تبي تصير سوّاقه

[اللحالي]

‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎
شايـفٍ بنـت تبـي تصيـر سوّاقـه = مكيجـت مقـدَم الّلكـزز وموخرتـه

قلـت يـا بنـت يـا حمّايـة السّاقـه = هو زمانـك مغنّـي فيـك شاطرتـه

ورايتـك في وسيـع الجـوّ خفّاقه = وكلّ ضيـفٍ على الضِّيفه مخاشرته

قالـت الأبـو مسافـر والأخـو عاقـه = وسايـق العايلـه مانـي مناظـرتـه

والله إنّي على التّفحيـط مشتاقه = مع طريـقٍ على الكرنيش خابرته

ميـر يالشّايـب الّلـي ودّي فـراقـه = انقـلـع دام بــاقِ الصّـبـر صـابـرتـه

قلت أنا شايبٍ بحلت بـه أخلاقـه = مـن سبـايـب صـواديـفٍ محيّـرتـه

ميـر روحـي بفكـرك يتبـع أذواقــه = لا تقـولـيـن عاقـتـنـي مـحـاورتــه

كــان دمّ الـغـزال إنـقـاد شـبـراقـه = وأنتـي الّلـي مـع الأريــاح ناثـرتـه

خلّـي الوقـت يـبـدأ فـيـك تريـاقـه = وقولـي إنّـك بشابـوره مسحّـرتـه

الـوعـد صيـحـةٍ بالـكـون عمـلاقـه = كلّ خافي ببطـن الأرض مظهرتـه

وياقـفـون بصـعيـدٍ طـال مشـراقه = كلّ نـفـسٍ بـذاك الـيـوم حـاضـرتـه

تقرب الشّمس فوق الرّوس حرّاقه = حسب ما يعمل المخلوق صاهرته

وكلّ مخلـوق ياصـل راسـه أعـراقه = مـن جميـع اتّجـاهـاتـه محاصـرته

وش بـعـد كـلّ هـذا مـن تمـزهـاقه = غـيــر زودٍ عــلـيـم الله بـآخــرتــه
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎