منتدى اللحالي

منتدى اللحالي (http://allahale.net/vb/index.php)
-   مختارات من نبض المشاعر (http://allahale.net/vb/forumdisplay.php?f=38)
-   -   ليه القطاعه (http://allahale.net/vb/showthread.php?t=2312)

اللحالي 09-20-2016 07:23 PM

ليه القطاعه
 
مادام مافينا على القاع دايم
مافيه داعي للزعل والقطاعه

العمر مثل الطير فالجو حايم
ولازم يحول لو يطول ارتفاعه

وصل الحبايب مثل هب النسايم
وقطع المواصل مثل فقدالمناعه

واللي بدون اهل وخوي ولزايم
يحتاج احد لو كان كله شجاعه

ياكم اخو عن شوفة اخوه صايم
وياكم جماعه ماتسمى جماعه

ماتجتمع الا فـي اعياد و عزايم
اسنين فرقاوالوصل نصف ساعه

وصل الرحم ماهو صحون الولايم
لازم يكون الوصل "حب وقناعه

لا تقول لي والله مشغول دايم
الشغل ماهو عذر عن اي طاعه

انته ورى الدنيا و الأرزاق هايم
والوصل ماتقدر تحرك شراعه

ماحدٍ على كثر المواصيل لايم
اللوم في قل الوصل وامتناعه

الى متى و انته عن الوصل نايم
تصحى على موت القريب ووداعه

الدايم الله ماعلى الارض دايم
هيا نمدّ الوصل... ليه القطاعه

صح لسان شاعرها

وصلت لي مع اسم عبد الرحمن المحياوي


الساعة الآن 02:40 PM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved. منتديات