا ادور الزله ورى فلان وفلان
لعل غيثٍ مدلهمٍ خياله=يعم في نفعه على كل الاوطان
=.
=ابو مناحي

كنز العقول ولا كنوز الملايين=والمعرفه كنزٍ بالارباح مضمون
وطيب النفوس ولا كنوز السلاطين=مادامت السلطه ولاعاش فرعون
=.
=ابو مناحي

المبادي والسلوم مع السواير=ماندور غيرها ابواب ومخارج
لو مانثقل صدمنا كل عاير=بالكلام اللي على منهج ودارج
ومن يقول ان الزمن كله عزاير=علموه ان الولي للهم فارج
=.
=ابو مناحي
‏

يكتب الشاعر ويبحر بالبيوت=وان سبح جاب الجواهر والدرر
ان حكى والا لزم وضع السكوت=يبدو ان العذر ماحوله عذر
=.
=ناصر الحربي
‏

يالحاضرين احضر واسلم عد همال الغمام=سلام تسليم المحبه والمعزه والقدر
حتى الغياب الغايبين يعمهم مني سلام=الكل له عندي سلام وله مقامٍ معتبر
واحلى تحياتي لكم والنور يجلي للظلام=وانا غيابي لو يطول ايام لابد احضر
‏

لازم نسلم ونبدا بالسلام=سنة الاسلام نهج المسلمين
ياسلام الله عليكم باحترام=عد ماهلت هماليل الغشين
وعد مالاحت بروقٍ بالغمام=نوض بارقها تشوفه كل عين
والتحيه بالبدايه والختام=سنة الاسلام نهج المسلمين
=.
=ابو مناحي
‏

يا الله تسعد مساء الغالين=طالبك يا رب تسعدهم
يقولها غايب الشهرين=للي مسجل تواجدهم
=.
=ابو مناحي
‏