لـعـل هـمـال الـمـطر كــل مــادار

[سعد السمين]

لـعـل هـمـال الـمـطر كــل مــادار


لـعـل هـمـال الـمـطر كــل مــادار=وأسـقى الـثرى وأعـلن بـداية ربيعه

يسقي ثرى اللي كل ماشاف الأمطار=نـفـسه عـلـى جــو الـبـلد مـاتطيعه

مـتـولعن بـالـبر ومـصـاحب أحــرار=أقـلـهـم عــمـره عـشـانـه يـبـيـعه

ضـحكاتهم تـطلع مـع طـلوع الأزهـار=بـيض الـقلوب أهل الصدور الوسيعه

الـلـي ونـاسـتهم عـلـى شـبة الـنار=وبـعـلومهم يـكـمل جـمـال الـطبيعه

طلعـاتـهم نـطـرب لـها كـبار وصـغار=ودايــم عــن عـلـوم الـنـمايم مـنيعه

نــاس تـحـب الـضيف وتـقدر الـجار=تـهـوى الـتـواصل مـاتـحب الـقطيعة

الله يـنـزلـهـم مــنـازيـل الأخــيــار=ويـجـعل لـهـم عـنـده مـكانه رفـيعه
سعد السمين

[اللحالي]

آمين يابو تركي وصح لسانك
شاعر مافيك حيله ياحربي

[سعد السمين]

آمين يابو تركي وصح لسانك
شاعر مافيك حيله ياحربي


اللهم آمين
صح بدنك يابو سلطان
وماعليك زود الله لايهينك
إشادتك وسام أعتز فيه
لك مني كل التقدير

[اصايل]

صـــح لساااانكـ أخوي ~سعد

صوره جماليه رائعة كالعادهـ ^^ بيض الله وجهك

أحتــرامـي

[سعد السمين]

صـــح لساااانكـ أخوي ~سعد

صوره جماليه رائعة كالعادهـ ^^ بيض الله وجهك

أحتــرامـي


صح بدنك أختي أصايل

وجهك أبيض الله لايهينك

تحياتي وتقديري لك

[ترانيم حربيه]

تسلم والله يابوتركي قصيدة اكثر من رائعه

بصراحه مافيك حيله صدق كل مااقرا وحده الاقيها احلا

مثل ماقلت لك قصايدك لوحات معبره صح لسانك واعتلا شانك

لاعدمناك يالشاعر

[رجآوي]

اللهم آمين لطيّب الدّعوات

وصحّ إيمانك على هالرّائعة

.

[سعد السمين]

تسلم والله يابوتركي قصيدة اكثر من رائعه

بصراحه مافيك حيله صدق كل مااقرا وحده الاقيها احلا

مثل ماقلت لك قصايدك لوحات معبره صح لسانك واعتلا شانك

لاعدمناك يالشاعر



صح بدنك ياترانيم
والله يسلمك من كل شر
الصراحة أنتم جمال المواضيع بردودكم الجميله والرائعة
دمتي برعاية الله وحفظه

[سعد السمين]

اللهم آمين لطيّب الدّعوات

وصحّ إيمانك على هالرّائعة

.


اللهم آمين وصح بدنك
تسلمين يابنت اللحالي
دمتي برعاية الله وحفظه