الجروح

[سعد السمين]

الجروح



تـدري وش اللـي يذبـح الحـر بالـهـم=ويهـد حيلـه عـقـب مــا كــان طـايـر
مطيح ريشه دايـم أقـوى مـن السـم=عقب الفضاء عود على الرجل ساير
ومثلـك يابـو يوسـف مجـرب ويعـلـم=إن الـزمـن قـاســي علـيـنـا وجـايــر
وإن البـشـر أنــواع كـافــر ومـسـلـم=وفي بعض هالعالـم أنـا صـرت حايـر
لـعـل منـهـو يظـلـم الـنـاس يظـلـم=والجرح في قلبـه علـى طـول غايـر
ويـرتـاح منـهـو داخـلـه بــس يـكـتـم=الشـكـل هــادي لـكــن الـــدم فـايــر
مـاهـو بــرود بداخـلـه ولاهــو بحـلـم=ولا هو حسب بعد الفعل ويش صايـر
لكـن لأنـه فـي رضــى الــرب مـلـزم=ومن شان عين اللي لهم ألف خاطر
كـذا الجـروح أنـواع لـو تـنـزف الــدم=شيٍ يطيب وشـي مثـل المقابـر
ليت الجروح اللي لها صدورنـا تضـم=لـيـا جلـسـت فـتــره تـمــل وتـغــادر
جــرح يــزم وجـــرح مـاهــو بـيـنـزم=الله يعيـن اللـي علـى الجـرح صـابـر

سعد السمين

[معيض الضعيني]

صح السانك واعتلا شانك لاعدمناك

[اللحالي]

آيوالله الله يعين يابو تركي صح لسانك

[ترانيم حربيه]

عندنا مصطلح بين البنات اذا صار الشي حلو مرررررة قالوا جرح

وقصيدتك هذي ياسعد جرح فعلا صح لسانك

صراحه مافيك حيله يابوتركي

[سعد السمين]

صح السانك واعتلا شانك لاعدمناك



صح بدنك يابو وليد
تحياتي لك

[سعد السمين]

آيوالله الله يعين يابو تركي صح لسانك


صح بدنك يابو سلطان
تحياتي لك

[سعد السمين]

عندنا مصطلح بين البنات اذا صار الشي حلو مرررررة قالوا جرح

وقصيدتك هذي ياسعد جرح فعلا صح لسانك

صراحه مافيك حيله يابوتركي




وأنتي كلامك جرح أختي ترانيم
وما فيك حيله بإسلوبك وروعة ردودك
كل الشكرعلى هذا الوصف الجميل
والإحساس الأجمل وصح بدنك
تقبلي مني كل التقدير