|
انﺖ ..ﺍﻗﺮﺏ ..ﻗﻠﺐ ﻟﻮ ﻛﻨﺖ ﺍﻟﺒﻌﻴﺪ
ﻭﺍﻧﺖ ﺍﻏـﻼ ﺣﻠﻢ ﻭ ﺍﻏــﻼ ﺍﻣﻨﻴﻪ ﻭﺍﻧﺖ ﺍﺟﻤﻞ ﺑﻴﺖ ﺏ ﺍﺑﻴﺎﺕ ﺍﻟﻘﺼﻴﺪ ﻭﺍﻧﺖ ﺍﺣﻼ ﺷﻌﺮ ﻭ ﺍﺣﻼ ﺍﻏﻨﻴﻪ.."^^ |
هل وهل والاسئله تبغى جواب=والعقد تنحل من حلالها للشجاع السيف مصقول النصاب=والاصايل قيل من خيالها والمواقف نحتميها بالحراب=والمعارك يظهرون ابطالها |
صح لسااااااااانك ماشاء الله مبدع انا اشكل با الشعر حسب الاذواق ومختار كون ابيات معنى وقيمه مره غزل مره عتب مره فراق ومره من ابياتي عليها الوسيمه^^ |
هواجيسٍ في قلبي مثل نقطة التفتيش
ما تترك بـ قلبي حـــاجة .. ما تفتشها يقــولون طنش هــم الأيام لجل تعيش تجاهــل زمآنك و الهــواجيس طنشها |
اشوف الضّباب اللي تخاوى معه بغبار
ومنهم نسيت اذكرك ياجوّي الصافي وأشوف بيمين الودّ وأشوف عنه إسار وتحته ومن فوقه ومن قدم واخلافي حوامي وطيسٍ تشعث الكبتن الطّيار وفكري معه مشعوث من همّه الخافي السّموحه من الجميع ترى الشّايب ماعاد إلاّ خير يالله حسن الخاتمه |
يارب يطول لنا في عمر الشايب ويخليه لنا ومايحرمنا من وجوده بينا ياكثر غلاااه هالشايب
يقولون وش وسط المعاليق قلت وسوم وســــوم الغـــرام اللي كــوتني مطارقها بقــى للغـــلى لو انه اقفــى وراح رسوم رســــوم المنازل والعـــواصيف تطـــرقــها |
انا اللي وفيت وصفيت وغدا كل معروفي=أكيّف عباد الله وانا ماني بمتكيّف ولاكن عزاي القاف والكلمات وحروفي=ليا بار الزمان بصاحبه ماقلبي صخيّف وكان الزمان اليوم لا باير ولا موفي=انا ماني مورّا ترا ولا صرت متعيّف |
في غيبتك تثقل علي الدقايق
والوقت مع غيبتك ماعادينطاق ربطتني مابين عــهــد ووثــايق وخليتني بس للقصايد والأوراق |
بعد اذن الجميع الله يجزى بنتنا ترانيم الخير من رحمته واخوانها المسلمين
على دعواتها السّابقه ؛؛ وبعد قيمتك يالانسان في قوّة إمان=وراحتك في حسن النّوايامع الغير تدري متى تصير مامثلك انسان=إلاّالّذي مثلك بحسن التباصير لياصرت بالآيات مبحر وفهمان=تراك سالم من جميع التقاصير |
تسلم ياجدي انت جزاك الله خير ربي يسعدك دنيا واخرة
راعني وإجلس معي لو ربع ساعه لا تعــتذّر بـ الظروف ، وفي دوامــك لعنبـــوك منين وارث هـ القطاعـــه لا خـــوالك قاطــعين ولا عمامـــك |
كيف ابنسا من تصرّف بي بحينه
وارتحل وانا أتاحرّى للرتحالي اتصارع مع هواجيسن دفينه كيف منزالي تحت جرفٍ لحالي |
ياصباح الخير ياللي علي روحي تمون
شوفتك في كــل يوم حشي مامـــلها ارفق بقلبي علي الهون جعلك ماتهون كــل طعنة في خفــوقي تراك دواا لها |
الطيب مطلوب و الاخلاق مطلوبه
و الوقت لا دار فال الله و لا فاله احيان ودك تشوف بلاد منكوبه ولا تشوف السنافي حالته حاله |
هو فيه أحد يستأذن إن دش بيته
أدخل ولا تستأذن إن جيت مشتاق أنا بكـــل نبضه عـــشانك بـنـيـتـــه بيتك بقلبي لو مضــى وقت وفـراق |
قول البنادم يعبر عن مدى صبره=ياحظ من هو كلامه دايماً راقي العرف والفهم والتفكير والخبره=احظوظ ماهي بضايع وسط الاسواقي ولاكل كسرٍ يفيد الطب في جبره=ولاكل من هو يشيل الموس حلاقي |
يقـــولـــون متغيرّ وأنا ما تغيرت
من جيت لـ الدنيا وهذا مسيري من عادتي لا ضقت ولا تحيّرت أصد وأكفّي الناس شري وخيري |
ياحظ من يدعي له الناَس بالخير گآسب قلوب النآس من فعل طيبه فـي گُـل قلـبٍ لـه معـزھ وتقـدير وطـاريه عـند النآس گُلن يـجيـبه |
يبدو لك انك في عيوني ولا شي=ويبدو لي اني مانقصت بمقامك ويبدو لك اني حاسدك شربة المي=ويبدو لي اني محتفظ باحترامك وفي حكم غيرك منت مامور منهي=اعرف نظامك وانت حر بنظامك |
اقتباس:
هههههههههههههه انتي من وين جيتي هذا مخالفه للنظام اذا شفتيني بالموقف المفروض ماتطوفين وانتي مطفيه النور والسياره مافيها بوري ولا فرامل هههههههههههههه |
ههههههه
طيب صح الحرف:2 (2): بس ولايهمك انت الفايز لانك تعبت ف كتابتها وانا كريمه وانت تستاهل^^ |
كل ما جيت المداهيل عاودني بلاي
تنفطــر كبـــدي لذكرى سنينٍ فايته جعل يسقى ذيك الأيام يا غاية مناي قبـــل لا يعــلن هــوانا العفيف نهايته |
هاذي احوال دنيا دانيه ماتنومن=لو عطتك الامن عادتها الغدر السلامه تنشرا لو باغلا ثمن=وكل فرحه ضدها ضيقة صدر |
ربع ليله في غيابك ربع عمري
آنتبــه تجني عــلي وتغيب ليله لا تأخر في حضورك وأنت تدري غيبتك لوقــصرت تبقى طــويله |
هالموادع بالقلوب المست إسه
يعرفون ان اخرتهم كالفرايس يالميس القلب من هامزلميسه كنّهم بالّمس لوماهم لمايس أكيد ماحد فاهمك يالشايب لكن الغزل ماعليه تحايل |
سلام والخافق من الشوق يطـــريك
مــشتاق لك ليت الــرساله تشـدّك يسأل عليـك اللي من الناس يغليك يسأل ويــرسل ما يبي غـــيـر ردّك |
|
هكــذا العالم مفـــاهيم وشعـور
الامــــاني حــــلم والواقع طريف من تحلى بـ الثقه ، قالوا غرور ومن تواضــع للعرب قالوا خفيف |
فيك عرف وفيك فهم وفيك خبره=ماجمعهن غير من قلبه لبيبي ماقصر عن قمة الامجاد شبره=مثل نورٍ بالعلالي ما يغيبي |
ياصاحبي قــد قلت لك ألف مــره
لا يشغلك توضيح معنى غموضي ماني بـحـر بتغـــوص وتجـيب دره أنا بـحـر ما راح يمــديـك خـــوضي |
يامالك الملك والاقدار كاتبها=ياعالمٍ في خفايا النفس سبحانك ان طابت النفس ثم اقفت مراكبها=أغلى الاماني بذاك اليوم غفرانك |
كم حطوةٍ راعي الخطوات يخطوها
في وقت عصفات صوكة فكره الشّايط وكم ليلةٍ في مهبّ الرّيح يسروها واللي ماهو فاهمه قال انّه يهايط |
طآحتّ مِن عيوَن آلليآليْ طمَوَحآت
وَآشتد برد ، وَلآح للآلشــوَق بآرق كن آلشتآ مَخلوق للآلحبّ بَآلذآت وَكن آلفصـــوَل آلبآقيهْ للآلمفآرق |
ناصر الشميلاني
قـــافٍ ثـمـيـن لياسـمـعـتـه تـشـوشــي=ماكـنـه الا شـيـك مــن خـزنـة الـبـنـك وزنــــه ثـقـيــل ولـلـمـدايـح يـحــوشــي=ماحسنك ياقافٍ على العز ماحسنك علـيـه مــن رســم الأصـالـه نـقـوشـي=والقـاف طيبـه يـرمـز لطـيـب معـدنـك |
كنّ عينـي قبل اشـوفك ما تشوف
بسمـــة شـفاتك .. تجيب العـافيــه في حضورك صابني صمت الحروف لــين صحّـــيت الجـــروح الغــافيــه |
هاك من بنك الغلا شيك ورصيد=فيه توقيع الاداره من غلاك واسمع المضمون والعلم الاكيد=كلٍ شي تطلبه لرضاك جاك |
كانت تحبه / وتنسى الناس لا جاته وتقول ذا شاعري جعلي فدا حرفه واليوم تزعل / اذا احدن ردد ابياته واذا سألوها / لمين .. تقول ماعرفه^^ |
هذا زمان العجايب فيه كم شفنا=شفنا كثير العجايب والزمن يجري وايامنا طبعها لازم تخالفنا=لكن حنا على تاريخنا الهجري |
يابحــــر جيتك والمشاعـــر خلاوي
جيت اشتكيلك يابحر نفحت الشوق عـــزي لمن مثلي قليبه هـــــواوي وعزي لمن قلبه من الحب مسروق |
. قلبي اللي عطيته لك حافظ عليه ماعطيته لغيرك وانت تستاهله كم من الناس غيرك والله انه يبيه كل من قال احبك لجلك اتجاهله |
هب النسيم ومرني ريح عطرك
وانا اذا هب النسيم امتلي شوق عطني وصالك مابي منك عذرك ابيك وحدك ماابي معك مخلوق |
| الساعة الآن 06:03 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
