![]() |
عذب الصباح اللي يجيني بطاريك
وأعذب صباح اللي تجي فيه كلك ذكراك في بالي وطيفك وماضيك حــلـوة ولكـن مــا تحـل ب محـلك |
شيخة حلا شيخة عرب شيخة احساس
كلمتها ثم جابت العيد فيني تقول انا ماني مثل باقي الناس ياقرد حظ اللي يطيح ابيديني♡♥ |
شميت عطرك و قمت الصبح دورتك
ولا لقيتك ولكن حاضر إحساسك من قبل لا انام بـ عيوني تصورتك صحيت والبيت كله ريحة أنفاسك |
النوم من عيني على عادته طار
عفت المنام و ها جسي ما دروبه. اسهر واجر الصوت مع كل سمار قلبي هواجيس الغرام ارتعوبه . ما غير اهيجن و اتسلاء با لأشعار روح وجسد و الحال منى غدوبه . ليل التجافي و المحبة و القدار و البعد و الفرقاء غدت لي عقوبه |
مانيب ... لا رايق / ولا.. متضـايق
[ والبوح ، غصنٍ ... ماقدرت أطوله ]! حاول .. على حدب الضلوع ، توايق يمكن .. تعرف اللي : [ عجزت أقوله ] |
|
ماقلت لي شـي وش خليـت ماقلتـه
اسكت وخل الكـلام لجرحـي الدامـى لوغـــيـرك اللـي يسولـف ماتحمّلتـه لكن على شان عينـك هانـت ألامـى للحـب مـــــفهـوم عمـرك ماتخيلـتـه ماأظن يستوعبـه تفكيـرك السامـى |
ماقلت لك خل التغلي يولي=تراك غالي يالغلا لا تغلا =. تبعت قلبي بالغلا وجيت كلي=وحطيت لك بين الحنايا محلا |
اتــردَد للمكــان اللي تواجــــد فيـــه دايــم
ليه ..مدري ، بس حاولت اكتشف ليه اتردَد قلت مغرم قلت عاشق قلت هاوي قلت هايم واكتشفت ان الامور الاربع ـه مع ـنى محدَد انت من تملا الضلوع وشوقها قاعد ، وقايم عندك افراحي تدوم ، وعندك احزاني تبدَد |
|
تبقى الانامل بالكتابـه , خجولـه ..’
لو المشاعر في الحنايا عواصيـف فكره تراودني..وتمضي عجولـه.. وفكره تناسبني .. وتحتاج توظيف !! بعض القوافي ماتجـي بالسهولـه,, ولامن تذكرتك , ..تجي دون تكليف |
القوافي كلها تعلن غلاك=والحروف بكل كلمه تحتريك وكل جمله ودها تكسب رضاك=والسعد فالك وعكسه مايجيك |
أحـبْ فيـك الجـدلْ بـ أسلوبك الساخـر
وبساطـة الحـرف في حكيّـك وتعبيـرك وأحـبْ فيـك الثقـل وأحساسك الفاخـر وأحـب ضحكـك وأموت بعمـق تفكيـرك |
احب قلب نصوح وخاطرٍ صافي=واحب نفسٍ على الشدّات صبّاره واحب راع الكلام الجزل والوافي=وان غاب اسجل بوسط القلب تذكاره تعبير عاجل وقاف البيت خفّافي=ان غاب من يكتبه ذكراه باشعاره |
الكذب أجمل لا غدا الصدّق حابسك
اعيش بــالــكذبه ولــكني أســعّـــد شفتـك سراب وقلت ماني بلامـسك سـراب قـدامــي ولا واقــع أبــــــعّـــد |
أنثى ودلوعه .. ومُوت .. ويا لبيــه
ومن زينها كل العذارى على جنب جمالها ما شفـت شـي ٍيضاهيــه البُعد جرح وقربها ياعرب .. ذنب^^ احب قصايد مدح البناااااات ^^كيفي:2 (13): |
وهو فيه احد يستاهل المدح زي البنات يالبااااااااا
علمتنيْ في لحظة آلضعف مآ آبكي وّ كآبرتٌ بْ فرآقكّ مع آني .تآلمتٌ وّعلمتنيْ في سآعة آلضيق مآ آشكي وْ آليومّ ضآقتْ بس آنآ . .مآتكلمتٌ |
لاصرت تسقي ضلوع قلبي بحنانك
يورق صباح ويثمر الخير معناه واقطف صباح الخير كلهـ عشانك واهديك فوق الصبح كل عمري وياه |
هيّضت فكري يالحمام الزّاجل
في مثل من قبلي بسجع لحونك وش السبب باصواتنا نتساجل وانا بتفنيني جهلت فنو نك |
رميت الروح بدروبه .. مع إن ّ الروح خوّافه
تغلغل حبه بدمّي و طوّع لجلـه آطرآآفـي رسمته بين طيّات السحاب و ذاك مشرآآفـه رفعته بين لمعات النجوم و ذآآك ميقافـي و جاني يـطلـب الفرقا كذا بس ّ بسبب تافـه عسى مرحــوـم يـا قلـب ٍ وفـاه مثقّـل اكتافـي يا عالم ضآع لي قلب ٍ كبـيــر و تندر آوصافه صرَخ من جور هالدنيآ .. تعبت آكون انا الوآآفي |
والله لو ان البال والفكر رايق
انّي لسولف سالفه تنعش الرّوح من كثر ماتحمل جزال الحقايق ناخذبها من عصفة الفكر مصلوح لو بسّ من وقت الشّقاوي دقايق وكلن بماياخذ من الفهم مسموح |
عاهدت نفسي دام رأسي بعد حي
ولاخير في من لا يوفــي عـــهوده من باعني برخيص بعته بلا شي ومن لاحسبني ماعترفت بوجوده |
الدمع لو انه نطق .. عذب الناس
والحب لو أنه خطأ .. ما وصل لك خلك ثقيل وكل كلامك بمقياس ماكل من يسمع همومك فزعلك بعض البشر من حبها .. تقول لا باس وبعض البشر من حقدها تبتسم لك |
يآغيـم واللي فـيك من مـاي صـــبّـه
أرو الثـرى،وأسـق الضمـا،وانطح الفآل ريـح المــطـر.. يـــوم الهبـايب تهبّـــه قـــطراته تقـول لخفوقي وش الحـال وآلحـآل داري ويـش عـوقـــه وطـبّــه مـن دون لاأدوّر ومــن دون لاأحتـآل |
ثلاث ايام والرابع بعدها=نغيب من الظروف ولا نبالي نجي والنفس يبراها سعدها=نجي ونحيي لكل الغوالي هلا عد المخايل مع رعدها=هلا واعداد همال الخيالي على وضح النقاء هذا سندها=تراحيب الوفاء في كل حالي |
يا مفتي الديره .نبي منك تفسير
نحتاج لك يا شيخ وقت العوايز لا شفت خلّي ضايق ولا هو بخير ضم الوليف بـ نيّة الخير .. جايـز |
حلمت حلم وحلّه ازريت الاقيه=يامفسرين الحلم نبغى نهاجه هو حلم والا علم متحيرٍ فيه=وشلون راع الحلم يعرف خراجه دورلي اللي يفسر الحلم ابا الفيه=اما من العربان والا الخواجه |
قَآـبِيّ علـى ماجـاه ربـي يعينـه
مهما حصل في داخلي ماتكلمـت گن الصبر فارس وَ رُوْحِـيّ مدينـه وحرفي يجسد هيبتي لـو تحطمـت |
انتي هنا❤ بين الضلوع المحاديب
بين الغلا والشوق هذا ،، مكانك ؛ ؛ ؛ دام النواايا بيض في دفتر الغيب يبطي وفاء مغليك يملاء كيانك |
قالوا وش اللي جرالك خاطرك ضايق
قلت اتركوني ترى النشدة تبكيني ودي بشوفــه ودونه عـــاقني عايق وظـــروف الايام حــالت بينه وبيني |
لا تفتخـر في كسر غيرك ياعنيــد
بكـره ورآك حسآب وعقآب وحشـر أكسر قلم أكسر شطر أكسر قصيد بس انتبـه في دنيتـك تكســر بشـــر |
اثر الجـــروح القديمه تحفــظ العشرة
جروح قلبي معي أصدق من أحبابي يا قلبي اسلم و سلم لي ولا تشره ما كل من عــاتبك يستاهــل عتابي |
محظوظ من يهوى له أنسان يهواه..
ومحظوظ من خله يراعي شعوره.. يرتاح في دنياه وتهون بلواه.. ومن روضة الافراح يقطف زهوره.. ماله شريك بدنيا السعد وياه.. كن الفرح مخلوق لا أمره وشوره.. ^^ |
الله يوفق عباده حسب امانيها=ويا الله كلٍ تحققله مطاليبه وانكان ضاقت عسى ربي يسويها=والخير في مقبل الايام يبديبه |
شخص تلاشى صـورته بعد فرقاه
وشخص تموت بصورته ما نســـــيته وشخص تباشـــر بالمطر يوم تلقاه ولو في يدك تعطيه عــمــرك عطيته |
احيان قلبي كما المجنون=يصدر قراره مايشاورني على عماها بلا قانون=واليا عذلته يعورني ومصيبته عاشق ومفتون=ولو كنت ناسي يذكّرني |
صباح كل الامنيات الجميله*
وصباح شوق يزيد ماهوب ينقص وصباح من قلبه نظيف ودليله* ماهو لغلطات المخاليق يقنص |
صباح الخير ياهل الخير والخيره=صباح الخير باول ساعة الجمعه يقوله واحدٍ تقرون تعبيره=لعل قلوبكم بالعز مجتمعه |
الصبح أشرق والشعر زان جـوّه
والشوق طير ٍ حايم ٍ فوق الاجواء ودي أعد الـصدق عندك وأنوّه أشكّ إنك مــاخذ ٍ مـني أشياء |
لاصرت تعرف قيمتك عند مغليك
وانك على عرش الخـفوق متعلي♡ ابيك تعـــلن للعـــــواذل تــحديك اني حبيبك وانت شـوقي وخلي^^ |
الساعة الآن 09:06 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.