الديدحان

[اللحالي]

https://pbs.twimg.com/media/Emj8CEhWEAAtDKD?format=jpg

القلوب اللي مثل بالوصـف زهـر الـديـدحـان
تنفتح لشروق نور الشمس فـوق غـصـونـهـا

عشبهـا الأخضر سقاه السيل شهر من الزمان
مير مدري كـيـف تـالـي وقـتـهـا بـضـنـونـهـا

وضعهـا بالوقت هـذا بـالـشّـرايـيـن ضـمـران
من شرور ٍ صارعـتهـا و اثـمـرت بـحـزونـهـا

لـين صارت صـاج مـابـين اللهايب والدخان
والله اعلم كيف يأهل الـعـرف يطـلـع لونهـا

ياللّه انّا في رجا فزعـتـك وانت المسـتـعـان
رحمتك بقلوب عاقلها صـحـب مـجـنـونـهـا

اللحالي جزاع

[اصايل]

صح لسانك وتشبيه بغاية الجمال
يسعد قلبك ياعمي جزاع
ياسلام التصميم يجنن ماشاء الله
دمت بصحه وعااافيه يارب

[اللحالي]

عجبك التصميم عشانها اختك رجاوي
هههههههههههههههههههههههههههههه
يالحربيات


الله يسعدك ومن يعز عليك يالاميره اصايل

[اصايل]

ههههه اكيد الذوق واحد
الله يسعدها ويحفظها لك ياعمي
بس زعلانه منها هي وترانيم اختفوا :3 (14):

[اللحالي]

الله يسعدك اصايل
بالنسبه لـ رجاوي بموقعها وتدخل المنتدى ولكن بعضويتي لحاجات فقط
وبالنسبه لترانيم ماتوقع تجي عشان للأسف حصل بتويتر معها موقف وزعلتها الله يسعدها و اخوانها المسلمين والمسلمات لكن ان شاء الله انها بخير الحمد لله ألقى لها تغريدات حلوه

[اصايل]

الله يسعدهم ويسهل امورهم
وبالنسبة لترانيم طيبه ياعمي وما اتوقع بموقف تشيل بقلبها عليك
وانت طيب وبمقام الوالد الله يطول بعمرك ويحفظك لايجي فبالك
اكيد يوم من الايام تشوف ترانيم تدخل المنتدى
لنا كم ياعمي تقريبا ٧سنوات من ايام مجالس حرب نعرفك ونعرف اطباعك
بس امهات بخنيق يتغلوا
:2 (1):
لاتشيل بخاطرك

[اللحالي]

هههههههههههههه
ايوالله انكم كلكم في قلبي مادمت حي الله يستركم ويسعدكم
واخوانكم المسلمين
و حسبنالله على من كان السبب وإلا هي مامنها خطأ لكن اللي
استغل طيبتها.لما في نفسه يلقا وفقه. ادري انه يدور عليّ لكن ان شاء الله
كيده عليه ولاهو زعم