اللحالي و الضعيني

[اللحالي]

تداولات و مناشدات حول مصير مفقود بين اللحالي سرهيد و الشاعر معيض علي الضعيني من الرّموز عنها قال اللحالي سرهيد الاتي؟

يابو وليد الذّيب؟ ماعاد لـه رمـس
واللي ولاه الذّيب؟لاتـحـتسـب لـه

دوّرت في لينه وانا خاطري عمس
في منظـري لـعـراق؟ و إلاّ لـقـبـلـه

ولابه لشوف و.لامسامع ولا لـمـس
والادمي مالـه عن الـلـي كـتـب لـه

مع الفياض بعشرهن عوّدن خمس
و لا شفت حرف ولا شماذير ربـلـه

والناس متهيبلهم احذر من النّمس
وفتاتهم مـجـنـونـه بـثـوب خـبـلـه

وعاقلهم اللي بالغبا.منغمس غمس
وهو لو يختل غراب صاده بحبـلـه

وشلون اجد علم متيوج بالـهـمس
مير اترك اللي فات و اللي تعب لـه

الـــلـــحـــالـــي ســـــرهـــــيــــد

سـعيك يابو سلطان لويغزر الغمس
مـايـاخـذ إلاّ بـالـثّـناء مـاكـتـب لـــه

يـامعايش الالـغاز بـاليوم و الامـس
راعــي مـساري مـع جـراهيد عـبلـه

حي البيوت اللي لهانحمس الحمس
يــاحــي راعــيـهـا ويــاحـي شـبـلـه

ارحـب يابوسلطان ياراعي الجمس
الـلـي عـلـى خـط الـشمال يـنجذبله

لامــرلـيـنه مـشـيته تـهتمس هـمس
وصـوت الـبـساتم بـمشيته تـنطربله

داج الـفياض وخاطره ملتمس لمس
الـعـشب واعـواد الـشـجر تـنحطبله

صارت هشيم ماكنها قبل قبل امس
خـضـر تـمـايل عـشبها وسـط سـبله

احـسـنت يـاسرهيد يـامبعد الـرمس
والــذئـب يـاسـرهـيد فــي مـرتـقـبله

مـاكل مـن مـره يـشوفه مـع الـدمس
والا قــبـل مـاالـصـبح يـمـتـد حـبـلـه

مـــعـــيــض عــــلـــي الــضــعـيـنـي

[اصايل]

صح الله ألسنتكم شعراءنا المبدعين
دمتم ودام ابداعكم