ياناشديني لاتقولون وين انت

[اللحالي]

السّموحه ياحبايبي بعض البيوت تجي من الشّايب للشّايب كأنها لاشعورياً
فلاتواخذون ؛ خدين الليل ؟

وإلاّ هاوشوه هواشن عليه القيمه كلّش ولا المجامله عشانها عنوان
الجبناء


ياناشديني لاتقولون وين انت=قولو ياهابّ الرّيح وين انت رايح
لاتنعمس في مابدربك تعيّنت =مانت الوحيد اللي من الوقت صايح
لكن على ماقيل بالصّبرلاهنت=أظفر بصبرك بالوقوت الشّحايح
تراك لوّ بأعراف وقتك تمكّنت=مال الخساير غير طرد الرّبايح
لوّ انت في بعض المعالم تيقّنت=لابد من كثر اللهود الفدايح

[اصايل]

صح لسانك وبيض الله وجهك شاعرنا القدير

أحترامي

[اللحالي]

تسلمين يابنتي الله يعطيك العافيه
اصايل
أشوفك قاريةٍ أفكار الشايب اكثر من غيرك ماشاءالله عليك

الله يسترك وخوانك المسلمين آمين

[ابو مناحي]

يالشايب اللي بالقياده تفنّنت=فنّك تراك تنال منه المدايح
لكن عن طرقتك وراك ما اعلنّت=نبغا نسج مع الديار الفسايح
قبل امس توعدني وهالحين هوّنت=وتقول دربي دونه البعد شايح
وتهاوش الخويا بدربك كما كنت=شيبون مع بعض الوجيه الفلايح
مره بلا موتر ومره على اكسنت=من يوم لاحت للربيع اللوايح

[اللحالي]

كفو يابو مناحي لاهنت يالغالي صح لسانك

هالحين لويسجنونني ماتفرق يجي رمضان ويطلعونني

لكن قولوا لترانيم اني مسافر للمريخ و ان اللي يرد بالمنتدى

سرهيد خدين الليل ماهو اللحالي وانتبهوا منها

تراها مفحمتني الله يجزا الجميع خير

[ابو مناحي]

صح بدنك يابو سلطان
وماعليك زود
لكن تبقى بالسجن الى العفو برمضان
فتره طويله هذي هههههههههههه
وترانيم تقول انها اعلنت الهروب معك
لأنها تعتقد اني داعش هههههههه

[سعد السمين]

صح لسانك يابو سلطان

وصح لسانك يابو مناحي

الله يعطيكم العافية

دمتم بخير

[معيض الضعيني]

الله الله كلكم ابداع الشايب وولده لاعدمناكم والرب يحفظكم ويرعاكم

[رجآوي]

صحّ لسانك شآيبي

ولا عدمناك يابعدي

[اللحالي]

ابو تركي/ ابو وليد/ رجاوي

صحت ابدانكم وتسلمون ياحبايبي

والعذر والسموحه ترى الشايب ماعاد يجمّع

فكره متشعّب هالايام ؛؛؛ مايخفى عليكم

الاسباب

ويمكن يفكّر بتطريد الجرابيع ليا ربّعن

هههههههههههههههههههههههه

تحياتي للجميع

[اللحالي]

صح لسانك ابو زياد لاعدمناك يالغالي

ولاعمرك تجيب طاري (البدله) يرى الشايب يتروّع ههههههه

وفيه بعض ناسات هههههههه يدوّرن متل هالمعلومات هههه

ولاتصدّق الشاعر عويّض الغيداني

يوم يقول (نوبن مع البدله ونوبن مع الثّوب)في الدّيوان؛ تراي

انامسكين والنّاس يتهمونني الله لايتهم بري