بعض العلوم

[سعد السمين]

بعض العلوم


مـنهو يلوم اللي سرى تالي الليل=وخـلى الـبلد وأقفى على غير يمه

مـن ضيقة قامت على صدره تميل=لـيـن الـهواء مـا عاد صـدره يـلمه

بـعـض الـعلوم يـشيبن الـرياجيل=ومـن ثـقلها تـقطع عن القلب دمه

مـاله دواء غـير الفياض المساييل=أرض خــلا يـقـدر هـواها يـشمه

فـيها عـلى ناره تشوف المعاميل=ويشيل بأعلى الصوت ماحدن يهمه

فيها يخفف من عنا النفس ويشيل=ويـلقى الـعلاج لـكل ماهو يسمه

بـعـيد عـن نـقالة الـقال والـقيل=الـلي تـبلاء الـخلق مـن غـير ذمـه

سعد السمين

[ابو مناحي]

رائع يابو تركي
صح لسانك واعتلا شانك
بيض الله وجهك ولاهنــــت
ولك تحياتـــي وتقديــــــــــــــــري
http://haaarb.com/up/uploads/14084030871.jpg

[سعد السمين]

صح بدنك يابو مناحي
وجهك أبيض الله لايهينك
تقبل مني كل التقدير

[ترانيم حربيه]

والله مااحد يلومه ياسعد فيه ناس يرفعون الضغط ههههههههههههه

صح لسانك واعتلا شانك وسلم بنانك

ابداع دائم لاعدمناك

[سعد السمين]

صـح بـدنـك يا ترانيم
ماتعدمين غالي الله لايهينك
دمتي بخير

[اصايل]

فيها على ناره تشـوف المعاميـل =ويشيل بأعلى الصوت ماحدن يهمه
فيها يخفف من عنا النفس ويشيل =ويلقى العلاج لكـل ماهـو يسمـه
بعيد عـن نقالـة القـال والقيـل = اللي تبلاء الخلق من غيـر ذمـه


صح لسانك وبيض الله وجهك

ابيات من ذهب
تقديري

[سعد السمين]

تسلمين أختي أصايل وصح بدنك الله لايهينك

دمتي برعاية الله وحفظه

[معيض الضعيني]

الله يا ابو تركي جزله من جزل وصح السانك لاعدمناك وكلك ابداع

[سعد السمين]

الله يا ابو تركي جزله من جزل وصح السانك لاعدمناك وكلك ابداع





صح بدنك يابو وليد
وما عليك زود الله لايهينك
تقبل مني كل التقدير