ترحيب

[اللحالي]

::: (( مزعم الكمي )) :::
الخوي اللي مثل جزاع ما ينساني = والله اني عارفٍ قدري بصدر الوافي
ياهـلا يا مـرحبـا بالشـاعـر الـغيـداني = قلتها من صدق قلبي والضمير الصافي



::: (( الّلحالي الغيداني )) :::
يا هـلا يـا مزعـم الّلـي بالوفـاء حيّانـي = والله إنّك في صميم الفكر لك تصنافي
من رفيعين المقام الّلي رفيع الشّانـي = يابن أخوي الّلي بقدره واثق الميقافـي




::: (( مزعم الكمي )) :::
ماعليكم زود وانتـه في محل اخواني = يا حروف الشعر هلي في قدوم اللافي
كـبـتن الطياره اللي مالها جنـحاني = في مجالس حرب نسمعها ولا تنشافي



::: (( الّلحالي الغيداني )) :::
جيت لي فـي سالفـه منهـا يثـور جنانـي = نوب أنـا فيهـا شجيـع ونـوب أنـا خوّافـي
أذكـر الّلـي شوّقتنـي والـعـرب تنهـانـي = وأنت ما شجّعتني في سرعة المخطافي



::: (( مزعم الكمي )) :::
اذكـر الموضـوع بــس السـالـفـه تـخفاني = وانـت تـخـفيها ولـكن ما على الله خافي
الـوكاد الســالـفـه فـيـهـا مـزوح لـسـاني = بــس انـا ذكـرت هالموقف وجات بقافي



::: (( الّلحالي الغيداني )) :::
لو حصل لي دخلت القمره وأنا وحداني = كان ما خلّيت لـي فـي فرّهـا تحسافـي
مير في ذيك السّنين الماضيه ما أمداني = كيف هذا اليوم يوم الحـال فيـه هيافـي