ياللمح

[اللحالي]

ياللمح ورّد سروحـك على مـقـلاط
و احذف الدلو يم الجم و اجذبـهـا

لايشوّش عـليك الضّول بتلـخـبـاط
حالـهـم زيـلـة ٍ خـسـرت هـوايـبـهـا

وانت من لابـة ٍ بالـمـاقـف لياشـاط
تستشيط بشـرور الكـون بـسـربـهـا

مأنت من يدفـعـون الشّرّ بالاسـباط
هـمّهـا كيف تـسـرح فـي حـلايـبـهـا

الاوادم تناسـوا حرفـة الـشـمـشـاط
لاتـغـرررك.. تـهـزهـازت. مـنـاكـبـهـا

و انت ماتحتسي للمجمـرة مـلقـاط
لـو تـشـعـلـل. لـواهـبـهـا.هـبـايـبـهـا

مأنت أللي منحرورالجمرله مفحاط
مثل من تحـرق اطـرافـه لـهـايـبـهـا

انت من شمّخ الانياب لك مسـعـاط
قبل مـايـطـلـع بـنـادم و يـشـعـبـهـا

دبـرة الله بـخـلـقـه تـنـفـي الاغـلاط
وانت من حاصل الافهام يحجـبـهـا

مأنت من يجهل الملّيم من قـيـراط
يـوم.. فـرق الاوادم. صـار بـرتـبـهـا

لونسولـف عن المقنـوط و الإفـراط
طـالـت.. الـسـالـفـه لـلـي يجـاذبـهـا

مـير نبعد عن اهل الحسدوالاغباط
و نعمل بـالـلـي من المولا ثوايـبـهـا

وانت ياصاحبي رقمن قبل مقشاط
مـاعـرفـنـا. لـخـانـاتـك حـسـايـبـهـا

تغـتنم دون حالاتك يجـي غـمـلاط
والـطّـوايـش بـلـفـضـاتـك. تـأدّبـهـا

والدّليل احرف المرسول دون نقاط
عملـتك واجـهـت. لـي و اتـنـكّـبـهـا

اللحالي جزاع

[الهاشمي]

صح لسانك ياللحالي
ورفيقك الله يبعد عملته عنه وانتبه منوه مير هان باي كوكب ناوي تروح لاعندوه

[اللحالي]

الله يحييك ابو ورنس وين غيباتك عسى خير
وصح الله بدنك يالامير و بالنسبه لـ(اللمح) هذا مشروك و بعدين عندنا اقشر من
خوالوه لكن الإتكال على الله خالق الجميع