مبطي

[اللحالي]

مبطي وانا اقول ابتعـد عن تويتر
قبل الفكر من تـايـه الـنـاس يـرّج

ماتصلح هروجي مـع اللي تـغـيتر
اقـول بـفـسـاح الـفـجـوج اتـهـرّج

مالي بمن خلف الستايـر تـسـيـتر
وأليا أختلا في مايشـوقـه تـبـرّج

ألفاحص لسانه بمـقـيـاس هـيـتر
و بالهرج بالغـيّـاب مـاقـد تـحـرّج

يشوف نفـسـه بالـقـداـسـات بيتر
وعلى الخلايق معـتلـي و إتـفـرّج

ماقال يالدكتـور. كـيـف اتـخـيـتر
ولاهو على قول العراقي مـسـرِّج

ولافاح صدره مثل فـوح ألاديـتر
بالمؤتمر اللي بـالـنـفـود إيـتـعـرّج

بقـيادة الـلـي بـالـقـسـا مـاتفـيـتر
عبر العروق الحمر شرق الـمـدرّج

وانا بتمتـيـر الـفـجـوج. أتـمـيتـر
في تجربات اتـرامـهـا و اتـخـرّج