اتقبّل واصلّي
 

مرثيه بالشاعر الكبير /
عبدالله بن زويبن المعمري الحربي
رحمه الله وأسكنه فسيح جناته.

الليله . الخـاطـــر مـاهــو مسفهلـّي
قفّـل مثل قفـــل الخزينـه بمفتـــاح


علـى عــزايه مــايفيـــد التســــلّي
ماكنّــي . الا بســاقته وين . مــاراح


يامفردات. الشعــــر . حلـي . محلـّي
وخذي من رسوم العزا بشت ووشاح


مـن عقب رجـــمٍ بالطويلـه . مطلـّي
متنطـحٍ هوج الهبايــــب .. و الأرياح


قاوم عواصيــف الزمــــان . المولّي
لين انهزم من عــالي ركونه وطاح


طيحــــة عزيــزٍ بالمغــــاره وخلـّي
من عقب ماهو للمغـاويــر نطــاح


في وسط قبــرٍ نـــايفٍ وامتعـــلّي
ما فوقه الاّ طيــب ذكــره و الامداح


دنيــا تقلــب مــــابهـــا مسفهلـّـي
نطوي صحايفها من افراح و اتراح


يابــن زويبن جعـــل قولك هــو الّي
يشفــع لطيبــة سيــرةٍ ذكرهـا لاح


(ابا اتوضّــا و اتقبــّــــل و اصلّـي
مــا دام ما صليت مانــي بمـرتاح)


يالله عساهـــا شاهــدٍ بالسجلـّي
اليا حضر عند الولي كشف الألواح



حمدان_مخلد الغيداني