كان طاح السّيل بديار الشّواوي

[اللحالي]

حبايبي لاتواخذن الشّايب ترى بعض ناس ينرفزه
ويقول كلام يحير البعض لكن اللي ماتفهمونه اتركوه
ماهو تقولون نهاوشه المهم

هذا شيبون يحييكم






كان طاح السّيل بديار الشّواوي=في شمالي غرب لينه ينتفدوى
وانت ياللي ناوين معنا تخاوي=عارفينك زين مايلحقك ردوى
يالمواطن ماجهلتك بالهقاوي=ياعسى لك مع شلوع الطّيرمدوى
صارلك بالمنتدى جزل السّعاوي=ولاطلع لي معك فمناحاك جدوى
والوزير اللي بمقصدنا نحاوي=عاد من بعد الحضاره ثم تبدوى
وقلت له مليار تسعه كم تساوي=قال من راع العواشز فيك عدوى
كيف ابي اعرف للفقيرمن الغناوي=لو تعشوى بالمواطن بيّ تغدوى

[فارس الامواج]

ياللحالي : خذ هذا الرد المتواضع مني شخصياَ

ياللـحالي يابوسلطان وش انت نـاوي
في شمالي غرب لينة تكفى لا تهقوى
والمواطن للحالي قام يكتب للدعاوي
واللحالي للوزير يقول تكفى لاتردوى
وأشهدإنه ذيب هذا الوقت دوم عاوي
والختام أقول ياجعل عيشتكم رغدوى

////////////////////////

أخوكم : أبوخالد

[اللحالي]

صح لسانك يابو خالد وفيت وكفّيت يالذّيب
وشجعتني باقرب فرصه على الوزير المقصود
مع اجمل التحايا للمواطن والوزير ياهلا

[فارس الامواج]

صح بدنك

والله يعين المواطن

المواطن دائماَ هو الضحية في كل شي

[ترانيم حربيه]

صح بدنك

والله يعين المواطن

المواطن دائماَ هو الضحية في كل شي

هلا وغلا ابوخالد وين الغيبات

يقولون من طول الغيبات جاب الغنايم وينك يارجل

وعدتني تساعدني على الشايب ورحت والروحه هي الروحه

لايكون ابو سلطان مهددك بشي ماندري عنه ههههههههههههههههه

[ابو مناحي]

اللحالي ناوي الدار الخلاوي=لو حديته عن مرامه ماتحدوى
دايماً يرقب على النجم السماوي=مدرا ان النجم ذا ماينقدوى
من سماه اصبح على الضلعان هاوي=سامعٍ صوته بعد ماطاح وادوى
وهقه شيبون للدار السناوي=والحضاره مااثرّت باخوان بدوى
وش نسوي فيك يالحال الشقاوي=واجد اللي غارته ماتنتصدوى
والعدد معروف يالعد الرهاوي=احتفظ بالعد لاتهديه هدوى
ولا تضايق من كثيرات الدعاوي=ريس النادي تراه بدون ندوى

[اللحالي]

صح لسانك يابو مناحي وتسلم يالغالي والله شاعر مافيك حيله ماشاءالله عليك تحياتي لك وللجميع

[اللحالي]

هلا وغلا ابوخالد وين الغيبات

يقولون من طول الغيبات جاب الغنايم وينك يارجل

وعدتني تساعدني على الشايب ورحت والروحه هي الروحه

لايكون ابو سلطان مهددك بشي ماندري عنه ههههههههههههههههه

ياترانيم الله يجزاكي الخير أوّل شي مرورك تريف

ثانياً ترى ابو خالد اللي يهددني انا ماقول شي حليل

[ابو مناحي]

صح لسانك يابو مناحي وتسلم يالغالي والله شاعر مافيك حيله ماشاءالله عليك تحياتي لك وللجميع

صح بدنك يابو سلطان
وماعليك زود يالغالي
وشهادتك وسام على صدري
بيض الله وجهك ولاهنــــت
ولك تحياتـــي وتقديــــــــــــــــري

[معيض الضعيني]

الله الله لله دركم ابداع وصحت الالسن لاعدمناكم

[سعد السمين]

صح ألسنتكم جميعكم مبدعون

دمتم بخير