بـإسم الإلـه مـصـور الكون تصـوير

[سعد السمين]

مشاركتي في زواج البناخي موسى جازي السمين



بـإسم الإلـه مـصـور الكون تصـوير=الـواحد الـمعبود هـو صـاحب الجاه
بـإسمه بـديت الـقاف من غير تأخير=وقـاف بـدون إسـمه فقد كل معناه
والـشعر يـبغى لـه عـناية وتحضير=لـكن على اللي بإسمه القاف نبداه
وأنــا كـتـبته زود فـرحـه وتـعـبير=لـلي دعـى لـلحفل ولـكل مـن جاه
يـامـرحبا تـرحـيب حـشمه وتـقدير=فــي كـل مـنهو جـاه كـرته ولـباه
ويامرحبا باللي لفونا مسايير=رغم المسافة والبعد والمعاناه
فـيـكم وفـاء ومـا لـلوفاء أي تـبرير=طـبع الـوفي لـو عـاق ظرفه تحداه
عـنـده لـفعل الـطيب دايـم مـعـايير=ويمشي على المعيار ماتقصر خطاه
وحـنـا إجـتـمعنا الـليله ولـيلنا غـير=نـبـي نـهـني مــن دعانا وجـينـاه
مـبروك يـاموسى وتـستاهل الخيـر=راعـي وفـاء ولـك مـوقف مانسيناه
ومـوقـفك مـايـحتاج وقـفه وتـقرير=واضـح وضـوح الشمس لو ماذكرناه
ومـاهو غـريب ولا يجي منك تقصير=وأبــوك أبـو سـطام طـيبه عـرفناه
ومـنه الـوفاء فيك الوفاء لازم يصير=وكـل يـبي يطلع على حسب منشاه
وعـمـك أبـو لافـي زبـون الـمناعير=وقـت الـمواقف إلـتفت وأنـت تلقاه
وبإخوانه الباقين ماأحتاج تفكير=الطيب فيهم مالكينه مًنَ أقصاه
وسـماك بإسمك من خذته المقـادير=جـدك عـسى فـي جـنة الخلد نلقاه
مـاهو مـن اللي يحسبون المخاسير=ولا صـد عـن ضيفه على شان دنياه
دايم على ناره يصف المباهير=وطيبه مثل دله على النار مركاه
ومن السمان موسمين البواكير=حروب والحربي على العز مرقاه
يـعني ربـيت بـروض مـزروع نـوير=ومـن عـانق الـنوير عـطره بـمخباه
وفي نظرتي هذى حياة المشاهير=مافيه منهم مًنَ تعرفه وتنساه
وخـتامها نـدعي عـسى رازق الطير=اللي سقى العطشان من مزنته ماه
إنــه يـسـهل لــك دروب الـتياسير=وتـمشي لـك الـدنيا عـلى مـاتمناه
وصـلوا على المحبوب من باب تذكير=الــلـي دعـانـا لـلـهدى واتـبـعناه

ســــــعـــــد الـــســـمــيــن

[اصايل]

اللهم صلّ وسلم على نبينا محمد

صـح لسانكـ وبيض الله وجهكـ أخوي ~ سعد

وألف ألف ألــف مبــــروك ^^دامت الأفراح يارب

تحيـاتي وتقبل مروري :)

[سعد السمين]

اللهم صلّ وسلم على نبينا محمد

صـح لسانكـ وبيض الله وجهكـ أخوي ~ سعد

وألف ألف ألــف مبــــروك ^^دامت الأفراح يارب

تحيـاتي وتقبل مروري :)




ﷺوَسَـــلِّمْﷺ

صح بدنك أختي أصايل

الله يبارك فيك ويسعدك وتدوم أفراحك

لك مني كل التقدير

[ترانيم حربيه]

رب صل وسلم على خير البشر

والف مبروك زواج البناخي ودامت الافراح عليكم ان شاءالله

صح لسانك واعتلا شانك وسلم بنانك

مثل عادتك دائما مبهر يابوتركي لاعدمناااك

[رجآوي]

اللهم صلِّ وسلِّم على نبينا محمَّد

`

صحّْ إيمانك على هذه الرّائعة

وبارك الله لهم وعليهم وفيهم

وتدوم الأفراح إن شاء الله

.

[سعد السمين]

رب صل وسلم على خير البشر

والف مبروك زواج البناخي ودامت الافراح عليكم ان شاءالله

صح لسانك واعتلا شانك وسلم بنانك

مثل عادتك دائما مبهر يابوتركي لاعدمناااك




اللَّهُــمَّﷺ صَلِّ ﷺوَسَـــلِّمْﷺ وَبَارِكﷺْ على ﷺنَبِيِّنَـــاﷺ مُحمَّدﷺ

صح بدنك يا ترانيم
الله يبارك بأيامك ويسعدك
وتصير حياتك كلها أفراح
دمتي برعاية الله وحفظه

[سعد السمين]

اللهم صلِّ وسلِّم على نبينا محمَّد

`

صحّْ إيمانك على هذه الرّائعة

وبارك الله لهم وعليهم وفيهم

وتدوم الأفراح إن شاء الله

.





اللَّهُــمَّﷺ صَلِّ ﷺوَسَـــلِّمْﷺ وَبَارِكﷺْ على ﷺنَبِيِّنَـــاﷺ مُحمَّدﷺ

صح بدنك يا بنت اللحالي
الله يبارك بأيامك ويسعدك
وتصير حياتك كلها أفراح
دمتي برعاية الله وحفظه