يا راسي

[اللحالي]

ياراسي اللي مسهره .. كم موضوع=الناس ناموا .. وأنت لازلت قاعد
أصعب عليك النوم من حبة الكوع=وجفون عينك، عن بعضها تباعد
راحتك ليله والتعب طول الاسبوع=متى عن هموم الليالي تقاعد
في كل ليله وأنت جايٍ بـ مشروع=وأشغلتني .. مابين نازل ،، وصاعد
وأيامنا ..؟ ماهـي بـ دايم لنا طوع=ولاتوخذ الدنيا بشـد السـواعد
ذكر الحيا متبوع والزين متبوع=مير الـبلا بظـروفنا .. ماتساعد
نبني أمانينا على أفـراد وجمـوع=وما يثبت .. المبـنـى بليّا قـواعـد
علّقت هقواتك على جذوع وفروع=ولاشفت لك بارق ولااوحيت راعد
والفـزعه اللي مالها سـيـوف ودروع=تخلف لها هقوه وتخلف .. مواعد
وان شـانت الأيـام ماشـانت طبوع=رجلٍ إلى حان اللـقـى ما تراعد
لكن ياراسي ترى النوم ممنوع=لين الهـمـوم .. القـاربـات إتّـبـاعد
فكّر عسى بالفكر تلقى لك نفوع=وأوقف الى شفت إزدحام المقاعد
لو القلم عن عاقل الناس مرفوع=انباعت جلود الاوادم .. جـواعد


جاري البحث عن اسم شاعرها

[ابو مناحي]

صح لسان الشاعر
وسلمت يداك على الاختيار
الرائع والنقل المميز
ولك تحياتـــي وتقديــــــــــــــــري

[اللحالي]

ابو مناحي الله يجزاك الخير ع الجزالات بالاشادات

والمجهودات بالتّنسيق مشكور يالغالي

[ترانيم حربيه]

رائعه رائعه رائعه اختيار جيد ابوسلطان

تسلم يمينك ياجدي انت على هالذوق والاختيار الموفق

[اللحالي]

هلا بجدتي العنوده مشكوره على الاشاده

ههههههههههههههههههههههههههههه

يالله سترك ياكريم /اللهم سكنهم في مساكنهم

مدري وش القصد بهالمديح ههههههههههههههههههههه