العتيبي يمدح ابن ناحل

[ابو مناحي]

الشاعر مساعد محسن العتيبي
هاذي في العقيد سلطان بن ناحل الحربي قايد الكتيبه 32 بالحرس الوطني
والمناسبه ليلة البارح دخل هو وخوياه بسريه واحده وصد هجوم مدرع حوثي وقتل من فيها والتوغل بعمق الاراضي اليمنيه وتطهير المنطقه ووضع العلم السعودي عل جبل بعمق 20 كم العوده دون خسائر



ياحرب فيكم شيخ ومعرب جدود=فالموت قدمه ماتراعد عظامه
مقدام لاثارت مقابيس وحشود=نطق الشهاده والذخيره حزامه
قدمه صواريخ ومدافع وبارود=ماهابها والطيب يملك وسامه
سلطان ناحل والنعم مكسبه زود=يستاهل المجد الرفيع ومقامه
كفو كفو ياراعي الطيب والجود=ياخصم خشم اللي تطاول عرامه
يامرعب العدوان يالشامخ الطود =ياحامي حدود الوطن في مرامه
يامروي الكف دم حوثي وممرود=ياعز من قلدك رتبة نظامه
انت العقيد اللي على العز موجود=وانت الشجيع بن الشجيع ومقامه

[ابو مناحي]

تمت اضافة القصيده بطلب
من ابو سلطان ارسلها لي
على الواتس أب
وكان يكلمني من الحدود الشماليه
وين المراقبه ياااااااااااااام

[اللحالي]

صح لسان الشاعر مساعد محسن العتيبي

ولايمدح الطّيب إلاّ طيّبٍ شرواه وكلهم شبابه بغير قاصربأمثالهم

وتسلم يابو مناحي على النقل والتنسيق مشكور يالغالي

وبارك الله فيك يابن العم

ولاتشايط الحربيّات تراهن من حينهن على جريف ودحديراء

[ترانيم حربيه]

صح لسان الشاعر ويستاهل العقيد سلطان بن ناحل

وماهي غريبه عليه من زمان معروف عنه الشجاعه والاقدام

مشكور على النقل ابومناحي

[ترانيم حربيه]

تمت اضافة القصيده بطلب
من ابو سلطان ارسلها لي
على الواتس أب
وكان يكلمني من الحدود الشماليه
وين المراقبه ياااااااااااااام


وانت تصدق ان هالشايب ينتراقب ماشاءالله عليه هذا من هذولااك اللي عيونهم بالطول

علمك به عندك في عنيزه بسوق الجديدة يتمشى

ولادريت الانه في الحدود الشماليه لاكن بحاول ان شاءالله

[اصايل]

صح لسان الشاعر والناقل

ويستاهل الممدوح ^^

والشكر لأخوي ناصر

http://files2.fatakat.com/2012/9/13465702951531.gif

[اللحالي]

وانت تصدق ان هالشايب ينتراقب ماشاءالله عليه هذا من هذولااك اللي عيونهم بالطول

علمك به عندك في عنيزه بسوق الجديدة يتمشى

ولادريت الانه في الحدود الشماليه لاكن بحاول ان شاءالله


أمّا لو ألقالي واحد؛وحده اسرحبه

لكن صدق الشاعر النّاصر

(كل ماطقيت في ارضٍ وتدمنردات الحظ وافقله حصاه)

؟سوق الجديده هااااااااااه تعرفينه

ياليت ماطبّيت بعنيزه السّوق
انا بريضان المتاييه سوقي


ماتلزم الاسواق كلّها ههههههههه

يأاااااااااااام