|
كـــانت بداية فـــراق ودمعـــه ونظــره
هنا نسيت الكـــلام وجـــيت ضــميته كل خطوه أمشي من أغيابه على جمره صــــرت أتمنى لـــو أني - مــا تمنيتــه ياقـــلب لا تزعـــل , وتتضايــق , وتشره جــــرحه كبـــير , ومــــع ذلك تعـــديته لـــو أدري انه بـ يرحل عـــقب هالعشره ما كـــان , عــنيت أحاسيسي وحبيتــه |
هلا باللي لهم عندي مكانه=وغلاهم من غلاهم محتويني كلام اللي يصح الله لسانه=لبيبٍ بالمواقف مايليني حفظ عهده مثل حفظ الامانه=ولايحضر بلا علمٍ ثميني |
يـ حــضرة الليل مــــوالك . . تأملته
وحنيت لـ اشياء منها خاطري طايب حتى لو أن السهر بـ الدمع جاملته وش يقنع المنتظـــر ويرجع الغايب” |
بعض المواقف تغير هقوة الهاقي=وبحال ثاني تحدد عرف صاحبها يامحلا فنه مع اسلوبه الراقي=من يعرف افنون العرب يعرف يخاطبها |
انا صحيت ولا على البال غيرك
ويوم ارقد انتي وحدك اللي على البال جيتك افتش عن صباحات خيرك واهديك شوقٍ لاطغى يبري ..... الحال |
لصمت لذة .. لا غـــدا للـــوله بوح
رغم ان صمتي ما يخفف طعوني بي حزن شاعر وابتسامات مجروح ولي .. دمعتينٍ لا سهيت ذرفوني |
يا عالم الغيـب والنيـّات سبحانك
هـدايتك أخيّـر من الدنيا ومافيها أسئلك يـارب توفيقــك وغفــــرانك وسـعـادةٍ ما تخيّـب قلــب راجيها |
أثر الغــلا يثر على حـال راعيه
حاولت اكابر واتناساه واشتقت الــوقت يكفل كل جـرح ويداويه الا الغلا جرحه ما يبرا مع الوقت |
تمر الايام وسنين العمر تجري=والامر والتدبير في حكم الله الوالي والاجل محتوم والانسان مايدري=سبحان من هو عليم بكل الاجالي |
^^
السرقه تطورت من المدونه الابياااااااااااات للشاعر ناصر الشميلاني صح لسانه http://www.m5zn.com/newuploads/2015/...8975dee86a.png |
هههههههههههههههههههههه
صارت السرقه على المكشوف اصايل يعني ساجنته وتسرقين قصيده احسن يستاهل الشرير المحترم ههههههههههههه گن الصبر فارس وَ رُوْحِـيّ مدينـه وحرفي يجسد هيبتي لـو تحطمـت قَآـبِيّ علـى ماجـاه ربـي يعينـه مهما حصل في داخلي ماتكلمـت |
ههههههه الله يسعدك ياترانيم
أنا ماني شاعره^^ واسرق من عيال عمي احسن من الغريب يرفعون قضايا وابتلش بس ولد عمي مطمنه ولا استني اشوي حتى سعد وعمي جزاع بسرقهم التحدي صعب ولازم افوز^^ |
هههههههههههههههههههههههه
يستاهلون خوذي راحتك اجل عيال عم ببلاش |
تعالي ياهجوس البال حانت ساعة الميعاد=وانا واياك والقيفان تال الليل سهّاري تعالي هاتي الفكره وانا متربعٍ بالماد=اغني بالحون السامريه واجمع افكاري لكني ودي اجدد واغنيلي بيوت جداد=اغنيها واصخّرها بكيفي طوع واجباري أبومنااااااااااحي |
يالله في وقت العسر واللين=طالبك يالواحد المعبود انك تعز الوطن والدين=وتعز سلمان ال سعود مليكنا خادم البيتين=سيفه على المعتدي محدود |
دورة الايام تمضي و السنين
من يعـــد أيامـــها و حسابها عـــلمها في يد رب العــالمين عــالم بحضـــورها و غـــيابــها |
أجمـل حكاوي الشوق تسكن لسانك.. وأغلـى الدقايق كلها يوم أحاكيك.. اللي بقولـه وأنت عـارف مكانك.. لاتبطي بوصلك ترى القلب يدعيك |
كنت ادور " مفاتيح الفرح " بالحياة
وكنت احسب انها في مال ولأ غرام اثر نبض السعادة من عروق الصلاه واثرها " نوور " مايقدر عليه الظلام |
محتاإاج له في درب مقوى ظلامه هو شمعتي لا كثرة أيامي السوود مقدر على بعده ولا أقوى خصامه لا غاب أحس بدنيتي شي مفقود |
داويت جرحه يوم صكته الاقدار
وردﺎلعطا فـي جرح ماله مداوي واقنعته ان البحر كتام الاسرار واقنعني ان ﺎلبحر ماله مخاوي |
يالبحر لو تصافقت فيك الامواج
ماقلت لك يالبحر عن من سكن فيك انا بعيدن عنك عايش مع اوهاج لاتحسب انّي بالسواحل حواليك لوالمهوج تصاب في وعكة ارهاج واثق من إرادة مدير الافاليك |
كنت أموت إن غاب ساعه عن عيوني
لين غاب .. وصرت أمـــوت بكل ساعه في وداعــــه كانت الساعه طعـــوني وصدمـــة أحــلام العـــمر كانت وداعـه |
هديتي بالعيد لهل التّناهيد
ماهي لمن يقول ياليل ادانا ماترجع الماضي كثارالتّناشيد ويمكن عن المقبل يخالف هوانا ولومع بعضنا مكثرين التواديد العالم الله في نوايا خفانا |
الدمع. ماهو دليل "الحزن واللوعه" يمكن ..دليل لـ فرح تحتار في شرحه احيان : والرجل يضحك تنزل دموعه واحيان يبكي , وهو ميّت من الفرحه |
هالحيــن ماتــت قصتـِك بيــن الإوراق
ومات الـــغـلآ مع لهفتـٌي واشتياقي ومات السهـر والقلب فِ غيبتك راق يعنـي غرامـــك مات وشعاد باقي. |
ياللي غلاك يفوق بكره وبعدين على الوفا عطني على العهد يمناك ’’ بمشي معك لو كنت مدري على وين ماتنفصل عن خطوتي تالي خطاك ’’ حظي يكون القلب منصوف نصفين نصف يحبك ونصف ملزوم يهواك |
كن آلشتآ مَخلوق للآلحبّ بَآلذآت
وَكــن آلفصــوَل آلبآقيهْ للآلمفآرق طآحتّ مِن عيوَن آلليآليْ طمَوَحآت وَآشتد بــرد ، وَلآح للآلشوَق بآرق |
راح اتحدا نفسي شكل الجماعه استسلموا ومافيهم حيل للتحدي
هههههههههههههههههههههه قال تشرب ضيق غيرك قلت صبه من يســـوي شي لله مــا خــسر قال قـــلبي مالقى له من يحبـــه قلت احــبه واحــتسب فيه الاجــر |
رتب ضلوعي وقلبي فك بيبانه=تراك بين الحنايا يا مروّقها منته براعي مكانه مالها خانه=الا مكانتك مطبوعه وثايقها رجّعتني بعد قلبي ما اصدر اعلانه=يا اللي تجمّع ولايف ماتفرقها |
[ إْلبُعد ] يآ شينـہ , ويآ ثقل دمّـہ.. و لون [ آلغيآب ] أسود , و طعم [ إْلجفآ ] مرّ ثلآث مآ فيهن رحمّـہ .. ولآ ذمّـہ علىَ آلقلوب [ آلعآشقـہ ] طبعهآ .. شّر ..! |
راياتنا ماتنكّس دوم خفّاقه=بين الكواكب وناظر فوق ماطاحت دليل صدق الخيال ان لاح براقه=ولا اخيّل خيالٍ بروقه تو مالاحت |
تغيب واعذارك من اللطف والذوق تلجم لساني .. لا يساير ظنونـي منك اتعلم كيف اكابر على الشوق واصد مـا كنك تساوى عيوني |
يكتبني الشوق والوجدان يقراني=وش حيلتي كان لاتكتب ولاتقرا فسرت حلم الليالي والخبر جاني=ماكل من غنّى يجاريني على المسرا واللي يترجم كل ماينطق لساني=ماني على قولت امع الخيل ياشقرا |
احتجت لك نــــاديت لك وانت نــــــايم
ماني مـــصدق خافقي تجـــرحة انت وين انت ماهــــي مثل وين انت دايم وين انت هالمرة من القلب وين انت |
تلعب بي الاحلام في روحه وفي جيّه=اخلصت كل المشاعر واصبحت ضدي لعلها اليوم ماهي احلام ورديه=جريت في درب الاحلام حتى بيحت سدي |
يوم الوفا يجمع شتات المخاليق ..!! ..............................يطري علي قلبي من الخلق مخلوق ..!! تهتز من طاريه اقصى المعاليق ..!! ...................................متمركزن حبه على كل معلوق ..!! ^^ وناسه التحدي اليوم |
قال علمني عن السحر المباح
قلت علمني عن القلب الخلي يا مـــقيدني وانا حـــر الجناح لا تبعثــــرني وانا بك مــمتــلي |
يامرازيم المزون اللي تجي=من بحرها ناشيه ومحمّله كم عيونٍ للمخايل ترتجي=ياعساها للعيون مجمّله |
هون على قلبك ترى الوضع عادي
أنـا مـن طعون .. الـرفـاقـه تعلمت إنـي أكـون بوجه .. الأيـام هادي حتى .. لـو إني من غـيـابـك تألمت |
ترى طعون الليالي ماتبا زياده=من لايحاول نقصها لايزودها النفس ماهي على التجريح معتاده=ونفسي على الكتمان دايم معودها |
| الساعة الآن 04:32 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
