والليل ساري ساري

[سحر المساء]

سحر المساء النشميـه...مـنـي لـهـا التـحـيـه
مليـون ضــرب المـيـه...والليل سـاري سـاري

بالمـنـتـدى وتـنــادي...وتقـول يـا الاجــوادي
الوضـع ماهـو عــادي...والليل سـاري سـاري

والمشكـلـه محـلـولـه...اهـل البلـد مشغـولـه
ميـر الهجـر وشهـولـه...والليل سـاري سـاري

يــا مكـثـر الوافيـنـي...في كل وقـت وحينـي
بالمنتدى امـن سنينـي...والليل سـاري سـاري

من غاب تبقـى جهـوده...اللـي بذلـهـا بـجـوده
تبقـى هـنـا مـوجـوده...والليل سـاري سـاري

وترا السبـب بالحاصـل...وسـايــل الـتـواصــل
الشعـب منهـا فـاصـل...والليل سـاري سـاري

وسحر المساء مشكوره...فـي طيبهـا مـذكـوره
نجمـه هنـا مشـهـوره...والليل سـاري سـاري

بقلم ناصر الشميلاني

[اللحالي]

تستاهلي الشهاده و انا اشهد كذالك
صح لسان شاعرها ابو مناحي الله يذكره بالخير وإخوانه المسلمين كان الصديق الوفي وانقطعت اخباره مادري حي اوميت حاولت بالواتس و الاتصال بمالدي له و لكن دون جدوى الله يسعده كان حي و يغفرله كان ميت

[سحر المساء]

اسعدني مرورك
حضرة المؤسس
ايوالله ان ابو مناحي شاعر ينفقد اذا غاب
واتمنى انه يكون بخير

ودي وباقة جوري

[الاماكن]

جدا روعه الله يسعدك يارب
مشكوره ع النقل

[سحر المساء]

حياك الله
استاذي
اسعدني مرورك

ودي واحترامي