ياللي تبون الكون

[اللحالي]

وجهة نظري حول من يجهدون أنفسهم بالقصايد و مأكثر مايقولون ابعد عن الردي الاتقارب الردي احذر الرديان ووووووو؟ انا قول وش خانة الأبيات؟ ابعد ولايجيك احد كل مخلوق وشانه. لكن فتنة فشخره وانا ماني مدافع عن الرديان ولاكن من يدّعون الطيب زودها وإلى للاتي

ياللي تبون الكون مـافـيـه رديـان
تـسـابـقـوا. بالـكـون يـالـطّـيّـبـيـنا

لجل يبين اللي من الطّيب كملان
واللي عن الكملان مـتـنـاقـصـيـنا

او كل واحد شايف إنّـه بلـيـهـان
اللي بفـعـل الـطّـيب مـالـه وزينا

يافتنة الدنيا بـتـدبـيـر الانـسـان
اللي خلقه الله من ماءن مـهـيـنا

اقول يالاسـنـاع لـلـسّـيـل وديان
بعد ارتدام امواصلات الغـشـيـنا

الخلق متفاوت وفي كل الازمان
وتفاوت الأحوال عـبـر الـسـنـينا

طيّب وخيّب ومتواضع وطغيان
والقل بـأحـوال الـخـلايـق دفـينا

والكل من قسمة نصيبه بديـدان
وبمـاكتب لـلـخـلـق مـتـعـايـشينا

والله عليم بحالـة الإنس والجن
الميسَـرين الحال والـمـعـسـريـنا

واشتاتهم يعلم بهـا عالي الشّـان
بأوفاقهم و انكان مـتـخـالـفـيـنا

مير اقنعم ياللي تقولون قيفـان
واستغفروا قبل أوتجاه اليقـيـنا