لا تشتكي للناس

[اللحالي]

لا تشتكي للناس لو كنت مطعون=والذم من بعض الخلايق مديحه
ولا تنحني للهم وتعيش مغبون=ترا المريح أهل العقول الصحيحه
لا صرت صادق قالوا الناس مجنون=ما يمدحون إلا النفوس القبيحه
وخلك صمود بوجه الأيام موزون=وما حرم الله إثم لا تستبيحه
والكبر لو به فايده فاد فرعون=ومن ذاع سره بشره بالفضيحه
والله لو يعطونك مال قارون=ما شفت نفسك بالغنى مستريحة
انفض هموم القلب وابليس ملعون=وان ضاق صدرك أرض ربي فسيحه
إضحك وفل حجاجك وش بيك محزون=دنياك... ما تسوى... وخذها ن
ما دام منت ميّت ولا أنت مديون=إرم الهموم وخلّ نفسك مريحه
لو كانوا أصحابك يضاهون مليون=نق الكغو منهم ،،، وخل النطيحه


للأسف لم اجد شاعرها

[ترانيم حربيه]

قصيدة رائعه ومليانه حكم تسلم يمينك ابوسلطان على الاختيار

وانا سمعة او قرية انها للشاعر محمد بن فطيس شاعر المليون

والله اعلم

[اصايل]

صح لسان الشاعر والناقل

تحياتي

[اللحالي]

تسلمين ترانيم والله يعطيك العافيه
امّا عن ابن فطيس فهوجايز ان تكون له لكونها قريبه من طواريقه ولاكن حتّى نريد الاكيد أوتبقى للاستفاده فقط

مشكوره اصايل ع الاشاده منّك يابنت حرب

وللجميع تحياتي