ما يوجع القلب كود الغالي وصده
لا من جفا قبل سابق عذر او نوه ويا بري حالك اذا غيابه خذا مده الكون كله عقب نوره طفت ضوه |
حيا الله اللي عن الحقران معصومه=بنت الحمايل عريبة عمٍ وخالي واللي يعد الحقيقه محدٍ يلومه=لاصار ماهو مع الاصحاب محتالي بنت الحمايل عريبة ساس محشومه=هذا كلام الوقاعه مايورالي |
لاتزعل ولا تاخذ على خاطرك مني
انا من كثــر ماودي ارضيك زعــلتك احبك واموت بضحكتك والدليل اني وانا ممتلي هــم ابتسم لا تذكرتك |
ياعسى دارٍ تنصّاه السحاب=كل ناوه عليه تهل ثعولها ويالعل الحاضرين امع الغياب=يهتنون بعرض الارض وطولها |
ياللي ملكت القلب واصبح يناجيـك
صار الهوى لوحة غلا في رسومي عاشق ويعرف كيف يكسب معاليك .دامـــك قمر دنياي مابي نجــومي |
^^ بشاااارك مشاعري فيه فياضه و مجنونه اصرخ غلا و ازعجه بالحب في همسي يحبني و ادري اني ساكنه جفونه و هو يدري انه بقلبي يصبح و يمسي❤️ |
اي والله انه مايشابهـــك مخلــوق
مالك على وجه البسيطه مشابه في نظــرتي والناس كلن وله ذوق ومن حب حي ن عن سواه اكتفى |
ارجع على مجلسك والكيف لرضاك=بريتن فنجالها ايجيك مخصوص تصدّر المجلس عسى اعداك تفداك=تراك لك مقدار ماهو بمنقوص حيٍ يودك كل ما رحت ناداك=وان غبت عنه ارثع كما حال مقروص |
حافظ على اللي يحبّك لا تفــرّط به
ولا تحسب القلب دايــم فاتـحٍ بابه إبعد عن الكلمه اللي تجرح الصّحبه كــم واحـدٍ من لسانه ضيَّع اصحابه . |
هذي قرادة من شلع وابعد الحوم
ويصارع الارياح فوق السّحايب كنّه على شعف الاعاصير مزهوم فوق السحاب وضاق فيه الرّحايب |
من جزانا بالوصل والغلا ندبل جزاه رفقت الطيب تنومس وترفع للعلا افتخر في رفقت اللي يشرفني نباه جعلني من رفقه اهل المعزه ماخلا |
مابيك تعطيني على شان اعطيـك
مــانيب تاجــر و المشاعــر بضـاعه مشتاق لك قلبي يبي يختلى فيك ابعـــد عن العــالم ولو نـص ساعه. |
في دآخلي شي ٍعن آلنـآس مستـور حرگ سگون آلقلب..وآلقلـب لبـآهـَ شي ٍغريب من آغرب آنوآع آلشعور عجزت آدور وش هـَوسـرهـَ ومعنـآهـَ مدري غلآ..ولآحزن..ولآ سرور مدري بدآية فـرح ..ولآمعآنـآهـَ ! |
ليت عيني ان بغت شوفه تشوفه
كـــود قلبي يســـتريح ويرهــجني حيث عيني عن هوى غيره عيوفه ما تبي غـــيره لــو انه غـــاب عني |
الحماقه عكس مفهوم الشجاعه=والحماقه مالها بالسوق داعي والتأني بالامور من الوقاعه=والوقاعه وصف كل انسان واعي |
رمــح الغياب اللي رمته المقادير
وقــــع ورى عـــــوج الحـــنايا وتكا تصبح وتمسي يارفيقي على خير وانا عـــيوني مــن عناهــــا تشكا |
أنا إذا اخلصت بالظاهر وبالباطن=باعمال غيري ترا محدٍ يجازيني الدار داري وانا في داري مواطن=ابا اتحمل اطعونك يالسكاكيني |
في خاطري لك شي ودي أقوله
مـــدري تصــدقني أو تقول كذاب. قلبي يحسك دايم الـــدوم حـوله، مع كل دقة يذكرك يا أغلى الأحباب |
قلبك معي ♡وقلبي معاك انت بالذات
ياللي ملكت الروح من طيب معدنّك اي والله احبك وانا اعشقك بسكات صح الله إلساني وصح الله إبدنّك |
من كـتتثر حبي لك تركتك وصديت
والقــلب خــالفني عليك وتـــركني من شان عينك هنت عيني وضحيت وش عـــاد لو ســهر الليالي هلكني” |
آرسل قصايد بين لحظه ولحظه ..
وآثر الشعر يازين گله يجي فيك آستوعب الموضوع وآقول حظه .. ليتك تجي صوبي مثل شعر مغليك^^ |
حليت ضيف ورحت من غير تكليف
واقفيت ما تدري عن اللي خذيته رد الامــانه - لااهـــل الدار يا ضيف قلبن رهيف احساس وانت ابتليته |
انا...حبيبي.غير عن كل المخاليق
يحبني من قلب و انا فيہ مجنونہ يقول غناتي لا غبتي خاطري يضيق ومايدري ان غناتہ تضيع من دونہ |
اضحك علامك تضرب الخمس بالخمس=دنياك ماتسوا من البال ضيقه لاتطري الضيقه ترى خاطري عمس=والضيق نفس الادمي ماتطيقه |
دام العيون من الدموع أستراحت
وش له أكدر خاطري اليوم فيها هي كانت أجمل ذكرياتي وراحت وما دام راحت يستر الله عليها.."^^ |
أبشـــــر من عيــــوني وتامـــرني أمر
بجــــيك لو إنّ الثمــن مــــوتي بجيك . من يعشقك ما يحسب حساب العمر العمــــر غالي بسّ مـــا يغـــلا عليك |
نغير اشوي ^ ^ ^ ابيات ف الحكمه^^ الدين والحشمه وملبـوس العفاف هي زينـة المسلـم و زيـن المسلمه والرابح اللي صارت ذنوبه خفاف لا ضرّ له مسلم ،، ولا ناش لحمه |
يسلمووووووو
البارحـــه في انتظارك وأحسبنك عـــجل. وآثــرك تلـــذذ بتعـــــذيبي وآنا مستميت آن جيت راعي محل وآن غبت راعي محل يعني مـــحلك مــحلك (غبت ) ولا (لفيت ) |
احرجتني ماكل كلمه في مقامي ساميه
ياراعــي الجمله تراني لك كتبت اعرابها لعل همال المطــر فال الـديـار الضاميه يسـقي بطون الاوديه وجبالها وهضابها |
لو غبت عن جو التواصل و سجيت
ما غاب عن بالي وقلبي .. غلاكم واليوم جيت اطرق لكم بيت مع بيت شعر وتواصل والھدف ھو رضاكم♡ |
ســــر الغــلا محفـوظ يـا فلان كلـّه
في خزنـة مـن دون بـاب وشبابيـك مـــفتاحــهـا عنـدك ولاحـــد يدلـّه لأنك ملكت القلـب والقلـب يفديـك |
سر احترافك من فنون الحرافه=وبعض الحرافه بالذكاء تبعد الرمس مير الوفاء ماهو مكلّف كلافه=لوهو من الغربي ليا مطلع الشمس |
أســف على شح القلم يا مكاتيب
ماعاد لي صدر لـ حنيــن الكتابه لو شعري حروفه سيوفٍ معاطيب ليـه أكتبــه فــي واحــدٍ ما درابـه |
خلك بسِيط وحب للعالم الخير
حِبك لِفعل الخير يعكَس تواضعك وعلى كِثر منت متواضِع مع الِغير على كَثر ما الله مع الناس يرفعك |
مارحمـــك الـوقت يالقلب الكبير
تستحي والناس حولك ماستحو الضــمير اللي يسمـــونه ضــمير مــالقيته غــير في كتاب النحـــو |
قالو ان الشعر هو سحر البيان=عن رواةٍ جابو العلم الصحيح والصراحه كل شي وله ضمان=بارك الله فيك يالشعر المليح الجزاله من زمان اليا زمان=باقيه بالشعر شعبي مع فصيح |
انت عندي في حياتي مثل نقطة ختام
بـ اخـــر سطور المشاعــر و تبقى ثابته من مقـــدمة الهـــوا لين فهرسنا غــرام والمصـــادر قلب عـــاشق عيونك صـابته |
تعالي عطر الحب في طلّتك فاح
دام أبرك الساعات ساعة حضورك مجرد اقرا حروفك القلب يرتاح وشلون لا شفتك وعانقت نورك. |
تعـــرف غــتلاتك لا تقـــوم اتغـلاّ
ساعات وصلك جعلني ما عدَمهَا ، انا احترم كل شي من صوبك إلاّ وجــهة نظــر فرقــاك ما بحترمهَا |
هرج الوقاعه تراه يمثل اصحابه=والا الطفاقه ترى منته براعيها الصدر للغانمه عانه شرّع ابوابه=وغير الثمينه ترا وش حاجتي فيها |
الساعة الآن 02:04 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.