ياليل

[اللحالي]

ياليل فزعاتك على الخلق تـخييم
على جـميع الأرض و اللي سـكنـها

وعلى تجاهك للفضـاء فيه توهيم
تفضح نـجـوم الليل و تـغيب عنها

والأرض تخلف ناسها بـالـتّـيـاميم
وإن جت. لك الاصباح تفرّ؟.مـنـها

فـريـر من فـي نـيّـتـه بـالتّهـازيـم
يتعـقّـب الـنّـهـبـه و يـأخـذ ثمـنـها

وانا ادري انـه فعل مافيـه تجريم
تعقّـب الـلـي مـهـنـتـك يـمـتـهـنـها

واللّه عـليـم بمجريـات الـتّـقـاويم
ونـهـايـة الـلـي مـسـتـمـرّه فـتـنـها

لكن نشـدت الليل عن غيبة الـغيم
وهلال ذاك الليل مـع شمـسـه آنها

واسمـع جواب بجلجلات الملاليم
لـو مـافـرقـت الهجرسـه من دننها

والـلـيـل حـيّـرني بكل الـمـفـاهيم
وانا مأقول شعيلـه؟من اهـتجـنها

أقـول يامن قد؟رعيت الـمجاهيم
ايّـام قـبـل الـعـفـر؟يـأتي ضـعـنـها

وأخـذت بجزال المكارم تـجـاغيم
و.رويـت؟مـن حـلـيـبها. مـع. لبنها

وانا نشـدت لليل بـالـفكر تـوجـيم
وسـمـعـت للجـنـدب نغـوم ٍ عـلنها

وأخـذت في ماقال لافي؟تـعازيم
ابـو حـمــود؟و كلـمـتـه مـوتـزنـها

ذلـول فـيـهـا للـشـقـاوي تـواسـيم
جربا؟ و انا مـتجـوّد ٍ في رسـنـها

ولاقـول عن حالي عليّ الـملازيم
لـو كان روحي حفنة اللي حفـنها

وش فـايدة لو قلت كثر التلاويم
أن اللـيالـي صـايـبـتـنـي..طـعـنـها

والصّبر لـلـمـكتوب مـابـه تحاريم
لـوذقت من دنياي عـلـقـم اغبنـها

ولـو عشتهـا بالفقر عيشة تـيـاتيم
مع سـيرة الهادي و أطبّق سـننها

ارحـل ويرحـل من حياتـه تناعيم
اللي قـنـاطير الـذّهـب يـخـتـزنـها

لكن يادامي عـايـش ولي مزاعيم
ابـي استعيد الماضيه و افـتـطنها

واناخدين الليل صـحبـة تحـاميم
وأسـراري أودعـهـا. بـه و يبتطنها

أسـرار غـاشـيـهـا من الليل تكتيم
مـثـل الجنازه في لـفـافـة؟كفـنـها

من شأن ماللهرج مـنـتـج تناغـيم
لـو الـهـروج. اذواع. من يلـتـسنها

والـلـي تـجـاربـهـم تـهـز؟ الاقاليم
مابـيّـنوا غـيـر الـرّمـوز امـتـعـنـها

مثل الاشاره في عتيم الـتّـساليم
للفكرة في رمـز؟الـفـهـامـه زبـنـها

والـيوم لو بالنوم شفت التحالـيم
لـيـاقـمـت لاتبدي لـغـيرك شـطنها

ثم؟يجعـلوك الناس سلعة تذاميم
تلوك؟ ألالـسـن؟ سـيرتك وتعجنها

وتصير لـ.الاضراس سلعة تهاشيم
بـأفـواه. رديـان الأصـل بـمـعـدنها

وفي.كل مـاتـحـاضـبوا للتّصاريم
أنت الـذّبـيحـه بينهم في صحنها