اللحالي
04-24-2015, 03:49 AM
ياحبايبي ؛ اسمحولي احكيلكم هالقصّه وابياتها
قبل كم عام لأذكر التاريخ بالتاكيد ولكن قبل 19 عام
او عشرين لكي لايقولو بعض ناس وش سر 19 عام
المهم انا طلعنا كشته او قيله او نزهه سموها ماشئتم
الرّحله مكوّنه من ثلاثه حضر واثنين بدو انا واحد من
البدو اثنين حضر وثالثهم بدوي بسياره وانا يالبدوي
الثاني ومعي حضري بسياره انا مايعرفني إلاّ الحضري
اللي معي وهو اللي يعرف ذولاك وقال لي ووفقت
على الطلعه معهم وانا عنطريقه عرف واحد من الحضر
من قبل المهم حين ماوصلنا مكان بقرب الملحاء
جبل شمال المستوي بين الزلفي والشماسيه غرب
نفود الثويرات نزلنا بين وديان وطلاح مابين نفود وصفرى
آي تضاريس جبليه بوقت ربيع وامطار ووناسه مكتمله
من حمد الله وشكره
المهم ان عند ماتكاملنا بالمكان ووقفنا ونزلنا واحد
من الحضر بالسياره الثانيه سلّم علي سلام عرف
وقمنا بالترتيبات اللازمه من بنا الخيمه وشبة النار قبلية ليل
وعلينا خيال وبحراو مطر وانتحرّف بالحطب و الذبيحه
وخويي الحضري عشير نشاما بغير قاصربالباقين وهو يشتغل معي اوبالاصح انا مه بصلخ الذّبيحه يعني سفّاحين ؛ ويقول من بعض
الابيات اللي تشوّش النشاما واستغربت منه برفع الصّت
وكأنّه يبي سمّع الجميع او يبي يستثيرني
؟قلت بيني وبين روحي نصبر وتبين ؛ اثر واحد من الحضر
شاعر اخو اللي سلم علي سلام العرف عند الوقوف
ويدري هو وخويي اني اطرمث بالابيات ويبون يستجرون
الشاعر الحضري ؛والقصد؟ على ماقيل أسمعي
ياجاره ولاكن الرّجال صار ثقيل :: انا لحد الان ماعرف
عنهم شي من مقصدوه المهم الوناسه وحصلت
واثنا السمر أحسست بأن الرّجل المقصود بالاشارات
انّه يسئل عنّي ويخافت خويي وسمعته يقول مادريت
ان له ولدالله يرحمه / استكملنا المكشات بأحلا وناسه
ومعرفه باللي ماعرفناه من قبل احلا معرفه وعند
مارجعنا فهمت من خويي ان هذا الشاعر يعرف ابوي
منقديم وحيث ان ابوي الله يرحمه واخوانه المسلمين
اوّل اولاده بنات من زوجته الاولى المهم بعد مارجعنا
بحوالي اسبوع واجهني اخو الشاعر وسلمني الابيات
فيهايقول
مرحوم ياحسن النّبا زين الاطباع=مقري ضيوفه بالسّنين العصيبه
حمدان راح خلّف القرم جزّاع=السّاس طيّب والمجاني عريبه
أمشاهدي له ساعةٍ ضافي الباع=والعد يفرق عن ثمايل شعيبه
ترى الخزامى نبتهابطيب القاع=يفرق نبات الارض غصنه وطيبه
لاني بلاشاعر ولاني ببدّاع=مير اعذروني كان بالقيل عيبه
محمد عبدالله البليهي
وقلت
هلا بمن صاغ القوافي مع اسناع=الشاعر اللي يطرب البال طيبه
امحمد العبد الله ارسل لجزاع=من البليهي والبليهي نديبه
اخوه من يمناه مدّن الاصباع=جواب اخوه اللي تزهّل يجيبه
والكل منهم له بالامجاد ميقاع=والاسم شاهدفعل من يعتزيبه
ورث الجدود وصار للوارث اطمّاع=من طيب فعل الجدّ ياخذ نصيبه
من لابةٍ بالطّيب وافين الابواع=دعيوّ هل المدّات من ماصخيبه
موجز خبر للي يعرفون الارماع=ماهوب للي مقصدي مادريبه
انا قصدت اللي غزاء عمق الاسماع=وجال البطين اوحيت قنيب ذيبه
اللحالي الغيداني
ملاحضه ان هذا الّقاء حاصل بعد وفات وادي الله يرحمه واموات المسلمين
وللجميع خالص تحياتي
قبل كم عام لأذكر التاريخ بالتاكيد ولكن قبل 19 عام
او عشرين لكي لايقولو بعض ناس وش سر 19 عام
المهم انا طلعنا كشته او قيله او نزهه سموها ماشئتم
الرّحله مكوّنه من ثلاثه حضر واثنين بدو انا واحد من
البدو اثنين حضر وثالثهم بدوي بسياره وانا يالبدوي
الثاني ومعي حضري بسياره انا مايعرفني إلاّ الحضري
اللي معي وهو اللي يعرف ذولاك وقال لي ووفقت
على الطلعه معهم وانا عنطريقه عرف واحد من الحضر
من قبل المهم حين ماوصلنا مكان بقرب الملحاء
جبل شمال المستوي بين الزلفي والشماسيه غرب
نفود الثويرات نزلنا بين وديان وطلاح مابين نفود وصفرى
آي تضاريس جبليه بوقت ربيع وامطار ووناسه مكتمله
من حمد الله وشكره
المهم ان عند ماتكاملنا بالمكان ووقفنا ونزلنا واحد
من الحضر بالسياره الثانيه سلّم علي سلام عرف
وقمنا بالترتيبات اللازمه من بنا الخيمه وشبة النار قبلية ليل
وعلينا خيال وبحراو مطر وانتحرّف بالحطب و الذبيحه
وخويي الحضري عشير نشاما بغير قاصربالباقين وهو يشتغل معي اوبالاصح انا مه بصلخ الذّبيحه يعني سفّاحين ؛ ويقول من بعض
الابيات اللي تشوّش النشاما واستغربت منه برفع الصّت
وكأنّه يبي سمّع الجميع او يبي يستثيرني
؟قلت بيني وبين روحي نصبر وتبين ؛ اثر واحد من الحضر
شاعر اخو اللي سلم علي سلام العرف عند الوقوف
ويدري هو وخويي اني اطرمث بالابيات ويبون يستجرون
الشاعر الحضري ؛والقصد؟ على ماقيل أسمعي
ياجاره ولاكن الرّجال صار ثقيل :: انا لحد الان ماعرف
عنهم شي من مقصدوه المهم الوناسه وحصلت
واثنا السمر أحسست بأن الرّجل المقصود بالاشارات
انّه يسئل عنّي ويخافت خويي وسمعته يقول مادريت
ان له ولدالله يرحمه / استكملنا المكشات بأحلا وناسه
ومعرفه باللي ماعرفناه من قبل احلا معرفه وعند
مارجعنا فهمت من خويي ان هذا الشاعر يعرف ابوي
منقديم وحيث ان ابوي الله يرحمه واخوانه المسلمين
اوّل اولاده بنات من زوجته الاولى المهم بعد مارجعنا
بحوالي اسبوع واجهني اخو الشاعر وسلمني الابيات
فيهايقول
مرحوم ياحسن النّبا زين الاطباع=مقري ضيوفه بالسّنين العصيبه
حمدان راح خلّف القرم جزّاع=السّاس طيّب والمجاني عريبه
أمشاهدي له ساعةٍ ضافي الباع=والعد يفرق عن ثمايل شعيبه
ترى الخزامى نبتهابطيب القاع=يفرق نبات الارض غصنه وطيبه
لاني بلاشاعر ولاني ببدّاع=مير اعذروني كان بالقيل عيبه
محمد عبدالله البليهي
وقلت
هلا بمن صاغ القوافي مع اسناع=الشاعر اللي يطرب البال طيبه
امحمد العبد الله ارسل لجزاع=من البليهي والبليهي نديبه
اخوه من يمناه مدّن الاصباع=جواب اخوه اللي تزهّل يجيبه
والكل منهم له بالامجاد ميقاع=والاسم شاهدفعل من يعتزيبه
ورث الجدود وصار للوارث اطمّاع=من طيب فعل الجدّ ياخذ نصيبه
من لابةٍ بالطّيب وافين الابواع=دعيوّ هل المدّات من ماصخيبه
موجز خبر للي يعرفون الارماع=ماهوب للي مقصدي مادريبه
انا قصدت اللي غزاء عمق الاسماع=وجال البطين اوحيت قنيب ذيبه
اللحالي الغيداني
ملاحضه ان هذا الّقاء حاصل بعد وفات وادي الله يرحمه واموات المسلمين
وللجميع خالص تحياتي