ياوليد

[اللحالي]

ياولـيد ابـوك؟ اشــوفـه يـتـابـعـنـي
انـصـحـه لايـعـتـرض في طواريقي

يمكن امشـي. درب يادوب ياسعني
لـو مـعـي ثـاني تـعـثّـر من الضّيقي

كم..نصحتـه مير مـاهـوب طايعني
والـنّـصـايـح كـثـرها. نشّفـت ريقي

لـيـت من حوله لياصحت يسمعني
مير مدري عـنـدهـم وش توافيقي

والـبـعـض مـنهـم جـوابـه يـروعني
والبعض بسكات يخطف مسابيقي

سرهيد

ياللي بدعت القوافي اشويه أسمعني
واشرح لـك الحال يـابادع لطواريقي

ابـوي لامـن بـغـيته بـهـرج يـجزعني
مـاعد لـه خـاطـرً مـعـيه ولايـطـيقي

ولاقـلـت وشـفـيك ثم قـالـي دعـنـي
مـشغـول فكري لاتـقلـبها تـحـاقيقي

سـرهـيدلامن مـسك دربً يـضيعني
عـجـزت لامـسك دروبــه بـالمغاليقي

حتي الفرص ماعادهي فيه تجمعني
يـاعم ابـويه بدونك يـلحقه ضـيـقي

احترت من ارضي لعل ربي يسنعني
وانـتـه وابـويـه قدوات ومطـالـيقي

كانك عذرت الـولدفي حرفه المعني
واقنـعـك عذره يـاحـرًبـالـشواهيقي

تراك غـالـي وغـلاك الـيوم شـجعني
خلاني اقول عـن اللي كنه اطويقي

وليد يرد على عمه سرهيد

[معيض الضعيني]

صح السانك ابو سلطان وصح بدنك ومتعك الله بالصحه والعافيه مهما تروح وتجي مانستغني عنك الله يحفظك وخذنا معك في مشاويرك لاتخلينا

[اللحالي]

حياك الله يابو وليد وصح بدنك وصح لسان وليد وابوه