الطيب سِلم

[سعد السمين]

الطيب سِلم


سلـم على اللي بالمــواقف لهم دور=رجـالٍ تـشيـل الـحمل مـاتـدعي بـه
رجالٍ تسجل بالمـواقف لها حضـور=كـل يـبـي مـن الطيب ياخـذ نصيبـه
تقول واحدهم عـلى الـطيب مسحور=يـجـيـك قـبل إنـك تـجئ تـنتخـي بـه
الله مــع الـِغيـره خـلق فـيهم شـعور=وفـزعـاتـهم مــاهـي عـلـيهم غـريـبـه
يوم إن بعض الناس مخلوق ديكـور=ويـشـوف جـية صـاحبه لـه مـصيبـه
مـثله حـرام إنـه يـقلط عـلى السـور=وحـرام حـتى انـك تـسمى صـحيبـه
مــــادام لايــنـفـع ولا دمــــه يــفــور=الـمـرجـله لــو هـو بـغــاها صـعـيبـه
وماني على مثله من الناس مجبـور=الــطِـيب سِـلـم ولا يـجئ بـالغصيبـه

سعد تركي السمين

[اللحالي]

نعم نعم يابوتركي صح لسانك كلام يستحق الاشاده

يالجزل كفو عليك الجزاله من غير قاصر بأمثالك الجزلين

[سعد السمين]

نعم نعم يابوتركي صح لسانك كلام يستحق الاشاده

يالجزل كفو عليك الجزاله من غير قاصر بأمثالك الجزلين



صح بدنك يابو سلطان والله لايهينك وماعليك زود
إشادتك شهادة أعتز فيها من شاعر كبير أكن له كل الإحترام
تقبل مني كل التقدير

[ترانيم حربيه]

والنعم فيك يابن العم وفي الطيبين امثالك

رائع ياابوتركي دائما تبهرنا بمفرداتك الحلوه وكلماتك القويه

صح لسانك واعتلا شانك لاعدمناك ولاعدمنا ابداعك

[سعد السمين]

والنعم فيك يابن العم وفي الطيبين امثالك

رائع ياابوتركي دائما تبهرنا بمفرداتك الحلوه وكلماتك القويه

صح لسانك واعتلا شانك لاعدمناك ولاعدمنا ابداعك




صح بدنك يابنت العم وماعليك زود
الله يحلي أيامك كلها
ويعطيك العافية على مرورك وتعليقك الجميل
وعساك ماتعدمين غالي يا ترانيم
دمتي برعاية الله وحفظه