يااهل القروب انكان تبغون الابيات=من فكري اللي ضاريٍ بالجزالي
عليكــم الانصات يالربــع لحـظـات=واعطيكم المضمون في كل حالي
ميـر البدايـه من ضمـيـري تحيات=معـهـا سـلام يـعـمـكـم يالـرجـالي
ياكاسبيـن الطيـب فـي كل الاوقات=ياهــل المراجـل مبعـديـن المدالي
ياللي لكم في ساحة الـمجـد رايات=ومقداركم ياهـل المواقيـف عالي
وقروبكم غطّــى جمـيـع القروبات=بالخــوّه اللــي ماعـلـيــها جدالي
خــوّة نشـامـا والـوفـا له علامات=والله ونــعـــم بكاملـيـن الخصالي
واللي جمعكم طيب الصيت والذات=وراع الشكــالـه مـن قديم الليالي
اللي ينومس في جميــع المجالات=تــراه ابــو ريــان يا هــمــلالــي
والله ونـعــم وكــل عـلــمٍ له اثبات=شهوده اقصى المجتمع والموالي
ومواقفه يالـربــع ماهــي دعايات=والمدح واجـب فـي كريم السبالي
وانتــم رياجيــلٍ ومعـكـم شهادات=عـلــى المـراجـل ياقـروم العيـالي
احـرار لـو اشّـر لـكــم بالاشارات=تدرون عن مضمون شـيٍ طرالي
ياللي تحلـون الامـور الصعيـبات=اظــن عـلـمــي مايـبـيـله ســؤالي
واضـح ترى مابه رمـوزٍ خفيات=وانــتــم رجال وتحتمــون التوالي
=الشاعر ابو مناحــــي