ديوان عايض الرشيدي

[اللحالي]

حبايبنا مرتادي منتدى اللحالي السلام عليكم ورحمة الله وبركاته وبعد إليكم ديوان الشاعر الجزل بمعنى الكلمه غني عن التعريف هو الشاعر عايض الرشيدي ابو عارف شاعر له اسلوبه الخاص بالجزاله ومن جزالة مفرداته نشيد له هذا الديوان المتميز بأساليب ابو عارف ولكل عشاق الجزاله نقدم قصائد الجزل وسوف نقوم بأضافة كل مايصلنا حيث الديوان متجدد وبالبدايه إليكم الاتي واحكموا بأنفسكم فقصائد الشاعر خير معبّر عن ذاته ومع أول قصائده ارحبوا تراحيب المطر

‏عندي مثل؟

بديت بسم اللي عطى الوحـي جبريل
الـواحـد الـلـي بـأمـره. الـكـون.. كـلّـه

وأعـوذ بـه مـن شـر نفسـي ومـن ويل
فـي مـاقـف(ن) مـايـنـفـع الخل خلّـه

مــن بـعـد ذكــره زان سـوق المباهـيل
وضـحـن يـجـي صافي حلاهـن بحلّه

ورد و مصـاديـر الضـوامي على النـيل
وجـه. الـروى. شـط الـروى. مـدهـلـلّـه

للـشـعـر نـقـــاده ولـلـشــرح تـفـصـيـل
و لـلـفــتـل نـقّــاضــه و لـلـعـقـد. فـلّـه

عندي مثل؟لأوصاف بعض الرجاجـيل
وجـهـة نـظـر. و الكل حـسـب الـجبلّـه

بـعض الـرجـال تضـيع فـيـه التحالـيل
مـالـه. فـصـيـلـه. فـي. جـمـيـع الأدلّـه

وبعض الرجـال؟ بوقتـهـا سـمّ قنـديل
قـول و فـعـل يـشـفـي من اعداه غلّـه

وبعض الرجال؟قناده الـعـود والـهـيل
مـن رافـقـه. طـول الـدهـر؟ مـايـمـلّـه

وبعض الرجال؟يشوم من قوة الحيل
لـو. أن مـافـي.. خـاطـره.. مـاوصـلّـه

وبعض الرجال؟يجود بالجود وإيكيل
يـعـطـيـك مـاب يـديـه كـثـره و قـلّـه

وبعض الرجال؟ بكفـه الخيـر وابخيل
مـثـل الـسـراب الـلـي يـغـرّك. مـحـلّـه

وبعض الرجال؟حصان بالراس والذيل
يـمـشي على الوجهـين مذهـب ومـلّـه

وبعض الرجال؟يفصل الحكي تفصيل
لـو. أن مـابـه. قـوم. سـيـفـه.. يـسـلّـه

وبعض الرجال؟تشوف زوله تقـل فيل
مـخـيـول مايظلل عن الـشـمـس ظلّـه

وبعض الرجال؟اخيال خالي من السيل
يـبـرق و يـرعــد. و الـصـفــا.. مـايـبلّـه

و بعض الرجال؟أشـد من حالك اللـيـل
يـكـفـيـه مـن فـعـل الـرّدى مـاحـصـلّـه

وبعض الرجال؟ بعير للحـط و الشـيـل
تـقـلّـب.. افـصــول. الـســنـه. جـايزًلّـه

وبـعـض الرجـال؟اليا تمعـنـت زنـبـيـل
هـذا.. مـكـــانـــه.. مــاتـــعـــداه.. لـلّـه

وبعض الرجال؟ بساقـة الناس دربـيـل
مـايـتـوب لـيـن يـمـوت عـن عـادةٍ لّـه

وبعض الرجال؟أمثال شقرامع الخـيـل
الـحـيـل. وآنـي. و الـدّهـــر..راضـخـلّه

وبعض الرجـال؟يظـلل العـين تظـلـيـل
مـاقـال قـبـل يـفـوتـك الـفـرض صـلّـه

وبعض الرجـال؟ بريد يحمـل مراسيل
كـل. الـكـلام. الـلـي.. بــصـدره. يـهـلّـه

وبعض الرجال؟ايطيح وسط المحابيل
يـضـيـع..عـن. درب..الـسـنـع..مـايـدلّـه

وبعض الرجال؟ايجيب كل المحاصيـل
و الـيـا بـخـصـت الـسـالـفـه نـار جـلّـه؟

وبعض الرجال؟بعصمة أم المـضـالـيـل
يـخـاف من رؤوس الرموش الـمـظـلّـه

وبعض الرجال؟بذل مـن دون تـذلـيـل
و الـمـوت. راحـه. من حـيـاة الـمـذلّـه

وبعض الرجـال؟مخطـطاً للـمـقـابـيـل
مـسـكيـن من هالـعـمـر وش باقيً لّـه

طرقي على حافـة شـديد.التـهـاويـل
يبقـى وحيـد من البشـر مع اسـجـلّـه

وأنـا بعد مـن ضـمـنـهـم بالـتـمـاثـيـل
فـيـنـي مثـل ماقـلـت بـالنــاس عـلّـه

عـسـانـي الـثالث بـهـم يـالـمـشـاكـيل
وأن ماحصــلّي جـعـلنــي. رابــعً. لّـه

هذا حسـب عرفي به العدل والمـيل
مـا أقـول أنـا معـصـوم مـن كـل زلّـه

ماني كفيـل الناس جيـلً بـعـد جـيـل
مـثـلـي مـثــل جـيـلي وأنــا تـابـعً لّـه

و لآني وكيل آدم على مـثـل مـاقـيل
إلسـانـي حـصـانــي و أنـاصـاحياً لّـه

عايض الرشيدي

[اللحالي]

‏أمسيت مثل اللي مضيّع عشاير
في حامي الكـنّـه بتـالـي نـهـاره

و الجو موحش مالمح فيه طـاير
صابـه تـفـاوت بيـن تـاره وتـاره

قام يتـهـيّـالـه مـن الـخـوف ذاير
يسمع مثل صوت النحل بالمغـاره

بين الأمل و اليأس رأيـه مـغـاير
وقف يصلي ركعـتين إسـتخـاره

وضعي شبه وضعه بكل السـراير
يعني كما يعني بمعنى الـعِـبـاره

من مـايـخـلـي بـارد الـدم فـاير
ليفـه وطاح بناصيتـهـا شـراره؟

احس ثوبي فوق جسمي جبـاير
من شد مابي كـنـي ابـلـع إزراره

أبّغى العـبـايـر بـس مـابـه عـبـاير
بين الحراره واحـتبـاس الحـراره

يادار كنت أدفع عليك الـبـشـاير
العام يوم إنـك حـديـثـه و أمـاره

تسوين في عيني قصور وعماير
وأنتي بعـيـن الغير شـارع بحاره

و اليوم كني فيه ضواحيك زاير
طارت عصافيرك وصرتي وزاره

لكن مثل ماأنتي بوسط الضماير
بالمـركـز الأول بـكـل الـصـداره؟

أكيد مـالك في خفـوقي نـظـاير
شـاعـرك مهمـا كان تبقين داره

و النادره بحزام مـثـلـي ذخـاير
عند أهل المعروف ماهي خساره

ماجبتها تهميش من سـوق بـاير
ولا أخذتهـا من قلّ مال إستعاره

عايض باين المهيمزي

[اللحالي]

‏الغربه

بهالقصيده استخدم شاعرنا القافيه الطويله؟

كم وجه للغربه وكم يوجد على الدنيا غـريـب
ون كانت الغربه بحر وش يوصلـك بـر الأمان

اسأل مجرب مثـل ماقالوا ولا تسأل طـبـيـب
يمكن تحصـل من تجاريبة عـلاج الأحـتـقـان؟

وان كان بعد الجهد عيا لايحالفـك الـنـصـيـب
الحر تكفيـه الإشـاره قبــل تحـريــك الـلـســان

سؤال يطرح والجواب افهم كلامي يـالـبـيـب
علامة إسـتفهام وإسـتـعجاب قـبـل الأمـتحان

الغربه إنك بين أهلك ولا قـبـول ولا مـجـيــب
وفديت في دمك وطنك وزاهدً فـيـك الـمـكان

والغربه إنـك ماجداك إلا الـتنـهـّد و الـنـحـيـب
وتبقى بحالة منطوي وتعيش في حلـم الحنان

والغربه إنـك صرت عـبره لـلبـعـيد ولـلـقـريـب
ورميت ثوب الغيره المحشوم عن ثوب الهوان

والغربه إنك تختلس مال اليتيم و تـسـتـعـيب
والعيب فيك وتستهين النـاس وأنت المستهان

والغربه إنك مع عدوّك تشرب الماء و الحلـيـب
راضي بهذا الشيء وعيونك هدف روس البنان

والغربه إنك تجحد المعروف وأمرك فـيه ريـب
وأنته لـو إنك تنكر الـلـي صـار لـلـفـاعـل مـدان

والغربه إنك مثل من يقبض على الجمر اللهيب
يا الله حسن الخاتمه بالمحتضر و الـمـسـتـعـان

والغربه إنك منغمس باللهو عن ذكر الحـسـيـب
تهيم بالظلمات مـاعـنـدك على نـفـسـك ضـمـان

مايوصلك بر الأمان امغيث بالـيـوم الـعـصـيـب
إلا بـقـدرة من يـديـر الـفُـلـك و يـديـر الـزمـان

بر الأمان الحب بـانـواعـه على نـهـج الـحـبـيـب
شفيعنا في يوم طوي الصحف وايضاح الـبـيان

هذا حسب عرفي عن الغربه يصيب أومايصيب
من مابحوزة جعبتي يكـفي من الـعـشـره ثمـان

عايض المهيمزي الرشيدي

[اصايل]

صح لسان الشاعر
وتسلم ياعمي على النقل المتميز
تحياتي

[اللحالي]

جزاك الله خير اصايل
الله يسعدك المديره

[اللحالي]

حسن الخلق

‏بسم من بدا بأمره بحـرفـيـن كاف ونـون
الاول و الآخـر. مـامـعـه. واحدن.. ثـانـي

له الحمد والمـنـه وتسـبـيح مـاب الـكـون
ولـه الـمـلـك كلـه يـارثـه و الـبـشـر فـاني

علـيـه اتكالي طـول عمـري وأنا مـمـنـون
اسـألـه عـلى درب أهـل الـخـيـر يـقـداني

بعـد ذكـره الشـده وصـعب الأمور تـهـون
وظهر للخبـر مـبـدأ ونـظـم الـشـعـر زاني

ابا ابحث عن اليمه مع القصد والمضمون
ومفهوم حسن الخلق من فيض وجداني

واسمـيـه شـجـره مثمـره خيرها ميمـون
مـاوارى الـتـراب جـذروهـا خلـق ربـاني

ذكـره الولي في محكم كــتـابـه المكنون
ووصف فيه طه المصطفى نسل عدناني

على ساس مبداه الشريعه فخرواحصون
حبـاه الكريـم احمـاه عـن كـل نـقـصـاني

مايوصـف بغـيـره فـاز وامتـاز نوع ولون
مـواريـه بـالـلـي فـيـه تـنـزيـه و إيـمـاني

حليم على الجاهـل ولايـواخـذ المجـنـون
ويعين الضعيف ويجزي السيء باحساني

حشـم من تحلابـه عن الناقصـه والـهـون
سمى واعتلا شـانـه عن الـهـزل والـداني

ملامح نقاء يوسف ورهبة نداء ذا النون
وجـبـروت صـبـر إيوب في كـل مـاكاني

وهـيـبـة نبي الله مـوسـى على فـرعون
ومكارم شفيع الخلق في زوغ الاذهاني

ياكثر الخصال الحسنه اللي بها مقـرون
لكن اضمحل الـفـكـر والـوقـت عجلاني

يقـل الكلام ويسـكت الماهـر الملسون
ويجف اليراع وملهم الحرف ما اعطاني

عايض المهيمزي الرشيدي

[اللحالي]

عزة النفس

‏أشرقة شمس جفت بأكسجين الحقول
واغربة مستحيل أحلـم بـنـسـيـانـهـا

أرتجفت ووقفت وصـار. فـيـنـي ذهـول
ولّـعــت. نـار.. و أنـا. صـرت.. دخـانـهـا

خلّـف آدم. وحـواء بـنـت غـيـداء دلـول
تـبـتـهـل. شـر. وإلا. خـيـر.. لأخـوانـهـا

لو يصيب العيون من المـحـبـه كـسـول
أخضعت روس قوم لسيف سـلـطـانـهـا

ويش معنى النحل لولا العسل يامعسول
وويش معنى القلوب بـدون وجـدانـهـا

كيف بمنعك وافتح لك جمـيـع الـقـفـول
رحت تـسـرح وتـمـرح وسـط بـيـبـانـهـا

القصيده على شـانـك تـصـول و تـجـول
أخلقت نـفـسـهـا مـن ضـلـع شـيـطـانـهـا

من يدوّرعلى الـحكـمـه بـراس امـهـبـول
وأنت حكمه خلـقـك الـلـه عـلـى شـانـهـا

في عيونك سوالـف ويـش تـبـغـى تـقـول
خـلـهـا.. تـشـرح.. الـقـصـه.. و عـنـوانـهـا

اطعـن الـخـوف كن واثـق بـكـل الـحـلـول
شـرد.. الأفـكـار. قـلّـي. ويـش. بـرهـانـهـا

قـبـل. تـنـدم بـمـا تـفـعـل. عـلـى مـاتـنـول
حـاسـب. الـنـفـس قـبـل حـسـاب ديـانـهـا

خلنا ننـفـض غـبـار. الـسـنـيـن. الـمـحـول
فـي حـضـن.. جـنـة الـدنـيـا و ريـضـانـهـا

كـل. كـلـمـه.بـريـئـه لـلـخـطـيـئـه غـسـول
فـرشـت. لـك.طـيـور.الـحـب جـنـحـانـهـا

شفت من سبع بعيونك محـل و أبـوهـول
والـحـدائـق و بـرج... إيـفـل بـحـجـانـهـا

يضوي الرمش الأسود فوق طرفً خجول
وبـيـن. مـثـل. الـشـفـق. مـزنـه. وربـانـهـا

وعنقك اللي مثل عنق الـمـهـاه الـجـفـول
الحذر شـم مـاهـو. و شـوف بـأعـيـانـهـا

وبين متنك وصـدرك والـردوف امـعـزول
جـل. مـن.. يـعـطـي الـنـعـمـه و مـنـانـهـا

ضام ساقيك من ردفـيك ثـقـل الـحـمـول
يـرجـح.. الـكـيـل.. بـالـكـفـه و مـيـزانـهـا

فيك من كل شـكل بـكـل لـون امـعـمـول
وكـل. الأشـكـال.. لـونـك ذاب. بـألـوانـهـا

فيك كلك على جيلك جـمـيـع الـفـصـول
وفيك كل الزهـور الـخـضـر بـأغـصـانـهـا

و ألك بـاقـة ورود الـحـب خذهـا قـبـول
و ألك... دولـه.. بـرئـيـسـهـا و سـكـانـهـا

أنت دره ماتـشـبـع مـنـك كـل الـفـضـول
قـطـرةٍ مـن نـدى مـاشـرب عـطـشـانـهـا

ماتخـيـلـت مـن شفـتـك عـلـى كـل زول
اضـمـحـل.. بـعـيـونـي. شـوف خـلانـهـا

كان مـافـيـه مـثـلـك مـايـثـيـر الـعـقـول
كـل. ورده. تـمـوت. بـوسـط بـسـتـانـهـا

يمدح السـوق من يربـح بـدى يـاعـذول
اتـرك.. الـنـاس.. رابـحـهـا و خـسـرانـهـا

آه.. لـوجـابـت. الـقـدره. شـداد و ذلـول
ماتضـيق الـوسـيـعـه بـيـن ضـلـعـانـهـا

نسترد ألنفـس بـالأرض عـرضً و طـول
و أنـتـبـادل. عـزاء. الـدنـيـا وحـرمـانـهـا

بس ماني على قسمـة وكيلـي عـجـول
الله الـلـي. رفـع.. نـفــسـي. و لاهـانـهـا

عـزة الـنـفـس تـبـقـى و الغـريره تـزول
ماتموت الـنـفـوس يـمـوت جـثـمـانـهـا

عايض المهيمزي الرشيدي

[اللحالي]

‏عقدين راحن وأربع اسنين تأكيد
و أنا على هالحال مـازان جـوّي؟

عـيّـا قليل الفود يستقبل العـيد؟
في مثل بيت العنكبوت أمتطوّي

تـقـصر حباله عن جميع المواريد
مايسلك إلا مع طريق امـتـلـوّي؟

مريض عجز بمثله الطب مايفـيد
جسمه من أنواع السموم امتروّي

اعاقته كانت وهو يـرضـع الـديـد
مـقـطـع أربـع مـايـقـوم امـتثـوّي؟

أقول صح النوم ويقـول مـا اريـد
توّك تصحيـنـي و أنـا فـيـك تـوّي؟

خلك معي لاينقص الهرج ويـزيـد
قدام اجيك من النجوم أمتـقـوّي

لاتحسب إنه ينفعك زيد وعـبـيـد
إذا زعـلـت الله يـكـافـيـك سـوّي؟

عايض الرشيدي

[اللحالي]

ما أخذت ثار كليب ياسالم الـزيـر
مافات من يومً عليك امحسوبـي

طبع الدهر بين ارتفاع ومحـاديـر
يزين بعض أوقات ويشين نـوبـي

في حامي الكنه على طيّة الـبـيـر
أزريت أفيق من الضمأ من اغروبي

في منتصف مرباع سيد الغناديـر
وقفت حاير منزعج من اسلـوبـي

مكسورخاطروألزم الصّمت تشفير
عن نار قال وقيل ناس ٍ حـكـوبـي

القلب يكفخ مثل مايكفخ الـطـيـر
ويومي كما أوماي الشّجربالهبوبي

أفتر دولاب الضماير كـمـا الـسـيـر
يدق به هـاجوس مـع كل صـوبـي

دكت همومه بين ورد ومـصـاديـر
شرقٍ وغرب ومن شمال وجنوبـي

وصاحبي عني احدتـه الـمـقـاديـر
بيني وبـيـنـه مـغـلـقـات الـدروبـي

بحال عـني بعد لـنـدن عـن الـنـيـر
وإلاّ بـحـال أقـرب من ازرار ثـوبـي

عذب الخدود ابو النهود المـزابـيـر
قـلـبي بـحـبـه عـاصـيً مـايـتـوبـي

طيفه يصوّرلي مع الحلم تـصـويـر
أفـز. لا شـفـتـه و انـاجـيـه. دوبـي؟

ولايستجيب لصوت داعي بتعبيـر
صورة خيال بدون نفس امحبوبي

اصير مثل المـنّـجـم دون تـفـكـيـر
حلمً يسوّي هـالـطـبـيـعـه كـذوبـي

الـلـه يـذكـر ذيـك الأيـام بـالـخـيـر
يوم إن أنا وإيّا المليح الـعـجـوبـي

أخذت في روضة غرامه مشـاويـر
كلٍ شرب من صافي الحب كـوبـي

حبي وحبه صـدق مـافـيـه تـزويـر
الـلـه يـعـلـم في خفـايـا الـقـلـوبـي

جـاهـل وأنا جاهل وللحب تـبـريـر
حكمـه مجازٍ فيه بعض الـعـيـوبـي

يقول ويش الحب شرحً وتفـسـيـر
وأقـول له وأنـا خـفـوقـي يـذوبـي

خلك على حشمه وشيمه وتقـديـر
وأبعد معي عن مايـثيـر الـعـزوبـي

يامن تخدّرنـي بحـمـر و مـغـاتـيـر؟
من بينهن حلو الـمـصـفّـى يـروبـي؟

العب على كيفك وصم يوم تكفير
كانك تحسب إنك على باب طوبي

يمـكن بما سويت تـجزاء زمـهـرير
و أنـا بـمـا سـويـت يـغـفـر ذنـوبي

عايض الرشيدي

[اللحالي]

https://pbs.twimg.com/media/EsK4KS7XUAM8UuY?format=jpg

[اللحالي]

‏
بديت بـسـم الحيّ و الـغـيـر فـاني
ربـي وأنـا عـبـده ماغـيـر الـرجـابه

الـلـي عـلـى سـنـة نـبـيّـه هـداني
كلٍ سـجـد لـرضاه خوف و مـهـابه

من بعد ذكره زان نظـم المـعـاني
واحـد سوأل أثنين حـل الإجـابه

يأهل القلوب اللي غمرها الحنـاني
حـيـوا مـعي بالضيف يامرحبـابه

أهلا وسهلا في قدوم رمـضانـي
أفضل شـهـر نزل به الله كـتـابـه

حيوا بشهر المغفره و الحـسـاني
من يحسن صيامه على الله ثوابه

اهـنّـي الأحـبـاب. قـاصـي و داني
ما أخص احد كل الخليج وجنابه

وازف. بـاقـات الـفـرح و الـتهـاني
لـلـمـسـلـمـيـن بـكـل بـقـعـة تـرابه

عـسى يـعـود بـخـيـر ربي وأماني
فـي جـاه رب الـكـون عـلّام مـابه

منزّل.الـتـوبـه. وسـبع. الـمـثـانـي
سامـع دبيب النـمـل مـاصك بـابه

وصلوا على الهادي رفيع المكاني
شفيعنا في يوم نـخـشـى عذابـه

اخوكم/ عايض الرشيدي

[اللحالي]

‏
بديت بسم الـمـهـيـمـن،، فـارج الـغـمـه
اللي له الحمد والتسـبـيح،، و الـتكبـير

اللي خلق هـيئـة الإنـسـان ،من ،، حمّه
بأمره كما ابداه عاده واحسن التصوير

من بعد ذكره يطيب القصـد و الـيـمـه
و تعريف مايستحق الشكر و الـتقـدير

يشوقني ،، للمثايل ،، عالي ،، الـقـمـه
مع طلعة سهيل ذعذاع النسيم عصير

من فـيـض اتـابـع شتات الفكر وألـمـه
وانـسـخ من الذاكره مـايـثـري التفكير

ياحبني ،، للصـغـير ، ولابـس ،،الـعـمـه
وياحـبـنـي للكريم اللي يحب الـخـير

و ياحبـنـي للغـيور اللي ،، على ،، دمه
ويحبني للقـنـاعـه ،، وإحترام ،، الغير

وياحبني للوفاء و الصمت و الـهـمـه
وياحـبني لإسـتشارة صادق التعبير

وياكرهـنـي للبخيل وهافي ،، الذمـه
وياكرهني للمهانه ،، و آفة ،، التبرير

ويكرهني للحسود ،، وناقل ،، النـمـه
وياكرهني للرياء والظلم و التبذير

وياكرهني للهزو ،، والزور،، والـزمـه
وياكرهني للردى ومجامل التقصير

ساويت من يمدح الرجّال ويـذمـه
وخليت سمن السنين الشاحبه للسير

ماقول مافيه احد ينسى حليب أمه
من فسّرالماء بعد جهده هو التفسير

وان قلت محفوظ سر الواو والضمه
ماعاد يبقى على وجه البسيطه بير

عايض المهيمزي

[عايض الرشيدي]

اشوف في نفسي من النقص تلميح
واشوف في،،غيري،،خيار،،المزايا

اخذ من الحاضر،،،دموع التماسيح
واخذ من،، الماضي،، دموع البرايا

امسي وليلي، ،الفيافي ،، مصابيح
ساعه تعوضني ،، خبيث ،، النوايا

والصبح اسلي،،خافقي،،بالتباريح
واشوف بعيوني ،، رسوم،،وحلايا

كل اتجاه تصافق،،الريح ،،بالريح
من الجوانب ،،ماتشوف ،،المرايا

ياما وياما،،ينحرف،،نجم ويطيح
عادي ماتلقى ، في، مطيحه بقايا

السالفه ماغير،، لعبة ،،مراجيح
على شكل ،،مخروط،،ماله زوايا

عايض الرشيدي

[عايض الرشيدي]

امسي وليلي ،، بالوسيعه ، نهاري
ربيع قلبي عن ، جميع المحاصيل

ارتاح لو ،، اخذ ،،بذيب ،،الغداري
شراسته ،، وكنايته ،، مثل ماقيل

وين انت ساري ،ياشقى كل ساري
خذني خوي واياك عن وحشة الليل

ننحاش من،ضيق، البلد للصحاري
ناخذ مع فجوج ، ، الفيافي تعاليل

ودي تفيض من ،، العيون العباري
على مكان ،، رسومهم،،والمداهيل

مدري متى أنسى مزمنات الطواري
اللي لهن في وسط صدري مواويل

اقرأ من الماضي،،صحيح البخاري
واقرأ من الحاضر،، رواية مهابيل

داري واسوي كن ،، ماني بداري!!
اواكب الواقع ،، تصنّع ،، مع الجيل

عايض الرشيدي

[عايض الرشيدي]

ذكرت الكريم اللي،،بعد،،ماذكرت افلحت
حسيبي ووكلته ،، بنفسي ،، ومصلحتي

سباعي مجيعه كل مامسيت وإلا اصبحت
ولا ياحمامه وين ،، في ،،مسمعي نحتي

بغيت اتعدى ،، الجاذبيـه ،، وانا مارحت
على متنها ،، ماغير،،صمتي ومسبحتي

بقدر اتساع الذاكره،،في،،محيط السحت
احاتي ضيوفٍ ،، ماتخلي ،، مصافحتي

اشوف الغبار يموج،،فوقي،،وظله تحت
ابادل مجاديفي ،،وحوت ،، البحر تحتي

ابااجتاح مرج اللؤلؤ برحلتي واجتحت
لو إن الرياح،الهوج ،تحسب مناطحتي

تعلمت من صم،،الصخر هيبتي والنحت
وتخيرت منه ،اللون ،الابيض بلائحتي
عايض الرشيدي

[اللحالي]

‏توقفت في دربـي وشفت الرسوم قنوت
على افراق اهلهـا جـاير.الوقت يجرحني

تزاحم بصدري ناس تحكي وناس سكوت
وهـي كنها عن ضيقـة البال تـنـصـحـنـي

لو ان الوفي يجزا فدي قلت قبل الفوت
توسـط مـرابـيـع الـغـلا زيـن واذبـحـنـي

ربيعي فداك الله يسـامحك قبل تموت
لو إنك عفيف من الخطأ وانت سامحني

اجـاري بمسـحوبك هجيني وبحة صوت
اوثـق مجال الصمت والبوح يـفـضحـني

وجودي على ماضي زمانك وجـد بخوت
على شـوف ذود العود ليتك تصـافـحـني

لـكـن الـتـمـنـي مـايـدنـي خـبـر مـثـبـوت
لو انـه عـن هـمـوم الـطـواري يـريحنـي

لامني رفعتك بالشعر طاحوا اهل بشوت
تسلق على متني زحل هـيض وامدحني

لو ان النحل يبني خليه بـغـصن الـتوت
مانلقا عسل وسط الشجر من يصارحني

ينامون الاعداء غيض وعيونهم فالبوت
قـهـرهـم لـو إني في عـزايـه يـفـرحـنـي

عايض الرشيدي

[اللحالي]

‏استعجل الاحلام يادرب الاحلام
لو ان تـفكيري سبق صـغـر سـنّي

سير الحياة يدور بحقـول الالغام
من ياخذ احزان المسـاجين مـنّي

انام في صدري مثل عبءالايتام
واصحى وكنه يحتضرفيه جـنّي

ياكفة الـميـزان لـو حـبـرالاقـلام
يـصـيـر لـونـه بـيـن الالـوان بنّي

ماهي بـحـزة كل مـاقـلـت قـدام
قـدام سـالـف وقـتـهـا بـالـتـمـنّي

اعيد مـاضيها من العـام لـلـعـام
ارتاح لو مافيه غير الـهـبـنّي

طرقي وقدامي طراقي بالاسلام
ماخانني في طعن الاحسان ظنّي⁩

محدً يمشـيهـا بكيـفـه بـالارغـام
ناقوسـهـا في كل لـحـظـه يـدنّي

منشارهـا جزار بـأحـوال الاقـوام
من عصـر ابونا آدم وهي مـاتونّي

ماني بجاهلهـا بـطاهـا و الانـعـام
تضـوي بـراعـيـهـا لـريـع الـمـغـنّي

منهـا يديني بيـض تـعـزيز واكرام
مـاقلت وقت الـضـيـق لإنّي ولإنّي

عايض الرشيدي

[اللحالي]

74tk-Y3cCpI

يا اخـوي لـو مـاجابك ابوي وامي
اسمع مضامين الحقيقه وانااخوك

مـادمـت بـالإسـلام لـحمي ودمي
لاياخذك صوب القطيعه هل الروك

قـدرك و قـدري عـنـدهـم مـايهمّي
قدرالحصان بسوق زفتى وكركوك

الـذيـب لـولا هـيـبتـه ويش سمّي
حـذراك تـتـبـع دربـهـم لـو تـعدوك

لـقـمـتـك وفّـرهـا قـبـل مـاتـسمّي
معنى الـقناعـه كل مشروك مبروك

مـايـعـطـي إلا الله و خيـره يـعمّي
اللي كتب لك تاخذه وانت صعلوك

ديـس الـعـقـيـمـه ما رضعته بفمّي
لـو انّـي اوقّـي قـدمـهـا عن الشوك

نـفـسي عـزيـزه مارمي شيء يمّي
مـانـي لـتـجارالوهم بنك مملوك

سـيـر الـحـيـاه بـدربـهـا مـايـتـمي
مـبـدأ الـعـبـور نهايته غير مسلوك

في يوم جمـع الـمـال فيهـا مخمّي
ماينفعك لا ابناء ولا أمك ولا ابوك

[اللحالي]

شـمـوخي يحط الهلايم بالاجمـاع
لو إن من ربعي علـيـهـم وسـيـمـه

الـذيـب مـايـاكل ذراعـه الـيـا جاع
مـيـر آخرالأيام صـارت وخـيـمـه

مـاعـاد لـلـنـخوة مشاريه واطماع
اقرب قريب يبيعني في خصيمـه

هـرج الـقـفى من ماربة قاصرالباع
اللي عن اخـتـه مـيـزتـه بـالـتميمـه

ام الـكـبـائـرخـلـتـه يـمـرغ الـقـاع
لين الـتبس من حالك الليل غـيـمـه

ليته وطى أم جنيب بالرجل وارتاع
مـيـرالـمـصـيبـه شالها في بـريـمـه

كيف اعتبرهاكبوة حصان صعصاع
اخفـق وبالاخرى يـجـيب الغنيمـه

من الـبـدايـه يـلحـق الـنـاع بالـناع
جاب المطـمـه والخسـائر جسيمـه

من لاتراجـع عن خطـايـاه وانصاع
مايفـيق لـو يـجـر ذيـل الـهـزيـمـه

يالمحزم المليان في وجه من ضاع
الله من الضيعـه وضعف الـعزيـمـه

سمعت صوتي ميرماجيت بالساع
من الـسـنـام أسـفلت لردوف ريمه

كثرالـغـرور يزيدك الصاع بالصاع
من شك في نفسـه ظنونه وخيمه

أنا عضيدك لاعصى الوقت ماطاع
وتزاحمـة بـيـن الـغـريـم وغـريـمـه

احـزامـنـا مـابـه مـكاذيـب وانـواع
كـلـه عـمـار ونـار بـصـمـه قـديـمـه

مـاكان فـيـنـا للآسـف عـرق خـنّـاع
بـس آخـر..الأيـام مـاهـي سـلـيـمـه

اثـره دخـل مـعـنـا من القوم رضاع
والـلـي تـبـنـاه الـبـلاءفي صـمـيمه

وشـلـون يصبح لـلـبـسـاطـيرلـمـاع
مـاعـاد له في صفـحـة المجد قيمه

لعب الصغار يذبذب اسداس وارباع
ولـعـب الكبار يزيدهـيـبتـه و شـيمه

ليتك على وضح النقى جيت فزاع
مع صـاحـبـك يأهل النوايا السقيمه

الـثـور يـغـبرفـوق قـرنـه الـيـا فاع
وأم الـقـريـن وسـالـفـتـهـا قـديـمـه

ماجاب لك حظك سوى ريح شمّاع
تـسـتـنـشـقـه في كل وجـبـةوليمه

يشيرلك ناويك في روس الأصباع
من لاحشم نفسه مايلقى حشيمـه

يـاحـيـف صرت لبارد الوجه تـبـاع
لين انحـنـيت وذقت طعم الحريمه

تـراك مـاتـلـقـى عـن الـمـوت فـراع
بس انتبـه لاتـمـوت موت البهـيـمـه

من شـب عمـره للهلابيس مـطـواع
يشيب ويـكـفـن بـثـوب الـجـريـمـه

عايض الرشيدي

[اللحالي]

‏‎#خذني_قلم

قـولـوا. لـخـلّـي. لايـغـيّـر..نـيّـتـه
مـثل ما.أحبه حب صدق يحبّني

وإلا بحـسـنـاتـه يـكافي سـيّـتـه
يتـرك سـبـيلي يـاهـلـي ويكبّـني

وإلا يجيني وأحتفل في جـيّتـه
وان راح ياخذني مـعـه يلـعـبّـني

عـطـاه سـلطـان الـهـوى حـريّـتـه
يفعل على مايشتهـي سـيدالـبّني

يذبـح ومـن يذبـح مايدفع ديّتـه
لـيـتـه. نـوى ذبـحـي ولا عـذبّـني

يروي ضمأ العطشان من جنبيّتـه
لو مات من شد.الضمـأ مـاشربّني

اقـول تكفـى الـظـل زالـت فـيّتـه
يـقـول مالك في حمـايـه مزّبني

مـانـي وكـيـل آدم. عـلـى ذريّـتـه
مـايـهـم تـمـدح. في و إلا سـبّـني

سـوده تـبـوح أسـرار عن جـديّـتـه
كـنـه على الـمـاضي يبي يرجعبّني

غنّت على الـغصن الخضر قمريّتـه
طـارت ولآخر مـنـتـهـى تشهـربّـني

يامن طوى عـذب الكلام بـطـيّـتـه
خـذنـي قـلـم دوّر ورق وأكـتبّـني

خذني معك ماء من مناهل مـيّتـه
دوّر على صحراء السراب وصـبّني

صـبّـح مـعـي غـيّ الـغـرام وبـيّـتـه
أنـا حطب نـار الـفـراق أشـعـلـبّـني

‎#عايض_الرشيدي

[عايض الرشيدي]

بـديـت. بـسـم.مـورق.الارض تـوريق
اللي..رفـع.. سـبـعً و سـبـعً.. بـامـانـه

بامره تسير الشمس من غرب تشريق
سـبـحـان.رب.الـكـون يـاعـظـم شانـه

اعـوذ. بـه مـن شـر.كل.الـخـوازيـق
واعـذو.بـه من شـر يـوم.امـتحـانـه

مـن بـعـد. ذكره. زان.قطف الزماليق
لعيون وضـحـن مـاخـلـطـهـن دكانـه

ياهاجسي لاتـنـتـظر يـوم تـصـفـيـق
ماهي بعندي خيشـة.اهـل الـدمـانـه

مالد وجـهـي بالـوجـيـه الـمـدانـيـق
نـفـسـي عـزيـزه مـاتـحـب الاهـانـه

راسي سماء ما الفق الحكي تلفيق
مـااجـامل اللي طيبـهـم بالـمـهـانـه

عرفت خلان السعه ساعة الضيـق
ارقـامـهـم صـفـرين في كل خـانـه

مالي حسايف لـو تذب الـمـناتـيـق
اكرم و بـيت الـعـنكبـوت بـمـكانـه

ارسالتي تـرجح بجزل الطـواريـق
عـنـوانـهـا المـيـزان عـدل و رزانـه

غلفـتـهـا باللي يـشـل الـمـواسـيـق
ياخـذ قوي الحـيـل بـزعـيـتـمـانـه

مـدخالها يفتح قفول الصـنـاديـق
ومـظهـارها يـبـقـى لـراع الامـانـه

عديتها روس الجبال الشواهـيـق
وسـمـي عـلـيهـا مايجيهـا طمانه

وان حـولـة صـقـرً بـلـيـامسابيق
يشـبـع بمخلابـه ويـرفـع كـيـانـه

اسابق الشرهه بدربي على الريق
واخذت عنهاالدرب الايمن ميانه

لو انهـا تشمل حقوق الـمخالـيـق
مـع حسن ظني ماعليها ضمـانـه

اشره على الطيب بكل المواثيق
اللي عن الـهـفـوات يكرم بـيـانـه

والا ردي الحظ مـامن تـوافـيـق
يبي هو الطيب بخـبـث وعفانـه

مدح الرياءبالهيس مثل الخماليق
مـاتـسـتـره لاشـال ثـوبـه زمـانـه

جربوع خلا الجحر كله مناطيـق
حتى بفعل الخير يحسد اخوانـه

بانت ملاحيق الرجال المـلاحيق
كل على نـفـسـه يـشـيـر فبـنـانـه

لو سيرة ابن آدم تجاه وتفـاريـق
ماكل من غاص البحرجـاب دانـه

دنيا التعاسه مـاتـبنـى مطـالـيـق
طريدها تضفي علـيـه الـجـبـانـه

ان ادبرت تصفي يدين المشافيق
وتملا يدين اهل البذخ والخيانـه

غربانـهـا تمسي بريش الغـرانـيـق
وتصبح بحالك ليل في عنفـوانـه

من يمهاعندي مناعه عن الضيـق
اخذتها من فضـل ربي حـصـانـه

برك هديب الشام للحمل مايطيق
وعـقـيـل خابـرتـه وسيعً بطـانـه

اشوفها بين الحقب والسماحـيـق
تمشي وتبطي مـاتـعـدت ثـفـانـه

مني كفو.ترقدمدى العمرماتفيق
لوانها اصغر من محيط استكانه

عاقل ولا اجامل جميع الهماليق
ولااواخذ الفارس بكبوة حصانه

عشرين والباقين راحوا سملّيـق
حتى بمـا وصى حميد الـديـانـه

كلمـة تحمـد ماعلـيهـا مـغـالـيـق
بس الكبود السود تبغى صيانـه

عقولهم تاخذ مـع الليل تـرويـق
وتكبتهم الغفوه وقبضـة عنـانـه

السدر والكافور نفحه وتعـتـيـق
فوق القلوب اللي عليهـا كـنـانـه

المدح يشرونه مزاين وتنسـيـق
ويشرون شاعرهم بنصفة ثمانـه

افكارهم فيها من الضعف تهنيق
تطرب لصوت الزير قبل الكمانـه

فقاعة الصابون لعب المطافـيـق
اللي ماشافوا ماسـك الخيزرانـه

كثر الحسايف بالمطاليق ماتليق
لكن هـذا الـوقت مثل الـرهـانـه

يالمحزم المليان من غير تعليـق
الله من الضيعه وكثر النـتـانـه

لوالمطر يغسل جنوب البطاريق
ملح البحر يبقى نتيجـة زمـانـه

الشاعر اللي مايقول الخـثاريـق
صح الله ابدانه وعظمة لـسـانـه

وعلى نبيً وثـق الحـق تـوثـيـق
صلى الله وسلـم بكل استعـانـه

عايض الرشيدي

[اللحالي]

‏‎#على_دارهم

على دارهـم من شرق ساقتني الاقـدار
وانا في عمر جـدي قـبـل لايـسـمـيـنـي

اسـولـف على نفسي وادور مشب النار
احسب إنـهـا من لهفتي بـس يـومـيني

اقدم قدم رجلي وادير الـيمـيـن يسـار
اشوف الرسـوم وغيرت كل مـافـيـنـي

بقايا الثلاث مع النضد غرب دار الجار
ومكان الجباه الطاهره جف في عيني

مداهيلهم تـوحـش بـلاقـع من الـديّـار
سمعت بحصين الذاكره من يـنـاديـني

بعد ماسفا السافي عليها سنـيـن ودار
يـورالـي إنـي بـيـنـهـم ســابـقٍ حيني

‎#عايض_الرشيدي